ಹೃತಿಕ್ ಜೊತೆಗಿನ ಸಂಬಂಧದ ಕಾರಣಕ್ಕೆ ಅವಕಾಶ ಸಿಗ್ತಿಲ್ಲ, ಪ್ಲೀಸ್ ಕೆಲಸ ಕೊಡಿ ಎಂದ ಸಬಾ ಆಜಾದ್

ಕೆಲವು ವರ್ಷಗಳಿಂದ ಹೃತಿಕ್ ರೋಷನ್ ಜೊತೆ ಡೇಟಿಂಗ್ ಮಾಡುತ್ತಿರುವ ಸಬಾ ಆಜಾದ್, ವೈಯಕ್ತಿಕ ಕಾರಣಕ್ಕೆ ವೃತ್ತಿಪರ ಅವಕಾಶಗಳು ಕೈ ತಪ್ಪುತ್ತಿವೆ ಎಂದಿದ್ದಾರೆ.

ಗಾಯಕಿ ಮತ್ತು ನಟಿ ಸಬಾ ಆಜಾದ್ ಹಲವಾರು ವರ್ಷಗಳಿಂದ ನಟ ಹೃತಿಕ್ ರೋಷನ್ ಅವರೊಂದಿಗೆ ಸಂಬಂಧದಲ್ಲಿದ್ದು ಸುದ್ದಿ ಮಾಡುತ್ತಿದ್ದಾರೆ. 

Saba Azad Hrithik Roshan

ಇದೀಗ ಗಾಯಕಿಯು ತನ್ನ ವೈಯಕ್ತಿಕ ಸಂಬಂಧದ ಕಾರಣದಿಂದಾಗಿ ವೃತ್ತಿಪರವಾಗಿ ಅವಕಾಶಗಳನ್ನು ಕಳೆದುಕೊಳ್ಳುತ್ತಿರುವ ಬಗ್ಗೆ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಹೇಳಿಕೊಂಡಿದ್ದಾರೆ. 

ವಿಶೇಷವಾಗಿ ವಾಯ್ಸ್‌ಓವರ್ ಕೆಲಸದಲ್ಲಿ ಕಳೆದ ಎರಡು ವರ್ಷಗಳಿಂದ ಅವಕಾಶಗಳು ಗಣನೀಯವಾಗಿ ಇಳಿಕೆಯಾಗಿರುವುದನ್ನು ಸಬಾ ಗಮನಿಸಿದ್ದಾರೆ. 

ಸಬಾ ಮಾಸಿಕ 6-7 ವಾಯ್ಸ್‌ಓವರ್ ಉದ್ಯೋಗಗಳನ್ನು ಪಡೆದುಕೊಳ್ಳುತ್ತಿದ್ದರು. ಆದರೆ ಅವರು ತೊರೆಯದಿದ್ದರೂ ಅಥವಾ ಹೆಚ್ಚಿನ ಶುಲ್ಕಕ್ಕೆ ಬೇಡಿಕೆ ಇಡದಿದ್ದರೂ ಈ ಕೊಡುಗೆಗಳು ಗಮನಾರ್ಹವಾಗಿ ಕಡಿಮೆಯಾಗಿದೆ. 

ಪ್ರತಿಷ್ಠಿತ ನಿರ್ದೇಶಕರೊಬ್ಬರು ಈ ಬಗ್ಗೆ ಹೇಳಿದಂತೆ, ಹೆಸರಾಂತ ನಟನೊಂದಿಗಿನ ಸಂಬಂಧದ ಬಳಿಕ ವಾಯ್ಸ್ ಓವರ್‌ನಂಥ ಕೆಲಸ ನಾನು ಮಾಡುವುದಿಲ್ಲ ಎಂದು ಅವರು ಭಾವಿಸಿದ್ದರು ಎಂದಿದ್ದಾರೆ ಸಬಾ. 

ಯಶಸ್ವಿ ಪುರುಷನೊಂದಿಗೆ ತೊಡಗಿಸಿಕೊಂಡಿರುವ ಮಹಿಳೆ ಇನ್ನು ಮುಂದೆ ಕೆಲಸ ಮಾಡಲು ಆಸಕ್ತಿ ಹೊಂದಿರುವುದಿಲ್ಲ ಎಂಬ ನಂಬಿಕೆ ಬಗ್ಗೆ ಸಬಾ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. 

ಯಶಸ್ವಿ ಸಂಗಾತಿಯೊಂದಿಗೆ ಸಂಬಂಧವನ್ನು ಹೊಂದಿರುವ ಮಹಿಳೆಯು ದುಡಿಯುವ ಅಗತ್ಯವಿಲ್ಲ ಎಂದುಕೊಳ್ಳುವುದು ಪುರುಷ ಪ್ರಧಾನ ಮನಸ್ಥಿತಿ ಎಂದು ಸಬಾ ಜರಿದಿದ್ದಾರೆ. 

ಸಂಬಂಧದ ಕಾರಣವೊಂದಕ್ಕೆ ಸ್ವತಂತ್ರ ವ್ಯಕ್ತಿಗಳು ತಮ್ಮ ಗುರುತುಗಳು, ಜೀವನ ಅಥವಾ ವೃತ್ತಿಯನ್ನು ತ್ಯಜಿಸುವುದಿಲ್ಲ. ಬದಲಾಗಿ, ಅವರು ತಮ್ಮ ಪ್ರತ್ಯೇಕತೆಯನ್ನು ಕಾಪಾಡಿಕೊಳ್ಳುತ್ತಾರೆ ಮತ್ತು  ಪರಸ್ಪರ ಬೆಂಬಲಿಸುತ್ತಾರೆ ಎಂದು ನಟಿ ಪ್ರತಿಪಾದಿಸಿದ್ದಾರೆ. 

 ಬೇರೊಬ್ಬರ ಅಜ್ಞಾನದಿಂದಾಗಿ ಇಡೀ ವೃತ್ತಿಜೀವನವನ್ನು ಕಳೆದುಕೊಳ್ಳುವುದು ನಿಜವಾಗಿಯೂ ನೋವುಂಟು ಮಾಡುತ್ತದೆ. ಆದ್ದರಿಂದ ಮತ್ತೊಮ್ಮೆ, ಇಲ್ಲ ನಾನು ಬಿಟ್ಟಿಲ್ಲ,- ನಾನು ಇನ್ನೂ VO ಗಳನ್ನು ಮಾಡುತ್ತೇನೆ. ಆದ್ದರಿಂದ ದಯವಿಟ್ಟು ನಿಮ್ಮ ಊಹೆಗಳನ್ನು ರದ್ದುಗೊಳಿಸಿ ಮತ್ತು ಅವಕಾಶ ನೀಡಿ ಎಂದು ಸಬಾ ನೇರ ಕೆಲಸ ಯಾಚಿಸಿದ್ದಾರೆ.