ಅಲಿ - ರಿಚಾ ಮದುವೆ ರಿಸೆಪ್ಷನ್‌: ಗರ್ಲ್‌ಫ್ರೆಂಡ್‌ ಜೊತೆ ಪೋಸ್ ನೀಡಿದ ಹೃತಿಕ್ ರೋಷನ್
First Published Oct 5, 2022, 5:05 PM ISTಅಲಿ ಫಜಲ್ (Ali Fazal) ಮತ್ತು ರಿಚಾ ಚಡ್ಡಾ (Richa Chadha) ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಈ ಜೋಡಿ ವಿವಾಹ ಕಾರ್ಯಕ್ರಮಗಳು ದೆಹಲಿ, ಹೈದರಾಬಾದ್‌ ಮತ್ತು ಮುಂಬೈನಲ್ಲಿ ನಡೆದವು. ಕಳೆದ ರಾತ್ರಿ ಮುಂಬೈನಲ್ಲಿ ದಂಪತಿ ತಮ್ಮ ಮದುವೆಯ ಆರತಕ್ಷತೆಯನ್ನು ಆಯೋಜಿಸಿದ್ದರು. ಬಾಲಿವುಡ್‌ ಸೆಲೆಬ್ರಿಟಿಗಳು ಇದರಲ್ಲಿ ಭಾಗವಹಿಸಿದ್ದರು. ಈ ಅದ್ಧೂರಿ ವಿವಾಹ ಆರತಕ್ಷತೆಯಲ್ಲಿ ಹೃತಿಕ್ ರೋಷನ್ ತಮ್ಮ ಗೆಳತಿ ಸಬಾ ಜೊತೆ ಆಗಮಿಸಿದ್ದರು. ಈ ಸಂದರ್ಭದಲ್ಲಿ, ಸಬಾ ಅವರು ಬ್ರೈಟ್ ಹಸಿರು ಬಣ್ಣದ ಶರರಾವನ್ನು ಧರಿಸಿದ್ದರು. ಛಾಯಾಗ್ರಾಹಕರಿಗೆ ಪೋಸ್ ನೀಡಿದರು. ಇವರಲ್ಲದೆ, ವಿಕ್ಕಿ ಕೌಶಲ್, ಟಬು, ವಿಶಾಲ್ ಭಾರದ್ವಾಜ್, ಹುಮಾ ಖುರೇಷಿ, ತಾಪ್ಸಿ ಪನ್ನು, ಅಮೈರಾ ದಸ್ತೂರ್, ಕಿರಣ್ ರಾವ್, ಅಶುತೋಷ್ ರಾಣಾ ಸೇರಿ ಅನೇಕ ಗಣ್ಯರು ಕಾಣಿಸಿಕೊಂಡರು. ರಿಚಾ ಚಡ್ಡಾ-ಅಲಿ ಫಜಲ್ ಮದುವೆಯ ಆರತಕ್ಷತೆಗೆ ಆಗಮಿಸಿದ ಸೆಲೆಬ್ರಿಟಿಗಳ ಫೋಟೋಗಳ ಫೋಟೋ ಇಲ್ಲಿವೆ.