ಬೇರೆ ಆಗ್ತೀವ್ ಎಂದ ಮೇಲೆ ಕಾಶ್ಮೀರದಲ್ಲೇನು ಮಾಡ್ತಿದ್ದಾರೆ ಆಮೀರ್ ಖಾನ್, ಕಿರಣ್ ರಾವ್?

ಕಳೆದ ತಿಂಗಳು, ಅಮೀರ್ ಖಾನ್ ಮತ್ತು ಕಿರಣ್ ರಾವ್ ತಮ್ಮ ಡಿವೋರ್ಸ್‌ ಆನೌನ್ಸ್‌ ಮಾಡುವ ಮೂಲಕ ಇಡೀ ದೇಶಕ್ಕ ಶಾಕ್‌ ನೀಡಿದರು. ಬಾಲಿವುಡ್ ಮಾಜಿ ದಂಪತಿ ಅಮೀರ್ ಖಾನ್ ಮತ್ತು ಕಿರಣ್ ರಾವ್ ಬೇರೆ ಆಗಿರಬಹುದು, ಆದರೆ ಅವರು ಒಬ್ಬರಿಗೊಬ್ಬರು ಮತ್ತು ಅವರ ಕುಟುಂಬಗಳೊಂದಿಗೆ ಒಳ್ಳೆ ಸಂಬಂಧವನ್ನು ಉಳಿಸಿಕೊಂಡಿದ್ದಾರೆ. ಪ್ರಸ್ತುತ ಅವರು ಕಾಶ್ಮೀರದಲ್ಲಿದ್ದಾರೆ. ಅವರ ಮುಂಬರುವ ಚಿತ್ರ, ಲಾಲ್ ಸಿಂಗ್ ಚಡ್ಡಾ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. 

ಆಮೀರ್‌ ಮತ್ತು ಕಿರಣ್‌ ಪತಿ-ಪತ್ನಿಯಾಗಿ ಬೇರೆಯಾಗಿದ್ದಾರೆ. ಆದರೆ ಅವರು ಪರಸ್ಪರ ಒಳ್ಳೆ ಸ್ನೇಹ ಸಂಬಂಧ ಇನ್ನೂ ಉಳಿಸಿಕೊಂಡಿದ್ದಾರೆ. 

ಕೆಲವು ದಿನಗಳ ಹಿಂದೆ, ಆಮೀರ್ ಮತ್ತು ಅವರ ಮಾಜಿ ಪತ್ನಿ ಕಿರಣ್ ರಾವ್ ತಮ್ಮ ಸಿನಿಮಾ ಸೆಟ್‌ನಲ್ಲಿ ಲಡಾಖಿ ಔಟ್‌ಫಿಟ್‌ ಧರಿಸಿ ಡ್ಯಾನ್ಸ್‌ ಮಾಡುತ್ತಿರುವ ಅವರ ಫೋಟೋಗಳು ಮತ್ತು ವೀಡಿಯೋಗಳಲ್ಲಿ ಕಾಣಿಸಿಕೊಂಡಿದ್ದರು.

ಈ ಮಾಜಿ ದಂಪತಿ ಪ್ರಸ್ತುತ ಅವರ ಮುಂಬರುವ ಚಿತ್ರ, ಲಾಲ್ ಸಿಂಗ್ ಚಡ್ಡಾ ಚಿತ್ರೀಕರಣಕ್ಕಾಗಿ ಕಾಶ್ಮೀರದಲ್ಲಿ ಬ್ಯುಸಿಯಾಗಿದ್ದಾರೆ. 

ಕಿರಣ್ ರಾವ್ ಅವರನ್ನು ಬೆಂಬಲಿಸಲು ಅವರ ಪೋಷಕರು ಕೂಡ ಕಾಶ್ಮೀರದಲ್ಲಿ ಇದ್ದಾರೆ.

ಅಷ್ಟೇ ಅಲ್ಲ,ಆಮೀರ್ ಖಾನ್ ಅವರ ತಾಯಿ ಮತ್ತು ಸಹೋದರಿ ಅವರೂ ಜೊತೆಗಿದ್ದಾರೆ.

ಶೇರ್-ಇ-ಕಾಶ್ಮೀರ ಅಂತಾರಾಷ್ಟ್ರೀಯ ಕನ್ವೆನ್ಶನ್ ಸೆಂಟರ್ (SKICC) ನಲ್ಲಿ ಹೊಸ ಚಲನಚಿತ್ರ ಪಾಲಿಸಿಯ ಆರಂಭದ ಕಾರ್ಯಕ್ರಮವನ್ನು ನೆಡೆಸಲಾಯಿತು. ಆಮೀರ್ ಸ್ಥಳದ ಸೌಂದರ್ಯದ ಹೊಗಳಿದರು.   

ಕಾಶ್ಮೀರದ ಜನರ ಪ್ರೀತಿ ಮತ್ತು ವಿಶ್ವಾಸದಿಂದ ತಮ್ಮ ಮತ್ತು ಕಿರಣ್ ಪೋಷಕರು ಸಂತೋಷವಾಗಿದ್ದಾರೆ ಎಂದು ಅವರು ಹೇಳಿದರು. ಈವೆಂಟ್‌ನ ಚಿತ್ರಗಳು ಮತ್ತು ವಿಡಿಯೋಗಳು ವೈರಲ್ ಆಗಿವೆ.

ಆಮೀರ್ ಖಾನ್ ಅವರ ಲಾಲ್ ಸಿಂಗ್ ಚಡ್ಡಾ, ಡಿಸೆಂಬರ್‌ನಲ್ಲಿ ಕ್ರಿಸ್‌ಮಸ್‌ನಲ್ಲಿ ಬಿಡುಗಡೆಯಾಗಲಿದೆ. ಲಾಲ್ ಸಿಂಗ್ ಚಡ್ಡಾ ಪ್ರಶಸ್ತಿ ವಿಜೇತ ಹಾಲಿವುಡ್ ಸಿನಿಮಾ ಫಾರೆಸ್ಟ್ ಗಂಪ್‌ನ ಅಧಿಕೃತ ರೂಪಾಂತರ.

ಈ ಚಿತ್ರದ ಮೂಲಕ ಅಮೀರ್-ಕರೀನಾ ಕಪೂರ್ ಜೋಡಿ 3 ಈಡಿಯಟ್ಸ್ ನಂತರ ಮತ್ತೆ ಜೊತೆಯಾಗಿ ಬೆಳ್ಳಿ ತೆರೆಗೆ ಮರಳುತ್ತಿದೆ. ಈ ಚಿತ್ರದಲ್ಲಿ ತೆಲುಗು ತಾರೆ ನಾಗ ಚೈತನ್ಯ ಸಹ ಒಂದು ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.