ಪ್ರಿಯಾಂಕಾ ಜೊತೆ ರೋಮ್ಯಾಂಟಿಕ್ ಫೋಟೋ ಶೇರ್‌ ಮಾಡಿದ ಪತಿ: ತ್ವಚೆ ಬಗ್ಗೆ ನೆಟ್ಟಿಗರ ಟ್ರೋಲ್

ನಿಕ್ ಜೊನಾಸ್ (Nick Jonas) ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ತಮ್ಮ ಪತ್ನಿ ಪ್ರಿಯಾಂಕಾ ಚೋಪ್ರಾ (Priyanka Chopra)  ಮತ್ತು ಮಗಳು ಮಾಲ್ತಿ ಮೇರಿ ಅವರೊಂದಿಗೆ ಕಳೆದ  ಅತ್ಯಂತ ಪ್ರೀತಿಯ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋಗಳಲ್ಲಿ, ಪ್ರಿಯಾಂಕಾ  ಅವರು ಪತಿ ನಿಕ್ ಜೋನಾಸ್ ಅವರೊಂದಿಗೆ ತುಂಬಾ ರೋಮ್ಯಾಂಟಿಕ್ ಆಗಿ ಕಾಣುತ್ತಿದ್ದಾರೆ. ಮೊಸರಲ್ಲೂ ಕಲ್ಲು ಹುಡುಕುವ ನೆಟ್ಟಿಗರು ಪ್ರಿಯಾಂಕಾ ಚೋಪ್ರಾರ ಕಾಲಿನ ಕಲರ್ ಬಗ್ಗೆ ಕಾಲೆಳೆದಿದ್ದಾರೆ.

ಪ್ರಿಯಾಂಕಾ ಚೋಪ್ರಾ-ನಿಕ್ ಜೋನಾಸ್ ರಜೆಯನ್ನು ಎಂಜಾಯ್ ಮಾಡುತ್ತಿರುವ ಕೆಲವು ಫೋಟೋಗಳು ಮುನ್ನೆಲೆಗೆ ಬಂದಿವೆ. ಸ್ವತಃ ನಿಕ್‌ ಈ ಫೋಟೋಗಳನ್ನು ಶೇರ್‌ ಮಾಡಿದ್ದಾರೆ.

'ಜುಲೈ ಒಂದು ಚಲನಚಿತ್ರವಾಗಿತ್ತು' ನಿಕ್ ಜೋನಾಸ್ ತಮ್ಮ ಪೋಸ್ಟ್‌ಗೆ ಶೀರ್ಷಿಕೆ ನೀಡಿದ್ದಾರೆ. ನಿಕ್‌ ಮತ್ತು ಪಿಸಿ  ಅಭಿಮಾನಿಗಳು ಪೋಸ್ಟ್‌ನಲ್ಲಿ ಕಾಮೆಂಟ್‌ಗಳ ಮೂಲಕ ತಮ್ಮ ಪ್ರೀತಿಯ ಮಳೆ ಸುರಿಸಿದ್ದಾರೆ.

ರಜೆಯ ಅತ್ಯುತ್ತಮ ಕ್ಷಣಗಳು, ಪ್ರಿಯಾಂಕಾ ಚೋಪ್ರಾ ಅವರ ಹುಟ್ಟುಹಬ್ಬದ ಆಚರಣೆಗಳು ಮತ್ತು ಅವರ ವಿಂಬಲ್ಡನ್ ಫೈನಲ್‌ನಲ್ಲಿ ಕಾಣಿಸಿಕೊಂಡ ಕೆಲವು ಸುಂದರವಾದ ಫೋಟೋಗಳನ್ನು ನಿಕ್‌ ಹಂಚಿಕೊಂಡಿದ್ದಾರೆ.

ಒಂದು ಫೋಟೋದಲ್ಲಿ, ಪ್ರಿಯಾಂಕಾ ಅವರು ಬಿಕಿನಿಯನ್ನು ಧರಿಸಿ ಗಂಡನ ಮಡಿಲಲ್ಲಿ ಕುಳಿತಿದ್ದಾರೆ.  ಅವರು ಕಂದು ಮತ್ತು ಬಿಳಿ ಬಣ್ಣದ ಚೆಕರ್ಡ್ ಬಿಕಿನಿಯಲ್ಲಿ ಸ್ಟೈಲಿಶ್ ಆಗಿ ಕಾಣುತ್ತಿದ್ದಾರೆ. ನಿಕ್‌ ಬೂದು ಬಣ್ಣದ ತೋಳಿಲ್ಲದ ಟೀ-ಶರ್ಟ್, ಆನಿಮಲ್‌ ಪ್ರಿಂಟ್ ಬಾಕ್ಸರ್‌ಗಳು ಮತ್ತು ಬಿಳಿ ಕ್ಯಾಪ್ ಅನ್ನು ಆಯ್ಕೆ ಮಾಡಿಕೊಂಡರು

ನಿಕ್ ಜೊನಾಸ್ ತನ್ನ ಮಗಳು ಮಾಲ್ಟಿ ಮೇರಿಯೊಂದಿಗೆ ತಮ್ಮ ವಿಹಾರ ನೌಕೆಯಲ್ಲಿ ಮಿನಿ ಪೂಲ್‌ನಲ್ಲಿ ಉತ್ತಮ ಸಮಯವನ್ನು ಕಳೆಯುತ್ತಿದ್ದಾರೆ. ಅವರು ತಮ್ಮ ಪೋಸ್ಟ್‌ನಲ್ಲಿ ಪಿಸಿ ಮತ್ತು ಅವರ ಪುಟ್ಟ ಮಗಳೊಂದಿಗಿನ ಸುಂದರವಾದ ಕುಟುಂಬದ ಚಿತ್ರವನ್ನು ಸಹ ಹಂಚಿಕೊಂಡಿದ್ದಾರೆ. 

 ಮೇ 2018ರಲ್ಲಿ ಬಾಲಿವುಡ್ ನಟಿ ಪ್ರಿಯಾಂಕಾ  ಚೋಪ್ರಾ ಮತ್ತು ಪಾಪ್‌ ಗಾಯಕ ನಿಕ್‌ ಜೋನಾಸ್‌ ಡೇಟಿಂಗ್ ಪ್ರಾರಂಭಿಸಿದರು. ಬಾಲಿವುಡ್ ಹಲವು ನಟರೊಂದಿಗೆ ಡೇಟಿಂಗ್ ವದಂತಿ ಬೆನ್ನಲ್ಲೇ ಪ್ರಿಯಾಂಕಾ ಚೋಪ್ರಾ ನಿಕ್ ಜೊತೆ ವಿವಾಹವಾಗುವುದಾಗಿ ಘೋಷಿಸಿದರು.

ಈ ಪ್ರಸಿದ್ಧ ದಂಪತಿ ಆಗಸ್ಟ್ 2018 ರಲ್ಲಿ ಮುಂಬೈನಲ್ಲಿ ತಮ್ಮ ಎರಡೂ ಕುಟುಂಬಗಳ ಸಮ್ಮುಖದಲ್ಲಿ ನಡೆದ ಸಾಂಪ್ರದಾಯಿಕ ಪಂಜಾಬಿ ರೋಕಾ ಸಮಾರಂಭದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು. 

ನಂತರ, ಅದೇ ವರ್ಷ ಡಿಸೆಂಬರ್‌ನಲ್ಲಿ ರಾಜಸ್ಥಾನದ ಉಮೈದ್ ಭವನ ಅರಮನೆಯಲ್ಲಿ ನಡೆದ ಅದ್ಧೂರಿ ಡೆಸ್ಟಿನೇಶನ್ ವೆಡ್ಡಿಂಗ್‌ನಲ್ಲಿ  ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು 

ಜನವರಿ 2022 ರಲ್ಲಿ ತಮ್ಮ ಮೊದಲ ಮಗಳು ಮಾಲ್ಟಿ ಮೇರಿಯನ್ನು ಸ್ವಾಗತಿಸಿದ ಈ  ದಂಪತಿಗಳು ಪೋಷಕರಾಗಿ ತಮ್ಮ ಹೊಸ ಪಾತ್ರಗಳನ್ನು ಸಂಪೂರ್ಣವಾಗಿ ಆನಂದಿಸುತ್ತಿದ್ದಾರೆ.