ಎಲ್ಲರನ್ನೂ ತೆಗಳೋ ಕಂಗನಾ, ಈಗ ಜಾನ್‌ ಅಬ್ರಹಂನ ಹೊಗಳಿ ಐ ಲವ್ ಯೂ ಅನ್ನೋದಾ?

ಬಾಲಿವುಡ್‌ ನಟಿ ಕಂಗನಾ ರಣಾವತ್‌ (Kangana Ranaut)  ಇತರರ ಮೇಲೆ ವಾಗ್ದಾಳಿ ನಡೆಸುವುದರಲ್ಲಿ ಎತ್ತಿದ್ದ ಕೈ. ಇವರು ಇತರೆ ನಟ ನಟಿಯರ ಮೇಲೆ ಅರೋಪ ಹೋರಿಸುವುದು ಕಾಮನ್‌ ಮತ್ತು ಆಗಾಗ ಒಬ್ಬರಲ್ಲ, ಒಬ್ಬರನ್ನು ಕಂಗನಾ ಟಾರ್ಗೆಟ್‌ ಮಾಡುತ್ತಲೇ ಇರುತ್ತಾರೆ. ಈ ಬಾರಿ ಅವರು ಜಾನ್‌ ಅಬ್ರಹಾಂ (John Abraham) ಅವರ ಬಗ್ಗೆ ಮಾತನಾಡಿದ್ದಾರೆ. ಆದರೆ ಕಂಗನಾ ಜಾನ್‌ ಅವರನ್ನು ಹಾಡಿ ಹೊಗಳಿದ್ದಾರೆ.  ಕಂಗನಾ ರಣಾವತ್ ತಮ್ಮ ಇನ್ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಜಾನ್ ಅಬ್ರಹಾಂ ಅವರನ್ನು 'ನೈಜ ಸ್ಪೂರ್ತಿ' ಎಂದು ಕರೆದಿದ್ದಾರೆ.

ಜಾನ್ ಅಬ್ರಹಾಂ ಅವರನ್ನು ಇತ್ತೀಚೆಗೆ ಹೊಗಳಿರುವ ಕಂಗನಾ Instagram ಸ್ಟೋರಿಗಳನ್ನು ಹಂಚಿಕೊಂಡಿದ್ದಾರೆ. ಇಂಡಸ್ಟ್ರಿಯಲ್ಲಿ ಋಣಾತ್ಮಕ ವ್ಯಕ್ತಿಗಳ ಬಗ್ಗೆ ಸಾಕಷ್ಟು ಮಾತನಾಡುತ್ತಿರುವುದರಿಂದ, 'ನಿಜವಾದ ಸ್ಪೂರ್ತಿದಾಯಕ' ವ್ಯಕ್ತಿಗಳನ್ನು ತಾನು ಮರೆತಿಲ್ಲ ಎಂದು ನಟಿ ಹೇಳಿದರು.

'ನಾನು ಚಿತ್ರರಂಗದಲ್ಲಿ ನಕಾರಾತ್ಮಕ ಜನರ ಬಗ್ಗೆ ಸಾಕಷ್ಟು ಹೇಳಿರಬಹುದು, ಆದರೆ ಸಂಪೂರ್ಣವಾಗಿ ನಿಜವಾದ ಮತ್ತು ಸ್ಪೂರ್ತಿದಾಯಕವಾದವುಗಳನ್ನು ನಾವು ಎಂದಿಗೂ ಮರೆಯಬಾರದು. ನಾನು ಜಾನ್‌ನೊಂದಿಗೆ ಕೆಲಸ ಮಾಡಿದ್ದೇನೆ ಮತ್ತು ಅವನು ಎಷ್ಟು ಅದ್ಭುತ ಎಂದು ವ್ಯಕ್ತಪಡಿಸಲು ನನ್ನ ಬಳಿ ಸಾಕಷ್ಟು ಪದಗಳಿಲ್ಲ. ಮತ್ತು ಅನೇಕರಿಗೆ ಇದು ತಿಳಿದಿಲ್ಲದಿರಬಹುದು, ಏಕೆಂದರೆ ಅವರು ತಮ್ಮ ಹೊಗಳಿಕೆಗಾಗಿ ಮಾಧ್ಯಮಗಳಿಗೆ ಪಾವತಿಸುವುದಿಲ್ಲ' ಎಂದಿದ್ದಾರೆ ಕಂಗನಾ.

'ಅವರು ಕೈಂಡ್‌, ಯಾವುದೇ ಮದುವೆ ಅಥವಾ ಸಂಬಂಧದ PR, ಇತರರಿಗೆ ಯಾವುದೇ ಪೇಯ್ಡ್‌ ನೆಗಟಿವಿಟಿ ಇಲ್ಲ. ಯಾವುದೇ ಕಿರುಕುಳ ಅಥವಾ ಮಹಿಳೆಯರನ್ನು ಕೆಟ್ಟ ದೃಷ್ಟಿಯಿಂದ ನೋಡೋಲ್ಲ. ಯಾವುದೇ ಅಜೆಂಡಾ ಅಥವಾ ಗ್ರೂಪಿಸಂ ಮಾಡೋಲ್ಲ, ಸರಳವಾಗಿ ಒಬ್ಬ ಅದ್ಭುತ ವ್ಯಕ್ತಿ ... ಲವ್ ಯು ಜಾನ್' ಎಂದು ಕಂಗನಾ ಜಾನ್‌ ಬಗ್ಗೆ ಮತ್ತಷ್ಷು ಬರೆದಿದ್ದಾರೆ.

John Abraham

 ಸ್ವಯಂ-ನಿರ್ಮಿತ ವ್ಯಕ್ತಿ ಯಶಸ್ವಿ ಸೂಪರ್ ಮಾಡೆಲ್, ನಟ ಮತ್ತು ನಿರ್ಮಾಪಕ, ಆದರೆ ಎಲ್ಲ ರೀತಿಯಲ್ಲೂ ಯಶಸ್ವಿ ವ್ಯಕ್ತಿಯಾಗಿರುವ ಜಾನ್ ಅಬ್ರಹಾಂ ಅವರ ಬಗ್ಗೆ  ಅಪಾರ ಗೌರವವಿದೆ ಎಂದು ಕಂಗನಾ ಬರೆದಿದ್ದಾರೆ.

'ಬಾಂದ್ರಾ ಮತ್ತು ಪಟ್ಟಣ ಪ್ರದೇಶದಲ್ಲಿ ವಾಸಿಸುವ ಚಿತ್ರರಂಗದ ಬಹುತೇಕ ಎಲ್ಲರಿಗೂ  ಮನೆ ಕೆಲಸದವರನ್ನು ಒದಗಿಸುವ ಏಜೆಂಟ್ ಇದ್ದಾರೆ. ಉದ್ಯಮದಲ್ಲಿ ಹೆಚ್ಚಿನ ಜನರು ತಮ್ಮ ಮನೆಯ ಸಹಾಯ ಮತ್ತು ಚಾಲಕರನ್ನು ಕೆಟ್ಟದಾಗಿ ನಡೆಸಿಕೊಳ್ಳುತ್ತಾರೆಂದು ಈ ಏಜೆಂಟ್ ತಮ್ಮ ಮ್ಯಾನೇಜರ್‌ನೊಂದಿಗೆ ಹಂಚಿಕೊಂಡಿದ್ದಾರೆ. ಆದಾಗ್ಯೂ, ಏಜೆಂಟ್ ಪ್ರಕಾರ, ಈ ನಡವಳಿಕೆಗೆ ಕೇವಲ ಇಬ್ಬರು ವ್ಯಕ್ತಿಗಳು ಮಾತ್ರ ಹೊರತಾಗಿದ್ದರು - ಜಾನ್ ಮತ್ತು ಕಂಗನಾ. ಈ ಸ್ವಯಂ ನಿರ್ಮಿತ ವ್ಯಕ್ತಿ @thejohnabrahamಗೆ  ಆಗಾದ ಗೌರವ. ಅವರು ಯಶಸ್ವಿ ಸೂಪರ್ ಮಾಡೆಲ್, ನಟ ಮತ್ತು ನಿರ್ಮಾಪಕ ಮಾತ್ರವಲ್ಲದೇ ಎಲ್ಲ ರೀತಿಯಲ್ಲೂ ಯಶಸ್ವಿ ವ್ಯಕ್ತಿ,' ಎಂದು ಕಂಗನಾ ಅವರು ಮತ್ತೊಂದು ಸ್ಟೋರಿಯಲ್ಲಿ  ಹಂಚಿಕೊಂಡಿದ್ದಾರೆ.

2013 ರಲ್ಲಿ ಶೂಟೌಟ್ ಅಟ್ ವಡಾಲಾದಲ್ಲಿ ಜಾನ್ ಜೊತೆಗೆ ಕಂಗನಾ ನಟಿಸಿದ್ದರು. ಸಂಜಯ್ ಗುಪ್ತಾ ನಿರ್ದೇಶಿಸಿದ ಈ ಚಿತ್ರದಲ್ಲಿ ಅನಿಲ್ ಕಪೂರ್, ತುಷಾರ್ ಕಪೂರ್, ಮನೋಜ್ ಬಾಜ್ಪೇಯಿ ಮತ್ತು ಸೋನು ಸೂದ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.