ಆತ್ಮಹತ್ಯೆಗೆ ಮುಂದಾಗಿದ್ದರು ದೀಪಿಕಾ ಪಡುಕೋಣೆ: ತಾಯಿ ತಡೆಯದಿದ್ದರೆ ಅಂದೇ ಕೊನೆ!

ದೀಪಿಕಾ ಪಡುಕೋಣೆ (Deepika Padukone) ಬಾಲಿವುಡ್‌ನ ಟಾಪ್ ನಟಿಯರಲ್ಲಿ ಒಬ್ಬರು. ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ನಂತರ ಅವರು ಹಿಂತಿರುಗಿ ನೋಡಲೇ ಇಲ್ಲ. ಆದರೆ ಈ ನಟಿ ಖಿನ್ನತೆಗೆ ಬಲಿಯಾಗಿದ್ದರು. ಅವರು ಆತ್ಮಹತ್ಯೆಯ ಬಗ್ಗೆ ಯೋಚಿಸಲು ಪ್ರಾರಂಭಿಸಿದರು ಮತ್ತು ಆಕೆಯ ತಾಯಿ ಅವರನ್ನು ಆ ಪರಿಸ್ಥಿತಿಯಿಂದ ಹೊರಗೆ ತಂದರರು.

ಪ್ರಸ್ತುತ ದೀಪಿಕಾ ಪಡುಕೋಣೆ  ತಮಿಳುನಾಡಿನ ತಿರುವಳ್ಳೂರಿನಲ್ಲಿದ್ದಾರೆ. ಅಕ್ಟೋಬರ್ 10 ರ ವಿಶ್ವ ಮಾನಸಿಕ ಆರೋಗ್ಯ ದಿನಕ್ಕೂ ಮೊದಲು ನಟಿ ಅವರ  ಮಾನಸಿಕ ಆರೋಗ್ಯ ಪ್ರತಿಷ್ಠಾನ ಲೈವ್ ಲವ್ ಲಾಫ್‌ನ ಗ್ರಾಮೀಣ ಸಮುದಾಯ ಮಾನಸಿಕ ಆರೋಗ್ಯ ಕಾರ್ಯಕ್ರಮವನ್ನು  ವಿಸ್ತರಿಸುತ್ತಿದ್ದಾರೆ. 

Deepika Padukone

ತನ್ನ ಪ್ರಯಾಣದ ಸಮಯದಲ್ಲಿ, ನಟಿ ಉತ್ತಮ ಮಾನಸಿಕ ಆರೋಗ್ಯವನ್ನು ಕಾಪಾಡಿಕೊಳ್ಳುವ ಮಹತ್ವವನ್ನು ವಿವರಿಸಿದರು. ದೀಪಿಕಾ ಸಂದರ್ಶನವೊಂದರಲ್ಲಿ ತಾನು ಖಿನ್ನತೆಗೆ ಬಲಿಯಾಗಿದ್ದೇನೆ ಮತ್ತು  ಒಂದು ಹಂತದಲ್ಲಿ ಅವರು ಆತ್ಮಹತ್ಯೆಯ ಬಗ್ಗೆ ಯೋಚಿಸಲು ಪ್ರಾರಂಭಿಸಿದರು ಎಂದು ಹೇಳಿದರು.  

ಆ ಸಮಯದಲ್ಲಿ ತನ್ನ  ತಾಯಿ ತನ್ನನ್ನು ನೋಡಿಕೊಳ್ಳದಿದ್ದರೆ ಇಂದು ಅವಳು ಯಾವ ಸ್ಥಿತಿಯಲ್ಲಿ ಇರುತ್ತಿದ್ದನೋ ಗೊತ್ತಿಲ್ಲ ಎಂದು ದೀಪಿಕಾ ಬಹಿರಂಗಪಡಿಸಿದ್ದಾರೆ.

ಮಾನಸಿಕ ಆರೋಗ್ಯದಲ್ಲಿ ಕುಟುಂಬದ  ಪಾತ್ರದ ಬಗ್ಗೆ ದೀಪಿಕಾ ಅವರನ್ನು ಕೇಳಿದಾಗ,'ಇದು ತುಂಬಾ ಮುಖ್ಯವಾಗಿದೆ, ನನ್ನ ಸ್ವಂತ ಜೀವನದಲ್ಲಿಯೂ ಸಹ ಆರೈಕೆ ಮಾಡುವವರ ಪಾತ್ರವು ತುಂಬಾ ಮುಖ್ಯವಾಗಿದೆ, ಆದ್ದರಿಂದ ನನ್ನ ತಾಯಿ ಇಲ್ಲಿದ್ದಾರೆ' ಎಂದು ದೀಪಿಕಾ ಹೇಳಿದರು.

ದೀಪಿಕಾ ಪಡುಕೋಣೆ 2015 ರಲ್ಲಿ ತಮ್ಮ ಮಾನಸಿಕ ಆರೋಗ್ಯದ ಬಗ್ಗೆ ತೆರೆದುಕೊಂಡರು, ಆ ಸಮಯದಲ್ಲಿ ನಾನು ಸುಮಾರು ಒಂದು ವರ್ಷ ಖಿನ್ನತೆಯೊಂದಿಗೆ ಹೋರಾಡುತ್ತಿದ್ದೆ ಮತ್ತು ನಂತರ ಅವರು ಸಹಾಯವನ್ನು ಕೋರಿದರು ಎಂದು ಹೇಳಿದರು.

ದೀಪಿಕಾ ಪಡುಕೋಣೆ ಅವರ ಫೌಂಡೇಷನ್‌, ಲೈವ್ ಲವ್ ಲಾಫ್‌ನ ಉದ್ದೇಶವು ಅವರ ಮಾನಸಿಕ ಆರೋಗ್ಯದೊಂದಿಗೆ ಹೋರಾಡುತ್ತಿರುವ ಜನರಿಗೆ ಸಹಾಯ ಮಾಡುವುದು.

'ನನ್ನ ಪೋಷಕರು ಬೆಂಗಳೂರಿನಲ್ಲಿ ವಾಸಿಸುತ್ತಿದ್ದಾರೆ. ಆದರೆ ಅವರು ನನ್ನನ್ನು ಆಗಾಗ್ಗೆ ಭೇಟಿಯಾಗುತ್ತಿದ್ದರು. ನಾನು ಖಿನ್ನತೆಯಲ್ಲಿದ್ದಾಗಲೂ, ನಾನು ಎಲ್ಲವೂ ಸರಿಯಾಗಿದೆ ಎಂದು ನಾನು ನಟಿಸುತ್ತಿದ್ದೆ. ಆದರೆ ಒಂದು ದಿನ ಅವರು ಬೆಂಗಳೂರಿಗೆ ಹಿಂತಿರುಗುವಾಗ ನಾನು ಬಿಕ್ಕಿಬಿಕ್ಕಿ ಅಳಲು ಪ್ರಾರಂಭಿಸಿದೆ. ಇದಕ್ಕೆ ಬಾಯ್ ಫ್ರೆಂಡ್ ಕಾರಣವಾ?  ಕೆಲಸದ ಕಾರಣವಾ? ಏನಾಯಿತು? ಎಂದು ನನ್ನ ತಾಯಿ  ಕೇಳಿದಾಗ ನನ್ನ ಬಳಿ ಉತ್ತರವಿರಲಿಲ್ಲ. ಏಕೆಂದರೆ ಆ ರೀತಿಯ ಯಾವುದೇ ತೊಂದರೆ ಇರಲಿಲ್ಲ. ಆದರೆ ನನ್ನ ಜಗತ್ತನಲ್ಲಿ ಏನೋ ಕಡಿಮೆ ಇದೆ ಎಂದು ಅನಿಸುತ್ತಿತ್ತು. ಅವರೇ ನಾನು ಏನೂ ತಿಳಿಸದೆ ಅರ್ಥಮಾಡಿಕೊಂಡರು, ಆ ಸಮಯದಲ್ಲಿ ದೇವರು ಅವರನ್ನು ನನಗಾಗಿ ಕಳುಹಿಸಿದ್ದಾನೆ ಎಂದು ನಾನು ಭಾವಿಸುತ್ತೇನೆ' ಎಂದು ದೀಪಿಕಾ ಮತ್ತೊಂದು ಕಾರ್ಯಕ್ರಮದಲ್ಲಿ, ತಮ್ಮ ಖಿನ್ನತೆಯ ಬಗ್ಗೆ ಹೇಳಿಕೊಂಡಿದ್ದಾರೆ.