ಪ್ರಿಯಾಂಕಾ ಚೋಪ್ರಾ ತಮ್ಮ ವೃತ್ತಿ ಜೀವನದಲ್ಲಿ (Career) ಬಹಳ ಸಾಧಿಸಿದ್ದಾರೆ. ಅವರು ತಮ್ಮ ಚಿಕ್ಕ ವಯಸ್ಸಿನ ದಿನಗಳಲ್ಲಿ ಹೊಂದಿದ್ದ ಅಭದ್ರತೆಯನ್ನು ನಿವಾರಿಸಿಕೊಂಡು, ಈ ವರ್ಷಗಳಲ್ಲಿ ಒಬ್ಬ ಗ್ಲೋಬಲ್‌ ಐಕಾನ್‌ ರೂಪುಗೊಳಿಸಿಗೊಂಡಿದ್ದಾರೆ. 'ಏಷ್ಯಾದ ಪ್ರತಿಯೊಬ್ಬರೂ ತಮ್ಮ ಚರ್ಮವನ್ನು ಬಿಳಿಯಾಗಿಸಲು ಬಯಸುತ್ತಾರೆ. ಅಲ್ಲಿನ ಹುಡುಗಿಯರು ತುಂಬಾ ಕಪ್ಪು ಅಥವಾ ಗೋಧಿ ಬಣ್ಣದವಾರಾಗಿರುತ್ತಾರೆ. ಬಿಳಿ ಚರ್ಮ ಉತ್ತಮವೆಂಬ ಎಂಬ ಕಲ್ಪನೆ ಪ್ರತಿಯೊಬ್ಬರಲ್ಲಿಯೂ ಮನೆ ಮಾಡಿದೆ. ಡಾರ್ಕ್ ಟೋನ್ ಇದ್ದಿದ್ದರಿಂದ ಹದಿಹರೆಯದಲ್ಲಿ ಬಹಳ ಅವಮಾನಗಳನ್ನು ಎದುರಿಸಬೇಕಾಯ್ತಂತೆ ಪ್ರಿಯಾಂಕಾ. ದೀರ್ಘಕಾಲದವರೆಗೆ ತಮ್ಮ ಚರ್ಮದ ಬಣ್ಣವನ್ನು ದ್ವೇಷಿಸುತ್ತಿದ್ದರು. ಆದರೆ, ಈಗ ಅವರು ತನ್ನ ಚರ್ಮಕ್ಕಾಗಿ ಇದೀಗ ಕೃತಜ್ಞಳಾಗಿದ್ದಾರೆ' ಎಂದೂ ಪ್ರಿಯಾಂಕಾ ಹೇಳಿದ್ದಾರೆ.
ಕಾಜೋಲ್ ಬಾಲಿವುಡ್‌ನಲ್ಲಿ ಹೆಚ್ಚು ಪ್ರೀತಿಸುವ ಮತ್ತು ಜನಪ್ರಿಯ ನಟಿಯರಲ್ಲಿ ಒಬ್ಬರು. ನಟಿ ವರ್ಷಗಳಲ್ಲಿ ಬಾಡಿ ಶೇಮಿಂಗ್ ಮತ್ತು ಡಾರ್ಕ್ ಸ್ಕೀನ್‌ ಎಂದು ಅವಮಾನಗಳಿಗೆ ಗುರಿಯಾಗಿದ್ದಾರೆ. ಆದರೆ ಕಾಜೋಲ್ ಅವರು ಎಂದಿಗೂ ಟ್ರೋಲ್‌ಗಳು ತನ್ನನ್ನು ವ್ಯಾಖ್ಯಾನಿಸಲು ಬಿಡಲಿಲ್ಲ. ಅವರು ಇತ್ತೀಚೆಗೆ ಚರ್ಮವನ್ನು ಬಿಳಿಯಾಗಿಸುವ ಚಿಕಿತ್ಸೆಯನ್ನು ಪಡೆದ ಆರೋಪಗಳ ಬಗ್ಗೆ ತೆರೆದಿಟ್ಟರು. ತನ್ನ ಜೀವನದ 10 ವರ್ಷಗಳ ಕಾಲ ಸೂರ್ಯನ ಕೆಳಗೆ ಎಲ್ಲಾ ಸಮಯದಲ್ಲೂ ಕೆಲಸ ಮಾಡುತ್ತಿದ್ದೆ, ಅದಕ್ಕಾಗಿಯೇ ತಾನು ಟ್ಯಾನ್ ಆಗಿದ್ದೆ ಎಂದು ನಟಿ ಹೇಳಿದರು ಮತ್ತು ಈಗ ಅವರು ಬಿಸಿಲಿನಲ್ಲಿ ಕೆಲಸ ಮಾಡುವುದಿಲ್ಲ. ಆದ್ದರಿಂದ ಅವರು ಬಿಳಿಯಾಗಿದ್ದಾರೆ . ಅವರ ಪ್ರಕಾರ, ಇದು ಸ್ಕಿನ್ ವೈಟ್ನಿಂಗ್ ಸರ್ಜರಿ ಅಲ್ಲ, ಇದು ಮನೆಯಲ್ಲಿಯೇ ಇರುವ ಶಸ್ತ್ರಚಿಕಿತ್ಸೆ ಎಂದಿದ್ದಾರೆ.
ಮಿಥುನ್ ಚಕ್ರವರ್ತಿ ವರ್ಷಗಳಿಂದ ಭಾರತೀಯ ಚಲನಚಿತ್ರೋದ್ಯಮದಲ್ಲಿ ಅಪಾರ ಪ್ರೀತಿ ಮತ್ತು ಗೌರವವನ್ನು ಗಳಿಸಿದ್ದಾರೆ. ಆದರೆ, ನಟನಿಗೆ ಈ ಹಂತ ತಲುಪುವುದು ಕೇಕ್ ವಾಕ್ ಆಗಿರಲಿಲ್ಲ. ಅವರ ಆರಂಭದ ದಿನಗಳು ಕಷ್ಟಗಳಿಂದ ಕೂಡಿದ್ದವು. ಅವರು ತಮ್ಮ ಅವರ ಚರ್ಮದ ಬಣ್ಣದಿಂದಾಗಿ ವರ್ಷಗಳಿಂದ ಬಹಳಷ್ಟು ಅಗೌರವ ಹೊಂದಿದ್ದರು ಎಂಬುದನ್ನು ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದರು. ಆದರೆ ಇಂದು ಅವರು ಎಲ್ಲಕ್ಕಿಂತ ಮೇಲೇರಿ ಬಾಲಿವುಡ್‌ನ ಲೆಜೆಂಡ್‌ ನಟರಲ್ಲಿ ಒಬ್ಬರಾದರು.
ಶಿಲ್ಪಾ ಶೆಟ್ಟಿ ಇಂಡಸ್ಟ್ರಿಯಲ್ಲಿ ಸಾಕಷ್ಟು ಹೆಸರು ಗಳಿಸಿದ್ದಾರೆ. ನಟನಾ ವೃತ್ತಿಜೀವನದ ವಿಷಯದಲ್ಲಿ ಅವರ ಸಹೋದರಿ ಶಮಿತಾ ಶೆಟ್ಟಿ ಶಿಲ್ಪಾರಿಗೆ ಸರಿಸಾಟಿಯಾಗಲು ಸಾಧ್ಯವಾಗಲಿಲ್ಲ. ಆದರೂ, ಶಮಿತಾ ಅವರ ಫೇರ್ ಸ್ಕಿನ್ ಬಗ್ಗೆ ಶಿಲ್ಪಾ ತುಂಬಾ ಅಭದ್ರತೆ ಹೊಂದಿದ್ದ ಸಮಯವಿತ್ತು. ಅವರು ಕಪ್ಪು ಬಣ್ಣವನ್ನು ಹೊಂದಿದ್ದರು. ಆದ್ದರಿಂದ ಅವರು ತನ್ನ ಜೀವನದಲ್ಲಿ ಅಭದ್ರತೆಯ ಹಂತ ಎದುರಿಸುತ್ತಿದ್ದರು. ಕಪ್ಪು ಚರ್ಮಕ್ಕಾಗಿ ಅವರು ತನ್ನ ತಾಯಿಯನ್ನು ಸಹ ದೂಷಿಸುತ್ತಿದ್ದರು. ಆದರೆ ವರ್ಷಗಳಲ್ಲಿ ಶಿಲ್ಪಾ ತನ್ನ ಚರ್ಮದ ಟೋನ್ ಹೇಗಿದೆಯೋ ಹಾಗೆಯೇ ಸ್ವೀಕರಿಸಿದ್ದಾರೆ. ಇಂದು, ಅವರು ನಿಸ್ಸಂದೇಹವಾಗಿ ಬಾಲಿವುಡ್‌ನ ಅತ್ಯಂತ ಸ್ಟೈಲಿಶ್, ಫಿಟೆಸ್ಟ್ ನಟಿಯರಲ್ಲಿ ಒಬ್ಬರು.
ಸಣ್ಣ ಪಟ್ಟಣದಿಂದ ಬಂದ ನವಾಜುದ್ದೀನ್, ಬಾಲಿವುಡ್‌ನ ಸಾಂಪ್ರದಾಯಿಕ ಮಾನದಂಡಗಳನ್ನು ಯಶಸ್ವಿಯಾಗಿ ಉರುಳಿಸಿ ಹೆಸರು ಮಾಡಿದವರು. ಆದರೆ ತಮ್ಮ ಆರಂಭಿಕ ದಿನಗಳಲ್ಲಿ ಇವರಿಗೆ ಕೆಲಸ ಕಬ್ಬಿಣದ ಕಡಲೆಯೇ ಆಗಿತ್ತು. ಅವರ ಚರ್ಮದ ಬಣ್ಣದಿಂದ ತಾರತಮ್ಯವನ್ನು ಎದುರಿಸಿದರು. ಬಾಲಿವುಡ್ ಬಬಲ್‌ಗೆ ಇತ್ತೀಚೆಗೆ ನೀಡಿದ ಸಂದರ್ಶನದಲ್ಲಿ, 'ತಮ್ಮ ಚರ್ಮದ ಟೋನ್ ಬಗ್ಗೆ ಅಸುರಕ್ಷಿತ ಭಾವನೆಯಿಂದ ಸಾಕಷ್ಟು ಫೇರ್‌ನೆಸ್ ಕ್ರೀಮ್‌ಗಳನ್ನು ಹಚ್ಚಿದ್ದೇನೆ ಆದರೆ, ಏನೂ ಬದಲಾಗಿಲ್ಲ ಮತ್ತು ಅವರು ಅಂತಿಮವಾಗಿ ಅವರು ಕಾಣುವ ರೀತಿಯಲ್ಲಿ ಒಪ್ಪಿಕೊಂಡರು 'ಎಂದು ಬಹಿರಂಗಪಡಿಸಿದರು.