'ತಗ್ಗೇದೇ ಲೇ' ನಂತರ 'ಪೆದ್ದರೆಡ್ಡಿ' ಟ್ರೆಂಡ್: ಅಲ್ಲು ಅರ್ಜುನ್ ಹೊಸ ಸ್ಟೈಲ್‌ಗೆ ಫ್ಯಾನ್ಸ್ ಫಿದಾ!

ಪುಷ್ಪ ಫೀವರ್ ಇನ್ನೂ ಹೋಗುವ ಮುಂಚೆಯೇ ಅಲ್ಲು ಅರ್ಜುನ್ ಮತ್ತೊಂದು ಹೊಸ ಟ್ರೆಂಡ್ ಶುರು ಮಾಡಿದ್ದಾರೆ. ಸಾಮಾನ್ಯವಾಗಿ ಹೀರೋಗಳು ಸ್ಟೈಲಿಶ್ ಆಗಿ ಕಾಣುವ ಟಿ ಶರ್ಟ್‌ಗಳನ್ನು ಧರಿಸುತ್ತಾರೆ.

ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಪುಷ್ಪ ಚಿತ್ರದಲ್ಲಿ ತಗ್ಗೇದೇ ಲೇ ಅಂತ ಹೊಸ ಟ್ರೆಂಡ್ ಸೆಟ್ ಮಾಡಿದ್ರು. ತಗ್ಗೇದೇ ಲೇ ಡೈಲಾಗ್ ಜೊತೆಗೆ ಬನ್ನಿ ಗಡ್ಡ ನಿಮಿರುವ ಸ್ಟೈಲ್ ದೇಶದಲ್ಲೆ ಸದ್ದು ಮಾಡಿತ್ತು. ಪುಷ್ಪ ಫೀವರ್ ಇನ್ನೂ ಹೋಗುವ ಮುಂಚೆಯೇ ಅಲ್ಲು ಅರ್ಜುನ್ ಮತ್ತೊಂದು ಹೊಸ ಟ್ರೆಂಡ್ ಶುರು ಮಾಡಿದ್ದಾರೆ. ಸಾಮಾನ್ಯವಾಗಿ ಹೀರೋಗಳು ಸ್ಟೈಲಿಶ್ ಆಗಿ ಕಾಣುವ ಟಿ ಶರ್ಟ್‌ಗಳನ್ನು ಧರಿಸುತ್ತಾರೆ. ಅವಶ್ಯಕತೆ ಇದ್ದರೆ ಆ ಟಿ ಶರ್ಟ್‌ಗಳ ಮೇಲೆ ಒಳ್ಳೆಯ ಕೋಟೇಶನ್ಸ್ ಇರುವ ಹಾಗೆ ನೋಡಿಕೊಳ್ಳುತ್ತಾರೆ.

ಆದರೆ ಅಲ್ಲು ಅರ್ಜುನ್ ಅದಕ್ಕೆ ಭಿನ್ನ ಅಂತಾನೆ ಹೇಳ್ಬೇಕು. ಇತ್ತೀಚೆಗೆ ಅಲ್ಲು ಅರ್ಜುನ್ ವೇವ್ಸ್ ಸಮ್ಮಿಟ್ 2025 ಕಾರ್ಯಕ್ರಮಕ್ಕೆ ಹಾಜರಾದರು. ಆಗ ಅಲ್ಲು ಅರ್ಜುನ್ ವಿಮಾನ ನಿಲ್ದಾಣದಲ್ಲಿ ಬಿಳಿ ಟಿ ಶರ್ಟ್ ಧರಿಸಿ ಕಾಣಿಸಿಕೊಂಡರು. ಅದರಲ್ಲಿ ವಿಶೇಷ ಏನಿದೆ ಅಂತ ಅಂದುಕೊಳ್ಳಬಹುದು. ಅಲ್ಲೇ ಟ್ವಿಸ್ಟ್ ಇದೆ. ಬನ್ನಿ ಟಿ ಶರ್ಟ್ ಮೇಲೆ ಟಾಲಿವುಡ್ ಸ್ಟಾರ್ ಹಾಸ್ಯನಟ ಬ್ರಹ್ಮಾನಂದಂ ಫೋಟೋಗಳು ಇವೆ.

ಅಷ್ಟಕ್ಕೇ ಮುಗಿಯಲಿಲ್ಲ. ಬ್ರಹ್ಮಾನಂದಂ ಫೋಟೋ ಕೆಳಗೆ ಅವರ ಡೈಲಾಗ್ ಕೂಡ ಇದೆ. ಅನಗನಗ ಒಕ ರೋಜು ಚಿತ್ರದಲ್ಲಿ ಬ್ರಹ್ಮಾನಂದಂ.. ನೆಲ್ಲೂರು ಪೆದ್ದ ರೆಡ್ಡಿ ತೆಲುಸಾ ಅಂತ ಹೊಟ್ಟೆ ಹುಣ್ಣಾಗುವ ಹಾಗೆ ನಗಿಸಿದ್ದು ನೆನಪಿರಬಹುದು. ಅದೇ ಡೈಲಾಗನ್ನು ಬನ್ನಿ ತಮ್ಮ ಟಿ ಶರ್ಟ್ ಮೇಲೆ ಮುದ್ರಿಸಿಕೊಂಡಿದ್ದಾರೆ.

ಬ್ರಹ್ಮಾನಂದಂ ಫೋಟೋ ಕೆಳಗೆ ನೆಲ್ಲೂರು ಪೆದ್ದಾರೆಡ್ಡಿ ತಾಲೂಕು ಅಂತ ಬರೆದಿದೆ. ಇದರಿಂದ ಬನ್ನಿ ಟಿ ಶರ್ಟ್ ಒಮ್ಮೆಲೇ ಇಂಟರ್ನೆಟ್‌ನಲ್ಲಿ ವೈರಲ್ ಆಯ್ತು. ಅಭಿಮಾನಿಗಳು ಈ ಟಿ ಶರ್ಟ್ ಬಗ್ಗೆಯೇ ಚರ್ಚೆ ಮಾಡ್ತಿದ್ದಾರೆ. ಇದೇನು ಟ್ವಿಸ್ಟ್ ರಾ ಬಾಬೋಯ್ ಅಂತ ಕಮೆಂಟ್ಸ್ ಮಾಡ್ತಿದ್ದಾರೆ.

ಇನ್ನು ಕೆಲವರು ಸ್ಟೈಲ್‌ಗೆ ಹಾಸ್ಯ ಸೇರಿದ್ರೆ ಹೀಗೆ ಟ್ರೆಂಡ್ ಆಗುತ್ತೆ ಅಂತ ಕಮೆಂಟ್ಸ್ ಮಾಡ್ತಿದ್ದಾರೆ. ಅಲ್ಲು ಅರ್ಜುನ್ ಟಿ ಶರ್ಟ್ ಮೇಲೆ ಬ್ರಹ್ಮಾನಂದಂ ಫೋಟೋ ಕಾಣಿಸಿಕೊಳ್ಳುತ್ತಿದ್ದಂತೆ ಅನಗನಗ ಒಕ ರೋಜು ಚಿತ್ರದಲ್ಲಿ ಬ್ರಹ್ಮಾನಂದಂ ಹಾಸ್ಯ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗ್ತಿವೆ.