ಇದು ಕನ್ಫರ್ಮ್! 2 ವರ್ಷಗಳ ನಂತರ ಫ್ಯಾನ್ಸ್ ಕುಣಿದು ಕುಪ್ಪಳಿಸೋ ಅಂತಹ ನ್ಯೂಸ್ ಕೊಟ್ಟ ಸಮಂತಾ!

Samantha Ruth Prabhu: ದಕ್ಷಿಣ ಭಾರತದ ಖ್ಯಾತ ನಟಿ ಸಮಂತಾ ರುಥ್ ಪ್ರಭು ತಮ್ಮ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ನೀಡಿದ್ದಾರೆ. ಬಹುದಿನಗಳಿಂದ ಅಭಿಮಾನಿಗಳು ಈ ವಿಷಯಕ್ಕಾಗಿ ಕಾಯುತ್ತಿದ್ದರು.

ದಕ್ಷಿಣ ಭಾರತೀಯ ಚಿತ್ರರಂಗದ ಪ್ರಮುಖ ನಟಿಯರಲ್ಲಿ ಒಬ್ಬರಾದ ಸಮಂತಾ, ಕೊನೆಯದಾಗಿ ಶಾಕುಂತಲಂ ಮತ್ತು ಖುಷಿ ಚಿತ್ರಗಳಲ್ಲಿ ನಟಿಸಿದ್ದರು. ಖುಷಿ ಚಿತ್ರದ ಚಿತ್ರೀಕರಣ ಮುಗಿದ ನಂತರ ಸಮಂತಾ ಚಿತ್ರರಂಗದಿಂದ 2 ವರ್ಷಗಳ ಕಾಲ ಬ್ರೇಕ್ ತೆಗೆದುಕೊಂಡು ವಿಶ್ರಾಂತಿ ಪಡೆಯುವುದಾಗಿ ಘೋಷಿಸಿದರು. ಮಯೋಸಿಟಿಸ್ ಕಾರಣದಿಂದಾಗಿ ಅವರು ನಿರಂತರವಾಗಿ ಚಿಕಿತ್ಸೆ ಪಡೆಯುತ್ತಿದ್ದರು ಎಂದು ಹೇಳಲಾಗಿತ್ತು.

ನಂತರ ಬಾಲಿವುಡ್ ಕಡೆಗೆ ಹೋದ ಸಮಂತಾ, ಮುಂಬೈನಲ್ಲಿಯೇ ಇದ್ದು, 'ಸಿಟಾಡೆಲ್' ವೆಬ್ ಸರಣಿಯಲ್ಲಿ ನಟಿಸಿದರು. ಈ ಸರಣಿ ಬಿಡುಗಡೆಯಾಗಿ ಮಿಶ್ರ ವಿಮರ್ಶೆಗಳನ್ನು ಪಡೆಯಿತು. ಈ ಸರಣಿಗಾಗಿ ಸುಮಾರು 10 ಕೋಟಿ ರೂ.ವರೆಗೆ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ. ಅದರ ನಂತರ ಮತ್ತೊಂದು ವೆಬ್ ಸರಣಿಯಲ್ಲೂ ಗಮನ ಹರಿಸುತ್ತಿದ್ದಾರೆ.

ನಿರ್ಮಾಪಕಿಯಾಗಿಯೂ ಅವತಾರ ಎತ್ತಲಿದ್ದಾರೆ ಸಮಂತಾ

ಸಮಂತಾ ಯಾವಾಗ ಸಿನಿಮಾಗಳಲ್ಲಿ ರೀ ಎಂಟ್ರಿ ಕೊಡುತ್ತಾರೆ ಎಂದು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದರು. ಈಗ ತೆಲುಗು ಸಿನಿಮಾದಲ್ಲಿ ತಯಾರಾಗುತ್ತಿರುವ ಮಾ ಇಂಟಿ ಬಂಗಾರಂ ಚಿತ್ರದ ಮೂಲಕ ರೀ ಎಂಟ್ರಿ ಕೊಡಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಅಷ್ಟೇ ಅಲ್ಲದೆ ಈ ಚಿತ್ರದ ಮೂಲಕ ಅವರು ನಿರ್ಮಾಪಕಿಯಾಗಿಯೂ ಅವತಾರ ಎತ್ತಲಿದ್ದಾರೆ. ಸಮಂತಾ ತಮ್ಮ ಸ್ವಂತ ಬ್ಯಾನರ್‌ನಲ್ಲಿ ಮಾ ಇಂಟಿ ಬಂಗಾರಂ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.

ತೆಲುಗು ಮತ್ತು ತಮಿಳಿನಲ್ಲಿ ರೀ ಎಂಟ್ರಿ ಕೊಡಲು ಸ್ಕ್ರಿಪ್ಟ್‌ಗಳನ್ನು ಕೇಳುತ್ತಿದ್ದಾರಂತೆ:

ಅದೇ ರೀತಿ ತೆಲುಗು ಮತ್ತು ತಮಿಳಿನಲ್ಲಿ ರೀ ಎಂಟ್ರಿ ಕೊಡಲು ಸ್ಕ್ರಿಪ್ಟ್‌ಗಳನ್ನು ಕೇಳುತ್ತಿದ್ದಾರಂತೆ. ಒಳ್ಳೆಯ ಸ್ಕ್ರಿಪ್ಟ್ ಸಿಕ್ಕರೆ ತಕ್ಷಣವೇ ನಟಿಸಲು ಸಿದ್ಧರಿದ್ದಾರಂತೆ. ಅಲ್ಲದೆ, ಒಳ್ಳೆಯ ಲವ್ ಸ್ಟೋರಿ ಸಿಕ್ಕರೂ ಓಕೆ ಎನ್ನುತ್ತಿದ್ದಾರಂತೆ. ಅಂತಹ ಒಂದು ಕಥೆಗಾಗಿ ಕಾಯುತ್ತಿದ್ದಾರೆ ಎಂಬ ಕೆಲವು ಮಾಹಿತಿ ಹೊರಬಿದ್ದಿವೆ. ಈವರೆಗೆ ಸಾಕಷ್ಟು ಹೀರೋಗಳೊಂದಿಗೆ ಜೋಡಿಯಾಗಿ ನಟಿಸಿರುವ ಸಮಂತಾ, ಹೀರೋಯಿನ್ ಪ್ರಧಾನ ಪಾತ್ರಗಳಲ್ಲಿಯೂ ನಟಿಸಿದ್ದಾರೆ. 

ಲವ್ ಸ್ಟೋರಿ ಕಥೆಗಳನ್ನು ಸೆಲೆಕ್ಟ್ ಮಾಡುತ್ತಿದ್ದಾರಂತೆ

ಇದರಿಂದ ರೀ ಎಂಟ್ರಿಗೆ ಅಂತಹ ಲವ್ ಸ್ಟೋರಿ ಕಥೆಗಳನ್ನು ಸೆಲೆಕ್ಟ್ ಮಾಡುತ್ತಿದ್ದಾರಂತೆ. ಚಿತ್ರಗಳಲ್ಲಿ ನಟಿಸದಿದ್ದರೂ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಆಗಿದ್ದಾರೆ ಸಮಂತಾ. ಸೋಶಿಯಲ್ ಮೀಡಿಯಾ ಮೂಲಕ ಯಾವಾಗಲೂ ಅಭಿಮಾನಿಗಳೊಂದಿಗೆ ಮಾತನಾಡುತ್ತಿರುತ್ತಾರೆ. ಹೀಗೆ ಅಭಿಮಾನಿಗಳೊಂದಿಗೆ ಅಟ್ಯಾಚ್‌ಮೆಂಟ್ ಹೊಂದಿರುವ ಸಮಂತಾಗೆ ಬೆಂಬಲ ನೀಡಲು ಫ್ಯಾನ್ಸ್ ಯಾವಾಗಲೂ ರೆಡಿಯಾಗಿರುತ್ತಾರಂತೆ. ಈ ಮಾಹಿತಿ ಅವರ ಅಭಿಮಾನಿಗಳನ್ನು ಖುಷಿಪಡಿಸಿದೆ.