ನಟಿ ಮಲೈಕಾ ಮಾಜಿ ಪತಿ ಅರ್ಬಾಜ್ ಬಗ್ಗೆ ಮತನಾಡಿದ್ದಾರೆ. ಸಂದರ್ಶನ ವೊಂದರಲ್ಲಿ ಮಾತನಾಡಿರುವ ಮಲೈಕಾ, ವಿಚ್ಛೇದನ ಬಳಿಕ ಮತ್ತಷ್ಟು ಪ್ರಬುದ್ಧಳಾಗಿದ್ದೀನಿ, ಅರ್ಬಾಜ್ ಜೊತೆಗಿನ ಸಂಬಂಧ ಸುಧಾರಿಸಿದೆ ಎಂದು ಹೇಳಿದರು.
ಬಾಲಿವುಡ್ ಸೆನ್ಸೇಷನ್ ಸ್ಟಾರ್ ಮಲೈಕಾ ಅರೋರಾ ಸದಾ ಒಂದಲ್ಲೊಂದು ವಿಚಾರಕ್ಕೆ ಸುದ್ದಿಯಲ್ಲಿರುತ್ತಾರೆ. ಸದಾ ಫೋಟೋಶೂಟ್, ಬಾಯ್‌ಫ್ರೆಂಡ್ ವಿಚಾರಕ್ಕೆ ಮಲೈಕಾ ಅಭಿಮಾನಿಗಳ ಗಮನ ಸೆಳೆಯುತ್ತಿರುತ್ತಾರೆ.
ವರ್ಕೌಟ್, ಯೋಗ ಅಂತ ಫಿಟ್ನೆಸ್‌ಗೆ ಹೆಚ್ಚು ಒತ್ತು ನೀಡುವ ಮಲೈಕಾ ಅವರ ವರ್ಕೌಟ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುತ್ತದೆ. ಅರ್ಬಾಜ್ ಖಾನ್‌ಗೆ ವಿಚ್ಥೇದನ ನೀಡಿದ ಬಳಿಕ ಮಲೈಕಾ ಮತ್ತಷ್ಟು ಆಕ್ಟಿವ್ ಆಗಿದ್ದಾರೆ. ಸಿನಿಮಾ ಮಾಡದಿದ್ದರೂ ಮಲೈಕಾ ಹಾಟ್ ಫೋಟೋಶೂಟ್ ಮೂಲಕ ಮಿಂಚುತ್ತಿರುತ್ತಾರೆ.
ಮಲೈಕಾ ಸದ್ಯ ಮಾಜಿ ಪತಿ ಬಗ್ಗೆ ಮಾತನಾಡಿದ್ದಾರೆ. ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್ ಜೊತೆ ಮದುವೆಯಾಗಿದ್ದ ಮಲೈಕಾ 18 ವರ್ಷಗಳ ಕಾಲ ಸಂಸಾರ ಮಾಡಿದ್ದಾರೆ. ಆದರೆ 2017ರಲ್ಲಿ ಮಲೈಕಾ, ಅರ್ಬಾಜ್ ಖಾನ್ ಅವರಿಂದ ದೂರ ಆದರು. ಮಲೈಕಾ ಮತ್ತು ಅರ್ಬಾಜ್ ವಿಚ್ಛೇದನ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಅನೇಕರಿಗೆ ಅಚ್ಚರಿ ಮೂಡಿಸಿತ್ತು.
ಇದೀಗ ಮಾಜಿ ಪತಿ ಅರ್ಬಾಜ್ ಬಗ್ಗೆ ಮಲೈಕಾ ಮತನಾಡಿದ್ದಾರೆ. ಸಂದರ್ಶನ ವೊಂದರಲ್ಲಿ ಮಾತನಾಡಿರುವ ಮಲೈಕಾ, ವಿಚ್ಛೇದನ ಬಳಿಕ ಮತ್ತಷ್ಟು ಪ್ರಬುದ್ಧಳಾಗಿದ್ದೀನಿ ಎಂದು ಹೇಳಿದರು.
'ಕೆಲವು ಸಮಯ ಜನರು ಅಧ್ಭುತವಾಗಿರುತ್ತಾರೆ. ಆದರೆ ಸಾಂಸಾರಿಕ ಜೀವನದಲ್ಲಿ ಚೆನ್ನಾಗಿರುವುದಿಲ್ಲ. ನಾನು ಅವರಿಗೆ (ಅರ್ಬಾಜ್ ಖಾನ್)ಸದಾ ಶುಭಹಾರೈಸುತ್ತೇನೆ. ವಿಚ್ಛೇದನ ಬಳಿಕ ನಮ್ಮ ಸಂಬಂಧ ಇನ್ನು ಉತ್ತಮವಾಗಿದೆ' ಎಂದು ಹೇಳಿದರು.
ಮಲೈಕಾ ಮತ್ತು ಅರ್ಬಾಜ್ ಖಾನ್ ಇಬ್ಬರು ದೂರ ದೂರ ಆದ ಬಳಿಕ ಪುತ್ರ ಅರ್ಹಾನ್‌ಗೆ ಪೋಷಕರಾಗಿ ಮುಂದುವರೆದಿದ್ದಾರೆ. ಅರ್ಹಾನ್ ಗಾಗಿ ಇಬ್ಬರು ಆಗಾಗ ಒಟ್ಟಿಗೆ ಕಾಣಿಸಿಕೊಳ್ಳುತ್ತಾರೆ. ಹಾಟ್ ನಟಿ ಮಲೈಕಾ ಅರ್ಬಾಜ್ ಖಾನ್ ಜೊತೆಗಿನ ವಿಚ್ಛೇದನ ಬಳಿಕ ನಟ ಅರ್ಜುನ್ ಕಪೂರ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ. ಇಬ್ಬರು ಆಗಾಗ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುತ್ತಾರೆ. ಸದ್ಯದಲ್ಲೇ ಮದುವೆ ಸಹ ಆಗಲಿದ್ದಾರೆ ಎನ್ನುವ ಸುದ್ದಿ ಅನೇಕ ಸಮಯದಿಂದ ಕೇಳಿಬರುತ್ತಿದೆ. ಆದರೆ ಯಾವಾಗ ಎನ್ನುವುದು ಕಾದುನೋಡಬೇಕಿದೆ.