Food: ಬರೀ 15 ನಿಮಿಷದಲ್ಲಿ ಶ್ರಾವಣ ಉಪವಾಸದ ಸ್ಪೆಷಲ್ ಡಿಶ್; ಈ ಸೀಕ್ರೆಟ್ ಸ್ನಾಕ್ಸ್ ರುಚಿ ನೋಡಿದ್ರೆ ಮತ್ತೆ ಮತ್ತೆ ಮಾಡ್ತೀರಾ!

ಶ್ರಾವಣ ಮಾಸದ ಉಪವಾಸಕ್ಕಾಗಿ ಕೇವಲ 15 ನಿಮಿಷಗಳಲ್ಲಿ ತಯಾರಿಸಬಹುದಾದ ಕುರುಕುರು ಸಾಬುದಾನಾ ಕಟ್ಲೆಟ್ ರೆಸಿಪಿ ಇಲ್ಲಿದೆ. ನೆನೆಸಿದ ಸಾಬೂದಾನ, ಆಲೂಗಡ್ಡೆ ಮತ್ತು ಕೆಲವು ಸರಳ ಪದಾರ್ಥಗಳನ್ನು ಬಳಸಿ, ಈ ರುಚಿಕರವಾದ ತಿಂಡಿಯನ್ನು ಸುಲಭವಾಗಿ ಮಾಡಬಹುದು.

ಶ್ರಾವಣ ಮಾಸ ಶುರುವಾಯಿತೆಂದರೆ ಸಾಕು, ಮನೆಮನೆಗಳಲ್ಲೂ ಹಬ್ಬದ ವಾತಾವರಣ ಮತ್ತು ಉಪವಾಸದ ಪರ್ವ ಆರಂಭವಾಗುತ್ತದೆ. ಕೆಲವರು ಶ್ರಾವಣದ ಸೋಮವಾರಗಳಂದು ಮಾತ್ರ ಉಪವಾಸ ಮಾಡಿದರೆ, ಇನ್ನು ಕೆಲವರು ಗುರುವಾರ, ಶನಿವಾರ ಅಥವಾ ಇಡೀ ತಿಂಗಳು ಉಪವಾಸ ಆಚರಿಸುತ್ತಾರೆ. ಪ್ರತಿ ಬಾರಿ ಉಪವಾಸದ ಸಮಯದಲ್ಲಿ ಅದೇ ಹಳೆಯ ತಿಂಡಿಗಳನ್ನು ತಿಂದು ಬೇಸರವಾಗಿದ್ದರೆ, ನಿಮಗಾಗಿ ಇಲ್ಲಿದೆ ಒಂದು ಡಿಫರೆಂಟ್ ಹಾಗೂ ಟೇಸ್ಟಿ ಡಿಶ್. ಕೇವಲ 10 ರಿಂದ 15 ನಿಮಿಷಗಳಲ್ಲಿ, ಅತ್ಯಂತ ಕಡಿಮೆ ಪದಾರ್ಥಗಳನ್ನು ಬಳಸಿ ಮಾಡುವ ಸಾಬೂದಾನಕಟ್ಲೆಟ್' (Sabudana Cutlet) ರೆಸಿಪಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು!

ನೆನೆಸಿದ ಸಾಬುದಾನಾ (ಸಾಬೂದಾನ); 2 ಬೌಲ್

ಬೇಯಿಸಿದ ಆಲೂಗಡ್ಡೆ; 2 ರಿಂದ 3 (ಮಧ್ಯಮ ಗಾತ್ರ)

ಹುರಿದ ಕಡಲೆಕಾಯಿ ಪುಡಿ; 1 ಬೌಲ್

ಹಸಿಮೆಣಸಿನಕಾಯಿ ಪೇಸ್ಟ್; ರುಚಿಗೆ ತಕ್ಕಷ್ಟು

ಜೀರಿಗೆ ಪುಡಿ; 1 ಟೀಸ್ಪೂನ್

ನಿಂಬೆ ರಸ; ಅರ್ಧದಿಂದ 1 ಟೀಸ್ಪೂನ್

ಸಕ್ಕರೆ; ಸ್ವಲ್ಪ

ಉಪ್ಪು; ರುಚಿಗೆ ತಕ್ಕಷ್ಟು

ಕೊತ್ತಂಬರಿ ಸೊಪ್ಪು; ಸ್ವಲ್ಪ (ಉಪವಾಸದಲ್ಲಿ ತಿನ್ನುವ ಅಭ್ಯಾಸವಿದ್ದರೆ ಮಾತ್ರ)

ಎಣ್ಣೆ; ಕರಿಯಲು/ಶ್ಯಾಲೋ ಫ್ರೈ ಮಾಡಲು (ಕಡಲೆಕಾಯಿ ಎಣ್ಣೆ ಅಥವಾ ಸಾಮಾನ್ಯ ಎಣ್ಣೆ)

ತಯಾರಿಸುವ ವಿಧಾನ!

1. ಮಸಾಲ ಮಿಶ್ರಣ ತಯಾರಿಕೆ!

ಮೊದಲು ಒಂದು ದೊಡ್ಡ ಬೌಲ್‌ನಲ್ಲಿ ನೆನೆಸಿದ ಸಾಬೂದಾನವನ್ನು ಹಾಕಿ. ಅದಕ್ಕೆ ಬೇಯಿಸಿ ಮ್ಯಾಶ್ ಮಾಡಿದ (ನುಣ್ಣಗೆ ಮಾಡಿದ) ಆಲೂಗಡ್ಡೆ, ಹುರಿದ ಕಡಲೆಕಾಯಿ ಪುಡಿ, ಹಸಿಮೆಣಸಿನಕಾಯಿ ಪೇಸ್ಟ್ ಹಾಗೂ ಜೀರಿಗೆ ಪುಡಿಯನ್ನು ಸೇರಿಸಿ.

2. ರುಚಿ ಹೆಚ್ಚಿಸಲು!

ನಂತರ ಅದೇ ಮಿಶ್ರಣಕ್ಕೆ ನಿಂಬೆ ರಸ, ಸ್ವಲ್ಪ ಸಕ್ಕರೆ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು (ಬಯಸಿದಲ್ಲಿ) ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಸೇರಿಸಿ. ಎಲ್ಲವನ್ನೂ ನೀರು ಹಾಕದೆ ಚೆನ್ನಾಗಿ ಕೈಯಿಂದ ಮಿಕ್ಸ್ ಮಾಡಿ ಹಿಟ್ಟಿನ ಹದಕ್ಕೆ ನಾದಿಕೊಳ್ಳಿ.

3. ಆಕಾರ ನೀಡಿ!

ತಯಾರಾದ ಹಿಟ್ಟಿನಿಂದ ಸಣ್ಣ ಸಣ್ಣ ಉಂಡೆಗಳನ್ನು ಮಾಡಿ, ನಿಮ್ಮಿಷ್ಟದ ಆಕಾರಕ್ಕೆ (ವರ್ತುಲ ಅಥವಾ ಕಟ್ಲೆಟ್ ಆಕಾರದಲ್ಲಿ) ತಟ್ಟಿ ಇಟ್ಟುಕೊಳ್ಳಿ.

4. ಫ್ರೈ ಮಾಡುವುದು!

ಈಗ ಗ್ಯಾಸ್ ಮೇಲೆ ಪ್ಯಾನ್ ಇಟ್ಟು ಎಣ್ಣೆ ಹಾಕಿ ಬಿಸಿ ಮಾಡಿ. ಎಣ್ಣೆ ಕಾದ ನಂತರ ತಯಾರಿಸಿದ ಕಟ್ಲೆಟ್‌ಗಳನ್ನು ಹಾಕಿ, ಸಣ್ಣ ಅಥವಾ ಮಧ್ಯಮ ಉರಿಯಲ್ಲಿ ಎರಡೂ ಬದಿ ಹೊಂಬಣ್ಣ ಬರುವವರೆಗೆ ಚೆನ್ನಾಗಿ ಹುರಿಯಿರಿ. (ನೀವು ಎಣ್ಣೆ ಕಡಿಮೆ ಬಳಸಲು ಬಯಸಿದರೆ ಏರ್ ಫ್ರೈಯರ್‌ನಲ್ಲೂ ಮಾಡಿಕೊಳ್ಳಬಹುದು).

ಸೇವಿಸುವ ವಿಧಾನ!

ಬಿಸಿಬಿಸಿಯಾದ ಮತ್ತು ಹೊರಗಿನಿಂದ ಕುರುಕುರಾದ ಈ ಸಾಬೂದಾನ ಕಟ್ಲೆಟ್‌ಗಳನ್ನು ಉಪವಾಸದ ಕಡಲೆಕಾಯಿ ಚಟ್ನಿ, ತೆಂಗಿನಕಾಯಿ ಚಟ್ನಿ ಅಥವಾ ಗಟ್ಟಿ ಮೊಸರಿನೊಂದಿಗೆ ಸವಿಯಲು ನೀಡಬಹುದು. ಕಡಿಮೆ ಸಮಯದಲ್ಲಿ ತಯಾರಾಗುವ ಈ ಟೇಸ್ಟಿ ಕಟ್ಲೆಟ್ ಅನ್ನು ಈ ಶ್ರಾವಣ ಮಾಸದ ಉಪವಾಸದ ದಿನಗಳಲ್ಲಿ ಖಂಡಿತವಾಗಿಯೂ ಮನೆಯಲ್ಲಿ ಟ್ರೈ ಮಾಡಿ ನೋಡಿ!