ಪ್ರತಿ ದಿನ ನಮ್ಮನ್ನು ಕೆಲಸದ ನಡುವೆಯೂ ಚೇತೋಹಾರಿಯಾಗಿಡುವುದು ನಾಲ್ಕು ಸಿಪ್ ಮಸಾಲಾ ಚಾಯ್. ಈ ಮಸಾಲಾ ಟೀ ಈಗ ಜಾಗತಿಕವಾಗಿ 2ನೇ ಬೆಸ್ಟ್ ಆಲ್ಕೋಹಾಲ್ ರಹಿತ ಪಾನೀಯ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಭಾರತದೆಲ್ಲೆಡೆ ಅತ್ಯಂತ ಜನಪ್ರಿಯ ಪಾನೀಯವೆಂದರೆ ಅದು ಮಸಾಲಾ ಚಾಯ್. ಅದು ಜನರನ್ನು ಕೆಲಸದ ಸ್ಥಳದಲ್ಲಿ ಒಗ್ಗೂಡಿಸುತ್ತದೆ. ಮನೆಗೆ ಬರುವ ಅತಿಥಿಗಳೊಂದಿಗೆ ಹರಟೆ ಹೊಡೆಯಲು ಪ್ರೇರೇಪಿಸುತ್ತದೆ.
ಅದಿಲ್ಲದೆ, ನಮ್ಮ ದಿನ ಆರಂಭವಾಗುವುದಿಲ್ಲ. ಮಧ್ಯೆ ಒಮ್ಮೆ ಕುಡಿಯದಿದ್ದರೆ ಮುಂದೆ ಓಡುವುದೂ ಇಲ್ಲ. ವಿದ್ಯಾರ್ಥಿಗಳಿಗೆ ರಾತ್ರಿ ನಿದ್ದೆ ಬಿಟ್ಟು ಓದಲು ಸಹಾಯ ಮಾಡುವ ಭಾರತದ ಈ ಮಸಾಲಾ ಟೀ ಪರಿಮಳ ಈಗ ವಿಶ್ವದೆಲ್ಲೆಡೆ ಪಸರಿಸಿದೆ.
ಹೌದು, ನಮ್ಮನ್ನು ಬ್ಯುಸಿ ಕೆಲಸದ ಮಧ್ಯೆ ಚೇತೋಹಾರಿಯಾಗಿಡುವ, ಶೀತ ಕೆಮ್ಮಿಗೆ ಔಷಧವಾಗಿ ವರ್ತಿಸುವ ಮಸಾಲಾ ಟೀ ವಿಶ್ವದ ಎರಡನೇ ಅತ್ಯುತ್ತಮ ಆಲ್ಕೊಹಾಲ್ ರಹಿತ ಪಾನೀಯ ಎಂಬ ಕಿರೀಟವನ್ನು ಅಲಂಕರಿಸಿದೆ.
ಜನಪ್ರಿಯ ಆಹಾರ ಮಾರ್ಗದರ್ಶಿ ಟೇಸ್ಟ್‌ಅಟ್ಲಾಸ್ 2023-24ರಲ್ಲಿ ವರ್ಷಾಂತ್ಯದ ಪ್ರಶಸ್ತಿಗಳ ಭಾಗವಾಗಿ ಈ ಪುರಸ್ಕಾರಗಳ ಪಟ್ಟಿಯನ್ನು ಬಹಿರಂಗಪಡಿಸಿದೆ. ಇದರಲ್ಲಿ ಹಲವು ಭಾರತೀಯ ಪಾಕಪದ್ಧತಿಗಳು, ರೆಸ್ಟೋರೆಂಟ್‌ಗಳು, ಪದಾರ್ಥಗಳು ಮತ್ತು ಅಡುಗೆ ಪುಸ್ತಕಗಳು ಜಾಗತಿಕ ಕೌಂಟರ್ಪಾರ್ಟ್‌ಗಳಲ್ಲಿ ಮನ್ನಣೆಯನ್ನು ಗಳಿಸಿವೆ.
ಮಧ್ಯಾಹ್ನದ ಊಟಕ್ಕೆ ಅನ್ನದ ಬದಲು ಇವನ್ನು ತಿಂದ್ರೆ ತೂಕ ಹೆಚ್ಚಾಗೋ ಭಯ ಬೇಕಿಲ್ಲ
TasteAtlas ಶ್ರೇಯಾಂಕಗಳಲ್ಲಿ ಒಂದಾದ ವಿಶ್ವದ ಅತ್ಯುತ್ತಮ ಆಲ್ಕೊಹಾಲ್ಯುಕ್ತವಲ್ಲದ ಪಾನೀಯಗಳೊಂದಿಗೆ ವ್ಯವಹರಿಸುತ್ತದೆ. ಈ ಪಟ್ಟಿಯಲ್ಲಿ ಭಾರತದ ಮಸಾಲಾ ಚಾಯ್ ಎರಡನೇ ಸ್ಥಾನ ಪಡೆದಿರುವುದು ಭಾರತೀಯರಿಗೆ ಹೆಮ್ಮೆಯ ಸಂಗತಿಯಾಗಿದೆ.
ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ, ಆಹಾರ ಮಾರ್ಗದರ್ಶಿ ಟೇಸ್ಟ್ ಅಟ್ಲಾಸ್ ಈ ಮಸಾಲಾ ಚಾಯ್ ಬಗ್ಗೆ ಬರೆದಿರುವುದನ್ನು ಓದಿದರೆ ಈಗಲೇ ಕುಡಿಯಬೇಕೆನಿಸುತ್ತದೆ, ಅವರು ಬರೆದಿದ್ದಾರೆ, 'ಮಸಾಲಾ ಚಾಯ್ ಭಾರತದಿಂದ ಹುಟ್ಟಿದ ಆರೊಮ್ಯಾಟಿಕ್ ಪಾನೀಯವಾಗಿದೆ. ಇದನ್ನು ಸಿಹಿಯಾದ ಕಪ್ಪು ಚಹಾ ಮತ್ತು ಹಾಲಿನ ಸಂಯೋಜನೆಯೊಂದಿಗೆ ತಯಾರಿಸಲಾಗುತ್ತದೆ. ಇದು ಸಾಮಾನ್ಯವಾಗಿ ಏಲಕ್ಕಿ, ನೆಲದ ಶುಂಠಿ, ದಾಲ್ಚಿನಿ, ಕರಿಮೆಣಸಿನಕಾಳು, ಲವಂಗವನ್ನು ಒಳಗೊಂಡ ಮಸಾಲೆ ಮಿಶ್ರಣದೊಂದಿಗೆ ಬೆರೆತು ಹೆಚ್ಚು ಪರಿಮಳಯುಕ್ತವೂ, ಹೆಚ್ಚು ಆರೋಗ್ಯಕರವೂ ಆಗಿರುತ್ತದೆ. ಆದಾಗ್ಯೂ, ಮಸಾಲೆಗಳ ಆಯ್ಕೆ ಮತ್ತು ನಿಖರವಾದ ಅನುಪಾತವು ಸಾಮಾನ್ಯವಾಗಿ ಬದಲಾಗುತ್ತದೆ. '
ಮೊದಲ ಸ್ಥಾನದಲ್ಲಿ ಯಾವುದಿದೆ?
ಅರೆ, ಮಸಾಲಾ ಚಾಯ್ ಎರಡನೇ ಸ್ಥಾನವೆಂದರೆ, ಯಾವ ಆಲ್ಕೊಹಾಲ್ಯುಕ್ತವಲ್ಲದ ಪಾನೀಯವು ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ ಎಂದು ಆಶ್ಚರ್ಯಪಡುತ್ತಿದ್ದೀರಾ?
ಮೆಕ್ಸಿಕೋದ ಅಗುವಾಸ್ ಫ್ರೆಸ್ಕಾಸ್ ಮೊದಲ ಸ್ಥಾನ ಪಡೆದಿದೆ. ಈ ಪಾನೀಯವನ್ನು ಹಣ್ಣುಗಳು, ಸೌತೆಕಾಯಿ, ಹೂವುಗಳು, ಬೀಜಗಳು ಮತ್ತು ಸಿರಿಧಾನ್ಯಗಳ ಸಂಯೋಜನೆಯೊಂದಿಗೆ ತಯಾರಿಸಲಾಗುತ್ತದೆ.
ಮಾವಿನ ಲಸ್ಸಿ 3ನೇ ಸ್ಥಾನದಲ್ಲಿ
ಇನ್ನು, ಭಾರತದ ಮ್ಯಾಂಗೋ ಲಸ್ಸಿ ಮೂರನೇ ಸ್ಥಾನವನ್ನು ಪಡೆದುಕೊಂಡಿದೆ. ಈ ಹಿಂದೆ, ಇದು 'ವಿಶ್ವದ ಅತ್ಯುತ್ತಮ ಡೈರಿ ಪಾನೀಯ' ಎಂಬ ಶೀರ್ಷಿಕೆಯನ್ನು ಸಹ ಪಡೆದಿತ್ತು.
ಇದಕ್ಕೂ ಮೊದಲು, ಟೇಸ್ಟ್ ಅಟ್ಲಾಸ್ ಭಾರತದ ಬಾಸುಮತಿ ಅಕ್ಕಿಯನ್ನು ವಿಶ್ವದ ಅತ್ಯುತ್ತಮ ಅಕ್ಕಿ ಎಂದು ಹೆಸರಿಸಿತ್ತು.