ಇದು ದುಬೈನ ಅತ್ಯಂತ ದುಬಾರಿ ಚಾಕೋಲೇಟ್, ನಿಮ್ಮ ಮನಸ್ಸಿನಲ್ಲಿ ಬೇರೆ ಚಿತ್ರಣ ಬಂದ್ರೆ ಅಚ್ಚರಿಯಿಲ್ಲ!

ದುಬೈನ ದುಬಾರಿ ಹಾಗೂ ಸ್ವಾದಿಷ್ಟ ಚಾಕೋಲೇಟ್ ಭಾರತದಲ್ಲಿ ವೈರಲ್ ಆಗಿದೆ. ಈ ಚಾಕೋಲೇಟ್ ನೋಡಿದ ತಕ್ಷಣ ಬೇರೆ ನೆನಪಾಗುತ್ತಿದೆ. ಹೀಗಾಗಿ ತಿನ್ನಲು ಮನಸ್ಸಾಗುತ್ತಿಲ್ಲ ಎಂದು ಕಮೆಂಟ್ ಮಾಡಿದ್ದಾರೆ.   

ದುಬೈ(ಜು.28)  ದುಬೈ ಐಷಾರಾಮಿತನ, ಪ್ರವಾಸೋದ್ಯಮ, ಆಕರ್ಷಿಣೀಯ ಸ್ಥಳಗಳ ಜೊತೆಗೆ ಖಾದ್ಯಗಳು ಅಷ್ಟೇ ಪ್ರಖ್ಯಾತಿ ಪಡೆದಿದೆ. ಈ ಪೈಕಿ ಡ್ರೈ ಫ್ರ್ಯೂಟ್ಸ್‌ಗೆ ಹೆಚ್ಚಿನ ಬೇಡಿಕೆ. ಡ್ರೈ ಫ್ರೂಟ್ಸ್ ತಿನಿಸು, ಚಾಕೋಲೇಟ್, ಕೇಕ್ ಸೇರಿದಂತೆ ಹಲವು ವೈರೆಟಿಗಳು ದುಬೈನಲ್ಲಿ ಸಿಗುತ್ತದೆ. ಇದೀಗ ದುಬೈನಲ್ಲಿ ಅತ್ಯಂತ ದುಬಾರಿ ಹಾಗೂ ಸ್ವಾದಿಷ್ಟ ಚಾಕೋಲೇಟ್ ವೈರಲ್ ಆಗಿದೆ. ಭಾರತೀಯರು ಸೇರಿದಂತೆ ಹಲವರು ಈ ಚಾಕೋಲೇಟ್ ವಿಡಿಯೋಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಈ ಚಾಕೋಲೇಟ್ ಭಾರತದಲ್ಲಿ ಮಾರಾಟವಾಗುವ ಸಾಧ್ಯತೆ ಇಲ್ಲ ಎಂದು ಕಮೆಂಟ್ ಮಾಡಿದ್ದಾರೆ.

ದುಬೈನ ಈ ಸ್ವಾದಿಷ್ಠ ಪಿಸ್ತಾ ಚಾಕೋಲೇಟನ್ನು ರಿಭಾ ಖಾನ್ ಅನ್ನೋ ಸೋಶಿಯಲ್ ಮೀಡಿಯಾ ಕ್ರಿಯೆಟರ್ ಮೊದಲ ಬಾರಿಗೆ ಸವಿದಿದ್ದರೆ. ಈ ಕುರಿತು ವಿಡಿಯೋ ಪೋಸ್ಟ್ ಮಾಡಿದ್ದಾರೆ. ಈ ಸ್ವಾದಿಷ್ಟ ಚಾಕೋಲೇಟ್ ಹೆಸರು ಪಿಸ್ತಾಚಿಯೋ ಕುನಾಫಾ. ಹೊರಗೆ ಚಾಕೋಲೇಟ್ ಒಳಗೆ ಪಿಸ್ತಾ ಒಳಗೊಂಡಿರುತ್ತದೆ. ಇದರ ಬೆಲೆ 65 ಎಇಡಿ, ಅಂದರೆ ಭಾರತೀಯ ರೂಪಾಯಿಗಳಲ್ಲಿ 1,481 ರೂಪಾಯಿ.

ರಿಭಾ ಖಾನ್ ಈ ಚಾಕೋಲೇಟ್ ಸವಿದು ಪ್ರತಿಕ್ರಿಯೆ ನೀಡಿದ್ದಾರೆ. ಈ ಚಾಕೋಲೇಟ್ ಕುರಿತು ದುಬೈ ಸ್ಥಳೀಯರು ಪದೇ ಪದೇ ಹೇಳಿದ್ದಾರೆ. ಭಾರಿ ಪ್ರಚಾರ ಮಾಡುತ್ತಾರೆ. ಸಣ್ಣ ಚಾಕೋಲೇಟ್ ಬೆಲೆಯೂ ದುಬಾರಿಯಾಗಿದೆ. ಹೀಗಾಗಿ ಪಿಸ್ತಾಚಿಯೋ ಕುನಾಫಾ ಚಾಕೋಲೇಟ್ ಖರೀದಿಸಿದ್ದೇನೆ ಎಂದು, ಸವಿದಿದ್ದಾರೆ. ಸವಿಯುತ್ತಲೆ ಅದ್ಬುತವಾಗಿದೆ ಎಂದು ಕ್ರೆಡಿಟ್ ನೀಡಿದ್ದಾರೆ. ಇದರ ರುಚಿ ಉತ್ತಮವಾಗಿದೆ. ಮತ್ತೆ ಮತ್ತೆ ತಿನ್ನಬೇಕು ಎಂದೆನಿಸುತ್ತಿದೆ ಎಂದಿದ್ದಾರೆ.