Daily Horoscope: ಈ ರಾಶಿಗಿಂದು ನಿರೀಕ್ಷೆಗೂ ಮೀರಿ ಯಶಸ್ಸು

27 ಏಪ್ರಿಲ್ 2022, ಬುಧವಾರದ ಭವಿಷ್ಯ ಹೇಗಿದೆ? ಯಾವ ರಾಶಿಗೆ ಶುಭ ಫಲವಿದೆ? ಕುಂಭಕ್ಕೆ ವೃತ್ತಿ ಸಂಬಂಧಿ ತೊಡಕುಗಳು

ಮೇಷ(Aries): ವಿದೇಶಿ ವ್ಯವಹಾರಗಳಲ್ಲಿ ಅಧಿಕ ಲಾಭವಿರಲಿದೆ. ಆತ್ಮವಿಶ್ವಾಸ ಜೊತೆಗಿರುತ್ತದೆ. ಗೃಹ ಕೈಗಾರಿಕೆಗಳು ನಿಮ್ಮ ಕೈ ಹಿಡಿಯಲಿವೆ. ಮಕ್ಕಳ ನಿಮಿತ್ತ ಖರ್ಚುಗಳು ಹೆಚ್ಚಲಿವೆ. ಆಸ್ತಿ ಖರೀದಿ ವ್ಯವಹಾರ ಮಾಡಬಹುದು. ಗಣಪತಿಗೆ 21 ದರ್ಬೆ ಅರ್ಪಿಸಿ. 

ವೃಷಭ(Taurus): ಸಂಗೀತ, ಧ್ಯಾನ ಮತ್ತು ಯೋಗಗಳಿಂದ ಮನಸ್ಸಿಗೆ ನೆಮ್ಮದಿ ಸಿಗಲಿದೆ. ನಿಮ್ಮದೇ ಸರಿಯೆಂಬ ಧೋರಣೆ ಬೇಡ. ಎದುರು ವಾದಿಸುವವರದೂ ಸರಿ ಇರಬಾರದೇಕೆ ಎಂದು ಯೋಚಿಸಿ. ಸಂಬಂಧಗಳಿಂದ ಕಳಚಿಕೊಳ್ಳುವ ಬದಲು ಅದನ್ನು ಕಾಪಾಡಿಕೊಳ್ಳುವ ಬಗ್ಗೆ ಯೋಚಿಸಿ. ಗಣಪತಿ ಅಷ್ಟೋತ್ತರ ಪಠಿಸಿ. 

ಮಿಥುನ(Gemini): ವಾಹನ ಹಾಗೂ ಬಿಡಿ ಭಾಗಗಳ ವ್ಯಾಪಾರಿಗಳು, ಮೆಕ್ಯಾನಿಕ್ ವೃತ್ತಿಯಲ್ಲಿರುವವರಿಗೆ ಅಧಿಕ ಲಾಭ. ಸಾಲದ ಹೊರೆಯನ್ನೇ ತಲೆ ಮೇಲೆ ಹೊತ್ತವರಿಗೆ ಸಮಾಧಾನಕರ ಸುದ್ದಿ ಸಿಗಲಿದೆ. ಸಾಲದ ಸುರುಳಿಯಿಂದ ಬಿಡಿಸಿಕೊಳ್ಳಲು ಮಾರ್ಗ ಕಾಣಿಸಲಿದೆ. ಕೃಷ್ಣನಿಗೆ ತುಳಸಿ ಅರ್ಪಿಸಿ. 

ಕಟಕ(Cancer): ಯಾವುದೋ ಸಮಸ್ಯೆ ಬಾಧಿಸುವುದು. ಅದರಿಂದ ಹೊರ ಬರುವ ಪರಿಹಾರ ನೋಡಬೇಕೇ ಹೊರತು ಖಿನ್ನರಾಗಿ ಕೂರುವುದರಿಂದ ಪ್ರಯೋಜನವಿಲ್ಲ. ಹೊಸ ಗೆಳೆತನ ಮಾಡುವತ್ತ ಗಮನ ಹರಿಸಿ. ಆದಷ್ಟು ಮನೆಯಿಂದ ಹೊರಗಿರಲು ಪ್ರಯತ್ನಿಸಿ. ಮನೆ ದೇವರ ಸ್ಮರಣೆ ಮಾಡಿ. 

ಸಿಂಹ(Leo): ಹೊಸ  ವ್ಯವಹಾರಳನ್ನು ಆರಂಭಿಸಲು ಹಳೆಯ ವ್ಯವಹಾರ ಸಂಪೂರ್ಣ ಮುಚ್ಚಬೇಕೆಂದು ಕಾಯುತ್ತಾ ಕೂರಬೇಡಿ. ಇದರ ಪಾಡಿಗಿದು ಶುರುವಾಗಲಿ.. ಉಳಿದವು ತನ್ನಿಂತಾನೇ ಆಗುತ್ತವೆ. ಯುವಕರು ನಿಧಾನವಾಗಿ ವಾಹನ ಚಲಾಯಿಸಬೇಕು. ಬುಧ ಮಂತ್ರಗಳನ್ನು ಹೇಳಿಕೊಳ್ಳಿ. 

ಕನ್ಯಾ(Virgo): ಮನೆಯಲ್ಲಿ ಶುಭ ಕಾರ್ಯದ ಸಂಬಂಧಿ ಓಡಾಟ ಹೆಚ್ಚಾಗುವುದು. ಮನಸ್ಸಿನಲ್ಲಿ ಅದರ ಸಂತೋಷ ತುಂಬುವುದು. ವ್ಯಾಸಂಗದಲ್ಲಿ ನಿರೀಕ್ಷೆಗೂ ಮೀರಿದ ಯಶಸ್ಸು ಕಂಡುಬರುವುದು. ಆರೋಗ್ಯ ಚೆನ್ನಾಗಿರಲಿದೆ. ಹೆಚ್ಚು ನೀರು ಕುಡಿಯಿರಿ. ನವಗ್ರಹ ಶ್ಲೋಕ ಹೇಳಿಕೊಳ್ಳಿ. 

ತುಲಾ(Libra): ಚಿನ್ನಾಭರಣ ವ್ಯಾಪಾರಿಗಳಿಗೆ ಲಾಭ ಹೆಚ್ಚುವುದು. ನಿರುದ್ಯೋಗಿಗಳು ಇನ್ನೊಬ್ಬರ ಕೈ ಕೆಳಗೆ ಕೆಲಸ ಮಾಡಲ್ಲ ಎಂಬೆಲ್ಲ ತಮ್ಮ ಅಹಂಕಾರ ಬದಿಗಿಟ್ಟರೆ ಸಂಪಾದನೆಯ ದಾರಿಯೂ, ಗೌರವಗಳೂ ಹೆಚ್ಚುವುವು. ಮನೆಯ ಸದಸ್ಯರ ಹದಗೆಟ್ಟ ಆರೋಗ್ಯ ಕಂಗಾಲಾಗಿಸುವುದು. ಗಣಪತಿಗೆ ಲಡ್ಡು ನೈವೇದ್ಯ ಮಾಡಿ. 

ವೃಶ್ಚಿಕ(Scorpio): ನಿಮ್ಮ ಸಾಧನೆಯ ಕಾರಣದಿಂದ ಬಂಧು ಮಿತ್ರರು ನಿಮ್ಮನ್ನು ಆದರದಿಂದ ಕಾಣುತ್ತಾರೆ. ಕುಟುಂಬಕ್ಕೆ ಹೊಸ ಸದಸ್ಯರ ಪರಿಚಯವಾಗಲಿದೆ. ಗೆದ್ದಾಗ ಹಿಗ್ಗದೆ, ಸೋತಾಗ ಕುಗ್ಗದೆ ಇರುವಂಥ ಮನಸ್ಥಿತಿ ತಂದುಕೊಳ್ಳಿ. ಕೃಷ್ಣ ಸ್ಮರಣೆ ಮಾಡಿ. 

ಧನುಸ್ಸು(Sagittarius): ತೋಟಗಾರಿಕೆ ಕ್ಷೇತ್ರದವರಿಗೆ ಅದರಲ್ಲೂ ಹೂ ಹಣ್ಣು ತರಕಾರಿ ವ್ಯಾಪಾರಿಗಳಿಗೆ ಉತ್ತಮ ಸಂಪಾದನೆ ಇರುವುದು. ಅಕ್ರಮವಾಗಿ ಗಳಿಸಿದ ಹಣಕ್ಕೆ ಬೆಲೆ ತೆರಬೇಕಾಗಲಿದೆ. ದೂರ ಪ್ರಯಾಣಗಳು ಹೈರಾಣಾಗಿಸಲಿವೆ. ಸಮಯ ವ್ಯರ್ಥವಾಗಬಹುದು. ಕುಲದೇವರ ಸ್ಮರಣೆ ಮಾಡಿ. 

ಮಕರ(Capricorn): ಕಾರ್ಯದೊತ್ತಡದ ನಡುವೆಯೂ ಕುಟುಂಬದ ಸಮಸ್ಯೆಯತ್ತ ಗಮನ ಹರಿಸುವುದನ್ನು ಮರೆಯಬೇಡಿ. ಹೊಸ ವ್ಯವಹಾರದಲ್ಲಿ ಹಿರಿಯರ ಸಹಾಯ ಸಹಕಾರ ದೊರೆಯಲಿದೆ. ಸಂಗಾತಿಯ ಸಹಕಾರ ಚೆನ್ನಾಗಿರಲಿದೆ. ಸಣ್ಣ ಪುಟ್ಟ ಮಾತಿಗೆ ಜಗಳವಾಡದೆ ಮೌನವಾಗಿ ಉಳಿಯಿರಿ. ಗಣಪತಿ ಶ್ಲೋಕ ಹೇಳಿ.

ಕುಂಭ(Aquarius): ವೃತ್ತಿ ಸಂಬಂಧ ತೊಡಕುಗಳು ಕಾಡುವುವು. ಸವಾಲುಗಳನ್ನು ಎದುರಿಸುವ ಧೈರ್ಯ ತೆಗೆದುಕೊಂಡರೆ ಮತ್ಯಾವುದೂ ಕಷ್ಟವಾಗಿ ಉಳಿಯುವುದೇ ಇಲ್ಲ. ಚಂಚಲತೆ ಹೆಚ್ಚಲಿದೆ. ಕೆಲಸ ಕಾರ್ಯಗಳು ಅರ್ಧಕ್ಕೇ ನಿಲ್ಲಬಹುದು. ಮಾತಿನ ಮೇಲೆ ಹಿಡಿತ ಬೇಕು. ತಾಯಿಯ ಆಶೀರ್ವಾದ ಪಡೆಯಿರಿ.

ಮೀನ(Pisces): ಸಗಟು ವ್ಯಾಪಾರಿಗಳಿಗೆ, ಸರಕು ಸಾಗಾಣಿಕೆದಾರರಿಗೆ ಉತ್ತಮವಾದ ಪ್ರತಿಫಲ ದೊರೆಯಲಿದೆ. ನಿಮ್ಮ ಎಚ್ಚರಿಕೆಯಲ್ಲಿ ನೀವಿಲ್ಲದಿದ್ದರೆ ಕ್ಲೇಶಗಳು ಹೆಚ್ಚಲಿವೆ. ಕಚೇರಿಯಲ್ಲಿ ಹೊರೆ ಹೆಚ್ಚುವುದು. ಸಹೋದ್ಯೋಗಿಗಳ ಬೆಂಬಲ ಸಿಗದೆ ಕಿರಿಕಿರಿಯಾಗುವುದು. ನವಗ್ರಹ ಸ್ಮರಣೆ ಮಾಡಿ.