Daily Horoscope: ಈ ರಾಶಿಗಿಂದು ನಿರ್ಧಾರಗಳು ಎಡವಟ್ಟಾಗಲಿವೆ..ಎಚ್ಚರ ಅಗತ್ಯ

25 ಏಪ್ರಿಲ್ 2022, ಸೋಮವಾರದ ಭವಿಷ್ಯ ಹೇಗಿದೆ? ಯಾವ ರಾಶಿಗೆ ಶುಭ ಫಲವಿದೆ? ಮೇಷಕ್ಕೆ ದೊಡ್ಡ ಅವಕಾಶ

ಮೇಷ(Aries): ದೊಡ್ಡ ಅವಕಾಶವೊಂದು ನಿಮಗಾಗಿ ಎದುರು ನೋಡುತ್ತಿದೆ. ಅಂಜದೆ ಅದನ್ನು ಬರ ಮಾಡಿಕೊಳ್ಳಿ. ಯಾವ ವಿಷಯಕ್ಕೂ ಅತಿ ಹೆಚ್ಚು ನಿರೀಕ್ಷೆ ಇಟ್ಟುಕೊಳ್ಳುವುದು ಬೇಡ. ಮಹಿಳೆಯರ ಪಾಲಿಗೆ ಇದು ಶುಭ ದಿನ. ಅಂದುಕೊಂಡಿದ್ದು ಆಗಲಿದೆ. ಶಿವ ಶತನಾಮಾವಳಿ ಹೇಳಿಕೊಳ್ಳಿ.

ವೃಷಭ(Taurus): ನೀವು ಕಷ್ಟ ಪಟ್ಟು ಮಾಡಿದ ಕೆಲಸ ನಿಷ್ಪ್ರಯೋಜಕ ಎನಿಸಬಹುದು. ಇದರಿಂದ ಶ್ರಮ, ಸಮಯ ವ್ಯರ್ಥವಾದ ನೋವು ಕಾಡುವುದು. ನಿರ್ಜಲೀಕರಣ ಕಾಡುವುದು. ಹೆಚ್ಚು ನೀರು ಕುಡಿಯಿರಿ. ಹಿಂದೆ ಮಾಡಿದ ತಪ್ಪುಗಳು ಮತ್ತೆ ಆಗದ ರೀತಿ ನೋಡಿಕೊಳ್ಳಿ. ಶಿವ ದೇವಾಲಯಕ್ಕೆ ಭೇಟಿ ನೀಡಿ. 

ಮಿಥುನ(Gemini): ಆತುರದಲ್ಲಿ ಯಾವ ಕೆಲಸವನ್ನೂ ಮಾಡಬೇಡಿ, ಯಾವ ನಿರ್ಧಾರವನ್ನೂ ತೆಗೆದುಕೊಳ್ಳಬೇಡಿ. ಅದರಿಂದ ಅಪಾಯವಿದೆ. ಮೋಸ ಹೋಗಿದ್ದೇನೆ ಎನ್ನುವ ಭಾವವೇ ನಿಮ್ಮನ್ನು ತಳಮಳಕ್ಕೆ ಈಡು ಮಾಡಲಿದೆ. ಆದಾಯ ಏರಿಕೆ ಆಗಲಿದೆ. ರುದ್ರಾಭಿಷೇಕ ಮಾಡಿಸಿ. 

ಕಟಕ(Cancer): ನಿಮ್ಮ ಸಾಧನೆ ಕೆಲವರ ಕಣ್ಣು ಕುಕ್ಕುವುದು. ಅವರು ನಿಮ್ಮ ಹೆಸರಿಗೆ ಮಸಿ ಬಳಿಯಲು ಪ್ರಯತ್ನಿಸಿಯಾರು. ಇಂಥ ನಕಾರಾತ್ಮಕ ವ್ಯಕ್ತಿಗಳಿಂದ ದೂರವಿರಲು ಪ್ರಯತ್ನಿಸಿ. ಎಲ್ಲವೂ ಗೊತ್ತಿದೆ ಎಂದು ತೋರ್ಪಡಿಸಿಕೊಳ್ಳಲು ಹೋಗಬೇಡಿ. ಅವಮಾನವಾದೀತು. ಶಿವನಿಗೆ ಭಸ್ಮಾರ್ಚನೆ ಮಾಡಿ.

ಸಿಂಹ(Leo): ಅವಮಾನ ಎದುರಿಸಬೇಕಾಗಬಹುದು. ಹೂಡಿಕೆಯ ವಿಷಯದಲ್ಲಿ ತಪ್ಪಾದ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ಇದೆ. ಸೋತೆ ಎಂದು ಸುಮ್ಮನೆ ಕೂರದಿರಿ. ಮರಳಿ ಯತ್ನವ ಮಾಡಿದರೆ ಗೆಲುವು ಸಿಕ್ಕೇ ಸಿಕ್ಕುತ್ತದೆ. ಆತ್ಮವಿಶ್ವಾಸ ಇರಲಿ. ಸುಬ್ರಹ್ಮಣ್ಯನಲ್ಲಿ ಪ್ರಾರ್ಥಿಸಿ. 

ಕನ್ಯಾ(Virgo): ಬೆಳಿಗ್ಗೆ ಎದ್ದ ಕೂಡಲೇ ಶುಭ ಸಮಾಚಾರ ಕೇಳಲಿದ್ದೀರಿ. ಹೆಚ್ಚು ಕಾರ್ಯಗಳನ್ನು ಇಂದು ಮಾಡಿ ಮುಗಿಸುವಿರಿ. ಶುಭಫಲ. ನಿಮ್ಮ ಬುದ್ಧಿ ಶಕ್ತಿಯೇ ನಿಮಗೆ ವರವಾಗಲಿದೆ. ಹೊಸ ಆದಾಯದ ಮೂಲಗಳು ದೊರೆಯಲಿವೆ. ಶಿವನಿಗೆ ಜಲಾಭಿಷೇಕ ಮಾಡಿಸಿ. 

ತುಲಾ(Libra): ಸಂಸಾರದಲ್ಲಿ ಸಣ್ಣ ವಿರಸ ಏರ್ಪಡಲಿದೆ. ಸಂಜೆ ವೇಳೆಗೆ ಎಲ್ಲವೂ ಸರಿಯಾಗಲಿದೆ. ಮನಸ್ಸಿನ ನೋವನ್ನು ಆತ್ಮೀಯರ ಬಳಿ ಹೇಳಿಕೊಳ್ಳಿ. ಸಹಾಯ ಮಾಡಿದವರನ್ನು ಮರೆಯುವುದು ಬೇಡ. ಹೆಚ್ಚು ಶ್ರಮ ತೆಗೆದುಕೊಂಡರೂ ಪ್ರತಿಫಲ ಕಡಿಮೆಯೇ ಇರಲಿದೆ. ಶಿವ ಶಕ್ತಿಯರ ಸ್ಮರಣೆ ಮಾಡಿ. 

ವೃಶ್ಚಿಕ(Scorpio): ಚಿನ್ನಾಭರಣ ಕೊಳ್ಳುವ ತಯಾರಿ ಮಾಡಿಕೊಳ್ಳಲಿದ್ದೀರಿ. ಶುಭ ಕಾರ್ಯಗಳು ನಡೆಯಲಿವೆ. ಸುಲಭಕ್ಕೆ ಗುರಿ ಸೇರಬಹುದು ಎಂದು ಅಡ್ಡ ದಾರಿ ಹಿಡಿಯುವ ಪ್ರಯತ್ನ ಮಾಡುವುದು ಬೇಡ. ಧೀರ್ಘ ಕಾಲೀನ ಕಾಯಿಲೆಗಳು ಕಂಗೆಡಿಸಲಿವೆ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ. 

ಧನುಸ್ಸು(Sagittarius): ಕೃಷಿ ಚಟುವಟಿಕೆಗಳಲ್ಲಿ ಹೆಚ್ಚಾಗಿ ತೊಡಗುವಿರಿ. ಆತುರದ ನಿರ್ಧಾರ ಬೇಡ. ಆಟೋಟಗಳಲ್ಲಿ ತೊಡಗಿಸಿಕೊಳ್ಳುವಿರಿ. ಯಾರ ಬಗ್ಗೆಯೂ ಲಘುವಾಗಿ ಮಾತನಾಡದಿರಿ. ಉದ್ಯೋಗದಲ್ಲಿ ಸಾಮಾನ್ಯ ದಿನ. ಯಾರನ್ನೂ ಅವಮಾನಿಸುವ ಮಾತಾಡಬೇಡಿ. ಶಿವ ಶತನಾಮಾವಳಿ ಹೇಳಿಕೊಳ್ಳಿ. 

ಮಕರ(Capricorn): ಹೊಸ ದಾರಿಯಲ್ಲಿ ನೂತನ ಪ್ರಯಾಣ ಆರಂಭವಾಗಲಿದೆ. ಹಾಸಿಗೆ ಇದ್ದಷ್ಟಕ್ಕೆ ಮಾತ್ರವೇ ಕಾಲು ಚಾಜಿ. ಪ್ರತಿಸ್ಪರ್ಧಿಗಳು ಹುಟ್ಟಿಕೊಳ್ಳಲಿದ್ದಾರೆ. ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಿ. ತುಂಬಾ ನೀರು ಕುಡಿಯಿರಿ. ಶಿವ ಶಕ್ತಿಯರ ಸ್ಮರಣೆ ಮಾಡಿ. 

ಕುಂಭ(Aquarius): ವ್ಯವಹಾರದಲ್ಲಿ ಸೂಕ್ತ ಎಚ್ಚರಿಕೆ ಇದ್ದರೆ ಒಳಿತು. ಸ್ನೇಹಿತರೊಂದಿಗಿನ ಮನಸ್ತಾಪ ಮುಂದುವರೆಯಲಿದೆ. ದಿನದ ಅಂತ್ಯಕ್ಕೆ ಮನಸ್ಸು ಕೊಂಚ ನಿರಾಳ ಆಗಲಿದೆ. ಆಯಾಸ ಹೆಚ್ಚಾಗಲಿದೆ. ಬೇಡದ ಆತಂಕವನ್ನು ಮೈ ಮೇಲೆ ಎಳೆದುಕೊಳ್ಳುವುದು ಬೇಡ. ರುದ್ರಾಭಿಷೇಕ ಮಾಡಿಸಿ. 

ಮೀನ(Pisces): ಮತ್ತೊಬ್ಬರು ನಿಮ್ಮ ಬಗ್ಗೆ ಏನು ಯೋಚಿಸುತ್ತಾರೋ ಎಂದು ಹೆಚ್ಚು ತಲೆ ಕೆಡಿಸಿಕೊಳ್ಳಬೇಡಿ. ನಿಮ್ಮ ಮನಸ್ಸಿನ ಮಾತನ್ನು ಕೇಳಿ. ಅನಾವಶ್ಯಕ ಸುತ್ತಾಟ ಮತ್ತು ಖರ್ಚು ಮಾಡುವುದು ಬೇಡ. ಹೊಸ ಬದಲಾವಣೆಗೆ ಮನಸ್ಸು ತುಡಿಯಲಿದೆ. ಕುಲದೇವರ ಸ್ಮರಣೆ ಮಾಡಿ.