ನಟಿ ಶಿಲ್ಪಾ ಶೆಟ್ಟಿ ಲಕ ಲಕ ಲಕ ಲಕ ಲಕ ಎನ್ನುತ್ತಾ ವಿಚಿತ್ರ ಹೆಜ್ಜೆ ಹಾಕುತ್ತಾ ಬಂದ್ರೆ, ಟ್ರೋಲಿಗರು ಹೀಗೆಲ್ಲಾ ಕೇಳೋದಾ?
ಬಾಲಿವುಡ್ ಬೆಡಗಿ, ಮಂಗಳೂರಿನ ಶಿಲ್ಪಾ ಶೆಟ್ಟಿ ಸದ್ಯ ಕನ್ನಡದ ಕೆಡಿ ಸಿನಿಮಾದಲ್ಲಿ ಬಿಜಿಯಾಗಿದ್ದರು. ಇತ್ತೀಚಿಗಷ್ಟೇ ಶೂಟಿಂಗ್ ಮುಗಿಸಿರೋ ನಟಿ, ತಮ್ಮ 49ನೇ ವಯಸ್ಸಿನಲ್ಲಿ ಸ್ಯಾಂಡಲ್ವುಡ್ನಲ್ಲಿ ಲಕ್ ಟ್ರೈ ಮಾಡುತ್ತಿದ್ದರು ಚಿತ್ರೀಕರಣದ ಸೆಟ್ನಿಂದಲೇ ಹೊಸ ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ. ಧ್ರುವ ಸರ್ಜಾ ನಟನೆಯ ‘ಕೆಡಿ’ ಸಿನಿಮಾಗೆ ಪ್ರೇಮ್ ನಿರ್ದೇಶನ ಮಾಡುತ್ತಿದ್ದರು. ‘ಕೆವಿಎನ್ ಪ್ರೊಡಕ್ಷನ್ಸ್’ ಮೂಲಕ ಈ ಸಿನಿಮಾ ನಿರ್ಮಾಣ ಆಗುತ್ತಿದೆ. ಧ್ರುವ ಸರ್ಜಾ ಅವರು ‘ಕೆಡಿ’ ಸಿನಿಮಾದಲ್ಲಿ ಹೀರೋ ಆಗಿ ನಟಿಸುತ್ತಿದ್ದಾರೆ. ಪಾತ್ರವರ್ಗದ ಕಾರಣದಿಂದ ಈ ಸಿನಿಮಾ ಹೈಪ್ ಸೃಷ್ಟಿ ಮಾಡಿದೆ. ಬಾಲಿವುಡ್ ಕಲಾವಿದರಾದ ಸಂಜಯ್ ದತ್ ಹಾಗೂ ಶಿಲ್ಪಾ ಶೆಟ್ಟಿ ಅವರು ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳನ್ನು ನಿಭಾಯಿಸಿದ್ದಾರೆ. ಶಿಲ್ಪಾ ಶೆಟ್ಟಿ ಅವರ ಪಾತ್ರದ ಹೆಸರು ಸತ್ಯವತಿ. ಇದು ತಮ್ಮ ಫೇವರಿಟ್ ಪಾತ್ರಗಳಲ್ಲಿ ಒಂದು ಎಂದು ಅವರು ಹೇಳಿದ್ದಾರೆ.
ಇದರ ನಡುವೆಯೇ ನಟಿ ಲಕ ಲಕ ಲಕ ಲಕ ಹಾಡಿಗೆ ಡಾನ್ಸ್ ಮಾಡಿದ್ದು, ಅದರ ವಿಡಿಯೋ ವೈರಲ್ ಆಗಿದೆ. ಚಿತ್ರ-ವಿಚಿತ್ರ ರೀತಿಯಲ್ಲಿ ನಟಿ ಇದಕ್ಕೆ ಸ್ಪೆಪ್ ಹಾಕಿದ್ದಾರೆ. ಆದರೆ ಜೋಕ್ ಮಾಡುವಲ್ಲಿ ಶಿಲ್ಪಾ ಅವರದ್ದು ಎತ್ತಿದ ಕೈ. ವಯಸ್ಸು 49 ಆದರೂ ಇನ್ನೂ ಚಿಕ್ಕಮಕ್ಕಳಂತೆಯೇ ಡಾನ್ಸ್ ಮಾಡುತ್ತಾರೆ, ಯುವತಿಯರಂತೆಯೇ ಬಳಕುವ ಮೈಯಿಂದ ಎಲ್ಲರ ಹುಬ್ಬೇರಿಸುತ್ತಾರೆ. ಇಲ್ಲಿ ಕೂಡ ನಟಿ ಅದೇ ರೀತಿ ಮಾಡಿದ್ದಾರೆ. ಇದನ್ನು ನೋಡಿ ಹಲವರು ಸೋ ಬ್ಯೂಟಿಫುಲ್ ಎಂದು ಹೇಳಿದ್ರೆ, ಮತ್ತೆ ಕೆಲವರು, ಪತಿ ರಾಜ್ ಕುಂದ್ರಾ ಮತ್ತೆ ಅರೆಸ್ಟ್ ಆದ್ರಾ ಎಂದು ನಟಿಯ ಕಾಲೆಳೆಯುತ್ತಿದ್ದಾರೆ. ಅಷ್ಟಕ್ಕೂ ಶಿಲ್ಪಾ ಶೆಟ್ಟಿ ಎಂದರೆ, ಯೋಗ, ಫಿಟ್ನೆಸ್ ನೆನಪಿಗೆ ಬರುತ್ತದೆ. ವಯಸ್ಸು 49 ಆದರೂ ತಮ್ಮ ದೇಹವನ್ನು ಸಕತ್ ಫಿಟ್ ಆಗಿಟ್ಟುಕೊಂಡಿದ್ದರು ನಟಿ. ಇದೀಗ ಅವರಿಗೆ ಕೆಲವೊಂದು ಪ್ರಶ್ನೆಗಳನ್ನು ಕೇಳಲಾಗಿದ್ದು, ಅವುಗಳಿಗೆ ನಟಿ ಫಟಾಫಟ್ ಉತ್ತರ ಕೊಟ್ಟಿದ್ದರು. ಅದರ ಸಾರ ಇಲ್ಲಿದೆ: ದಿನವನ್ನು ಶುರು ಮಾಡುವುದು ಹೇಗೆ ಎನ್ನುವ ಪ್ರಶ್ನೆಗೆ ನಟಿ ತುಪ್ಪ, ಅರಿಶಿಣ ಮತ್ತು ಕರಿಮೆಣಸು ಎಂದಿದ್ದರು. ಒಂದು ಸೂಪರ್ ಪವರ್ ಬೇಕು ಎಂದ್ರೆ ನೀವು ಏನನ್ನು ಕೇಳಿಕೊಳ್ಳುತ್ತೀರಿ ಎನ್ನುವ ಪ್ರಶ್ನೆಗೆ ನಟಿ, ಮಾಯ ಆಗುವುದು ಎಂದಿದ್ದರು. ಯಾವುದಾದರೂ ಒಂದು ದೇಶದಲ್ಲಿ ಇರಬೇಕು ಎಂದುಕೊಂಡರೆ ಯಾವ ದೇಶವನ್ನು ಆಯ್ಕೆ ಮಾಡಿಕೊಳ್ಳುತ್ತೀರಿ ಎನ್ನುವ ಪ್ರಶ್ನೆಗೆ ಶಿಲ್ಪಾ ಶೆಟ್ಟಿ ಭಾರತ, ಐ ಲವ್ ಮೈ ಇಂಡಿಯಾ ಎಂದಿದ್ದರು.
ಅದೇ ರೀತಿ, ನಿಮ್ಮ ಮಧ್ಯರಾತ್ರಿ ಮೂರು ಗಂಟೆಯ ಸ್ನೇಹಿತ ಯಾರು ಎಂದು ಕೇಳಿದಾಗ ಶಿಲ್ಪಾ ಶೆಟ್ಟಿ ಕೂಡಲೇ ನಗುತ್ತಾ ನನ್ನ ಗಂಡ ಎಂದಿದ್ದರು. ನಿಮ್ಮ ಫ್ಲಾಪ್ ಆಗಿರೋ ಚಿತ್ರ ಯಾವುದು ಕೇಳಿದಾಗ ನಟಿ ರಿಷ್ತೆ ಎಂದಿದ್ದರು. ಈ ಚಿತ್ರ ನನಗೆ ತುಂಬಾ ಇಷ್ಟವಾಗಿತ್ತು, ಆದರೆ ಫ್ಲಾಪ್ ಆಯಿತು ಎಂದಿದ್ದರು. ಫನ್ ಶೂಟಿಂಗ್ ಮೂವಿ ಯಾವುದು ಕೇಳಿದಾಗ ಸುಖಿ ಎಂದಿದ್ದರು. ನಿಮಗೆ ಲೆಹಂಗಾ ಇಷ್ಟನೋ, ಸಾರಿನೋ ಎಂದಾಗ ಸಾರಿ ಎಂದಿದ್ದರು ಶಿಲ್ಪಾ ಶೆಟ್ಟಿ. ಯೋಗ ಮತ್ತು ಜಿಮ್ನಲ್ಲಿ ಒಂದನ್ನು ಆಯ್ಕೆ ಮಾಡಿಕೊಳ್ಳುವುದಿದ್ದರೆ ಯಾವುದನ್ನು ಆಯ್ಕೆ ಮಾಡಿಕೊಳ್ಳುತ್ತೀರಿ ಎಂದು ಕೇಳಿದಾ ಯೋಗ ಎಂದಿದ್ದರು. ನಿಮ್ಮ ಫೆವರೆಟ್ ಯೋಗ ಆಸನ ಯಾವುದು ಕೇಳಿದಾಗ ನಟಿ ಸುಖಾಸನ ಎಂದಿದ್ದರು.
ಅಂದಹಾಗೆ, ಅಷ್ಟಕ್ಕೂ ಎಲ್ಲರಿಗೂ ತಿಳಿದಿರುವಂತೆ, ನಟಿ ಶಿಲ್ಪಾ ಶೆಟ್ಟಿ ಪತಿ, ಉದ್ಯಮಿ ರಾಜ್ ಕುಂದ್ರಾ ಪೋರ್ನ್ ಕೇಸ್ನಲ್ಲಿ ಸಿಲುಕಿದ್ದು, ಅದರ ಪ್ರಕರಣ ಇನ್ನೂ ನಡೆಯುತ್ತಿದೆ. 2021ರಲ್ಲಿ ಶಿಲ್ಪಾ ಬಾಳಲ್ಲಿ ಬಿರುಗಾಳಿ ಬಂದಿತ್ತು. ಇವರ ಪತಿ, ರಾಜ್ ಕುಂದ್ರಾ ನೀಲಿ ಚಿತ್ರ (porn film) ಕೇಸ್ನಲ್ಲಿ ಸಿಲುಕಿ ಬಿದ್ದಿದ್ದರು. ನಟಿಯರನ್ನು ಮತ್ತು ಮಾಡೆಲ್ಗಳನ್ನು ಬಳಸಿಕೊಂಡು ರಾಜ್ ಕುಂದ್ರಾ ಅವರು ನೀಲಿ ಚಿತ್ರಗಳನ್ನು ತಯಾರಿಸುತ್ತಿದ್ದರು ಎಂಬುದಕ್ಕೆ ಪೊಲೀಸರು ಹಲವು ಸಾಕ್ಷ್ಯಗಳನ್ನು ಒದಗಿಸಿದ್ದರು. ಬ್ಲೂ ಫಿಲ್ಮ್ ಆರೋಪದ ಮೇಲೆ ಅವರು 63 ದಿನಗಳವರೆಗೆ ಜೈಲಿನಲ್ಲಿ ಇದ್ದರು. ನೀಲಿ ಚಿತ್ರಗಳ ನಿರ್ಮಾಣ ದಂಧೆಯಲ್ಲಿ ತೊಡಗಿದ್ದ ಆರೋಪವನ್ನು ಇಂದಿಗೂ ರಾಜ್ ಕುಂದ್ರಾ ಇಂದಿಗೂ ಎದುರಿಸುತ್ತಿದ್ದರು. ‘ನಾನು ಮಾಡಿದ್ದು ನೀಲಿ ಚಿತ್ರ ಅಲ್ಲ, ಕಾಮೋದ್ರೇಕದ ಸಿನಿಮಾ ಮಾತ್ರ’ ಎಂದು ರಾಜ್ ಕುಂದ್ರಾ ಹೇಳಿಕೆ ನೀಡಿದ್ದರು. ತಾವು ಬ್ಲೂಫಿಲ್ಮ್ ಮಾಡುವುದನ್ನು ಅವರು ಒಪ್ಪಿಕೊಂಡಿರಲಿಲ್ಲ. ಆದರೆ ಈ ಪ್ರಕರಣದಲ್ಲಿ ಹಲವು ನಟಿಯರ ಜೊತೆ ಖುದ್ದು ಶಿಲ್ಪಾ ಶೆಟ್ಟಿಯವರ (Shilpa Shetty) ಹೆಸರೂ ಥಳಕು ಹಾಕಿಕೊಂಡಿತ್ತು.
ಒಂದು ವರ್ಷ ಬೇರೆಯವರ ಮನೆಯಲ್ಲಿ ಮುಸುರೆ ತಿಕ್ಕುತ್ತಿದ್ದೆ: ಬಿಗ್ಬಾಸ್ನಲ್ಲಿ ಚೈತ್ರಾ ಕುಂದಾಪುರ ಕಣ್ಣೀರು