ಭೀಕರ ರಸ್ತೆ ಅಪಘಾತ, ಡಿವೈಡರ್‌ಗೆ ಕಾರು ಡಿಕ್ಕಿ; 'ಪೊನ್ನಿಯಿನ್ ಸೆಲ್ವನ್' ಗಾಯಕಿ ರಕ್ಷಿತಾ ಅದೃಷ್ಟವಶಾತ್ ಪಾರು

ದಕ್ಷಿಣ ಭಾರತದ ಖ್ಯಾತ ಹಿನ್ನಲೆ ಗಾಯಕಿ ರಕ್ಷಿತಾ ಸುರೇಶ್ ಕಾರು ಅಪಘಾತಕ್ಕೆ ಈಡಾಗಿದೆ. ಇಂದು ಬೆಳಗ್ಗೆ ( ಮೇ 7) ರಕ್ಷಿತಾ ಸುರೇಶ್ ಚಲಾಯಿಸುತ್ತಿದ್ದ ಕಾರು ರಸ್ತೆ ವಿಭಜಕಕ್ಕೆ ಡಿಕ್ಕಿ ಹೊಡೆದಿದೆ. ಅದೃಷ್ಟವಶಾತ್ ಗಾಯಕಿ ರಕ್ಷಿತಾ ಅಪಾಯದಿಂದ ಕಾರಾಗಿದ್ದಾರೆ. ಈ ಘಟನೆ  ಮಲೇಷಿಯಾದಲ್ಲಿ ನಡೆದಿದೆ. ಗಾಯಕಿ ರಕ್ಷಿತಾ ವಿಮಾನ ನಿಲ್ದಾಣಕ್ಕೆ ತೆರಳುತ್ತಿದ್ದಾಗ ಈ ಘಟನೆ ಸಂಭವಿಸಿದೆ. ಈ ಬಗ್ಗೆ ಸ್ವತಃ ರಕ್ಷಿತಾ ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗ ಪಡಿಸಿದ್ದು ಅದೃಷ್ಟವಶಾತ್ ಏನು ಆಗಿಲ್ಲ ಎಂದು ಹೇಳಿದ್ದಾರೆ. ಗಾಯಕಿ ರಕ್ಷಿತಾ ಎಆರ್ ರೆಹಮಾನ್ ಅವರೊಂದಿಗೆ ಪೊನ್ನಿಯಿನ್ ಸೆಲ್ವನ್ ಚಿತ್ರದಲ್ಲಿ ಹಾಡುವ ಮೂಲಕ ಮತ್ತಷ್ಟು ಖ್ಯಾತಿ ಗಳಿಸಿದ್ದರು. 

ಮಲೇಷ್ಯಾದಲ್ಲಿ ನಡೆದ ಅಪಘಾತದದ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ವಿವರಿಸಿದ್ದಾರೆ. 'ನನ್ನ ಸಂಪೂರ್ಣ ಜೀವನ ನನ್ನ ಕಣ್ಣು ಮುಂದೆ ಬಂದು ಹೋಯಿತು' ಎಂದು ಹೇಳಿದ್ದಾರೆ. ಇನ್ನೂ  ಏರ್‌ಬ್ಯಾಗ್‌ಗಳಿಂದಾಗಿ ಜೀವ ಉಳಿಯಿತು ಎಂದು ಬಹಿರಂಗ ಪಡಿಸಿದ್ದಾರೆ. ಈ ಬಗ್ಗೆ ರಕ್ಷಿತಾ ಸಾಾಜಿಕ ಜಾಲತಾಣದಲ್ಲಿ, 'ಇಂದು ದೊಡ್ಡ ಅಪಘಾತ ಸಂಭವಿಸಿದೆ. ನಾನು ವಿಮಾನ ನಿಲ್ದಾಣಕ್ಕೆ ಹೋಗುತ್ತಿದ್ದಾಗ ನಾನು ಪ್ರಯಾಣಿಸುತ್ತಿದ್ದ ಕಾರು ರಸ್ತೆಯ ಡಿವೈಡರ್‌ಗೆ ಡಿಕ್ಕಿ ಹೊಡೆಯಿತು. ಕಾರು ಜಖಂಗೊಂಡಿದೆ. ಇಂದು ಬೆಳಿಗ್ಗೆ ಮಲೇಷಿಯಾದಲ್ಲಿ 10 ಸೆಕೆಂಡುಗಳಲ್ಲಿ ನನ್ನ ಇಡೀ ಜೀವನ ನನ್ನ ಮುಂದೆ ಬಂದುಹೋಯಿತು' ಎಂದು ಹೇಳಿದ್ದಾರೆ. 

ವಿಜಯ್-ರಶ್ಮಿಕಾ ಮಂದಣ್ಣ 'ವಾರಿಸು' ಕಲೆಕ್ಷನ್ ಬ್ರೇಕ್ ಮಾಡಿದ 'ಪೊನ್ನಿಯಿನ್ ಸೆಲ್ವನ್-2': ಮೊದಲ ದಿನ ಭರ್ಜರಿ ಗಳಿಕೆ

ಗಾಯಕಿ ರಕ್ಷಿತಾ, 'ಏರ್‌ಬ್ಯಾಗ್‌ಗಳಿಗೆ ಧನ್ಯವಾದ, ಇಲ್ಲವಾಗಿದ್ದರೆ ಪರಿಸ್ಥಿತಿ ಕೆಟ್ಟದಾಗಿರುತ್ತಿತ್ತು.  ಆ ಘಟನೆ ನೆನೆದರೆ ಇನ್ನೂ ನಡುಕ ಬರುತ್ತದೆ. ಆದರೆ ನಾನು, ಚಾಲಕ ಮತ್ತು ಮುಂದಿನ ಸೀಟಿನಲ್ಲಿ ಕುಳಿತಿದ್ದ ಇತರ ಸಹ-ಪ್ರಯಾಣಿಕರು ಸುರಕ್ಷಿತವಾಗಿರುವುದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ. ಕೇವಲ ಸಣ್ಣ ಪುಟ್ಟ ಗಾಯಗಳಾಗಿದೆ. ನಾವು ಜೀವಂತವಾಗಿರುವುದಕ್ಕೆ ಅದೃಷ್ಟವಂತರು' ಎಂದು ಹೇಳಿದ್ದಾರೆ.

ರಕ್ಷಿತಾ ಸುರೇಶ್ ಬಗ್ಗೆ 

ರಕ್ಷಿತಾ ಸುರೇಶ್ ತಮಿಳು, ತೆಲುಗು ಮತ್ತು ಹಿಂದಿ ಚಿತ್ರರಂಗದಲ್ಲಿ ಖ್ಯಾತಿ ಗಳಿಸಿದ ಗಾಯಕಿ. ಲಿಟ್ಲ್ ಸ್ಟಾರ್ ಸಿಂಗರ್ 2009 ರ ವಿಜೇತರಾಗಿದ್ದಾರೆ.  ಸೂಪರ್ ಸಿಂಗರ್ 6 ರ ರಿಯಾಲಿಟಿ ಶೋನಲ್ಲಿ ಮೊದಲ ರನ್ನರ್ ಅಪ್ ಆಗಿದ್ದರು. ಅನೇಕ ಸಿನಿಮಾ ಗೀತೆಗಳಿಗೆ ಧ್ವನಿ ನೀಡಿದ್ದಾರೆ. ಹಿಂದಿಯ ಸೂಪರ್ ಹಿಟ್ ಮಿಮಿ, ಕೋಬ್ರಾ, ಪೊನ್ನಿಯಿನ್ ಸೆಲ್ವನ್ ಸೇರಿದಂತೆ ಅನೇಕ ಗೀತೆಗಳಿಕೆ ಧ್ವನಿ ನೀಡಿದ್ದಾರೆ.