☰
ಹಾಲಿವುಡ್‌ನಿಂದ ಕಾಪಿ ಹೊಡೆದ್ರೂ ಪರ್ವಾಗಿಲ್ಲ, ಆದರೆ ಬಾಂಗ್ಲಾದೇಶದಿಂದ ಕಾಪಿ ಮಾಡುವಷ್ಟು ಬಡವಾಯ್ತಾ ಬಾಲಿವುಡ್? ಈ ಪ್ರಶ್ನೆಯನ್ನು ಅಭಿಮಾನಿಗಳು ಕೇಳುತ್ತಿದ್ದರೆ. ಕಾರಣ ಸಲ್ಮಾನ್ ಖಾನ್ ರಶ್ಮಿಕಾ ಮಂದಣ್ಣ ಅಭಿನಯದ ಸಿಕಂದರ್ ಚಿತ್ರದ ಈ ಹಾಡು.
ಮುಂಬೈ(ಮಾ.22) ಸಲ್ಮಾನ್ ಖಾನ್ ರಶ್ಮಿಕಾ ಮಂದಣ್ಣ ಅಭಿನಯದ ಸಿಕಂದರ್ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಈದ್ ಹಬ್ಬಕ್ಕೆ ಸಿನಿಮಾ ಬಿಡುಗಡೆಯಾಗುತ್ತಿದೆ. ಈಗಾಲೇ ಚಿತ್ರದ ಟೇಲರ್, ಹಾಡುಗಳು ಬಿಡುಗಡೆಯಾಗಿದೆ. ಸತತ ಸೂಪರ್ ಹಿಟ್ ಚಿತ್ರ ನೀಡುತ್ತಿರುವ ರಶ್ಮಿಕಾ ಮಂದಣ್ಣ ಈ ಚಿತ್ರದ ನಾಯಕಿ. ಹೀಗಾಗಿ ಈ ಚಿತ್ರವೂ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯಲಿದೆ ಅನ್ನೋ ಲೆಕ್ಕಾಚಾರಗಳು ಹೆಚ್ಚಾಗುತ್ತಿದೆ. ಆದರೆ ಸಿಕಂದರ್ ಚಿತ್ರದ ಮೂಲಕ ಬಾಲಿವುಡ್ ಕೂಡ ಭಾರಿ ಟೀಕೆಗೆ ಗುರಿಯಾಗಿದೆ. ಕಾರಣ ಸಿಕಂದರ್ ಚಿತ್ರದ ಹಾಡು. ಹೌದು, ಇತ್ತೀಚೆಗೆ ಚಿತ್ರ ತಂಡ ಬಿಡುಗಡೆ ಮಾಡಿದ ಜೊಹರ ಝಬಿ ಹಾಡು ಭಾರಿ ವಿವಾದಕ್ಕೆ ಕುರಿಯಾಗಿದೆ. ಈ ಹಾಡಿನ ಮೂಲಕ ಬಾಲಿವುಡ್ ಮಾನ ಮೂರು ಕಾಸಿಗೆ ಹರಾಜಾಗಿದೆ.
ಮಾರ್ಚ್ 30 ರಂದು ಸಿಕಂದರ್ ಸಿನಿಮಾ ಬಿಡುಗಡೆಯಾಗುತ್ತಿದೆ. ಇದರ ಜೊಹರ ಝಬಿ ಹಾಡು ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಸಲ್ಮಾನ್ ಖಾನ್ ತಮ್ಮ ಸಿಗ್ನೇಚರ್ ಸ್ಟೆಪ್ಸ್ ಮೂಲಕ ಅಬ್ಬರಿಸಿದರೆ, ರಶ್ಮಿಕಾ ಮಂದಣ್ಣ ತಮ್ಮ ಡ್ಯಾನ್ಸ್ ಮೂಲಕ ಅಭಿಮಾನಿಗಳ ರಂಜಿಸುವ ಪ್ರಯತ್ನ ಮಾಡಿದ್ದಾರೆ. ಎ ಮುರುಗದಾಸ್ ನಿರ್ದೇಶನದ ಈ ಚಿತ್ರದ ಜೊಹರ ಝಬಿ ಹಾಡಿನ ಕುರಿತು ನೆಟ್ಟಿಗರು ಟೀಕಿಸಿದ್ದಾರೆ. ಬಾಂಗ್ಲಾದೇಶದ ಹಾಡನ್ನೇ ಕಾಪಿ ಮಾಡಿ ಬಾಲಿವುಡ್‌ನಲ್ಲಿ ಬಳಸಲಾಗಿದೆ ಅನ್ನೋ ಟೀಕೆಯನ್ನು ನೆಟ್ಟಿಗರು ಮಾಡಿದ್ದಾರೆ. ಇಷ್ಟೇ ಅಲ್ಲ ಬಾಂಗ್ಲಾದೇಶದ ಹಾಡು ಹಾಗೂ ಸಿಕಂದರ್ ಹಾಡಿನ ಎರಡೂ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿ ಟೀಕಿಸಿದ್ದಾರೆ.
ಸಲ್ಮಾನ್ ಖಾನ್ ಸಿಕಂದರ್ ರಿಮೇಕ್ ಸಿನೆಮಾವೇ? ದಕ್ಷಿಣದ ಚಿತ್ರದಿಂದ ಕಥೆ ಕದಿಯಲಾಗಿದೆಯೇ?
ಬಾಂಗ್ಲಾದೇಶ ಸಿನಿಮಾ ಹೀರೋ ಶಕೀಬ್ ಖಾನ್ ಅಭಿನಯದ ಚಿತ್ರ 2023ರಲ್ಲಿ ಬಿಡುಗಡೆಯಾಗಿದೆ. ಈ ಚಿತ್ರದ ಹಾಡನ್ನು ಯಥವತ್ತಾಗಿ ಸಿಕಂದರ್ ಸಿನಿಮಾದಲ್ಲಿ ಬಳಸಲಾಗಿದೆ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಟೀಕೆ ವ್ಯಕ್ತವಾಗಿದೆ. ಚಿತ್ರದ ಹಾಡು, ಸೀಕ್ವೆನ್ಸ್, ಹೀರೋ ಡ್ರೆಸ್ ಕೂಡ ಬದಲಿಸಲಿಲ್ಲ. ಯಥವಾತ್ತಾಗಿ ಕಾಪಿ ಮಾಡಲಾಗಿದೆ ಎಂದು ಹಲವರು ಆರೋಪಿಸಿದ್ದಾರೆ. ಡ್ಯಾನ್ಸ್ ಸ್ಟೆಪ್ಸ್, ಕಾಸ್ಚ್ಯೂಮ್, ಥೀಮ್, ಬ್ಯಾಕ್‌ಗ್ರೌಂಡ್ ಸೇರಿದಂತೆ ಎಲ್ಲವನ್ನೂ ಸಿಕಿಂದರ್ ಚಿತ್ರ ಕಾಪಿ ಮಾಡಿ ಬಳಸಿಕೊಂಡಿದೆ ಎಂದು ಟೀಕಿಸಿದ್ದಾರೆ.
Bangladeshi Hero Ka COPY Kar Leta Hun Kisiko Pata Nehi Chalega 😭🤣 pic.twitter.com/j5yjcT1Wc6
— ᴬᶰᶦᴿᴮᴬᴺ (@nirban__)
ಬಾಲಿವುಡ್ ಸಿನಿಮಾ ಪರಿಸ್ಥಿತಿ ಇದರಿಂದಲೇ ಗೊತ್ತಾಗುತ್ತಿದೆ ಎಂದು ಹಲವರು ಟೀಕಿಸಿದ್ದಾರೆ. ಬಾಲಿವುಡ್ ಮಂದಿಗೆ ಸ್ವಂತಿಕೆಯಿಲ್ಲ. ಕಾಪಿ ಮಾಡುವಾಗ ಕನಿಷ್ಠ ಹಾಲಿವುಡ್‌ನಿಂದ ಆದರೂ ಮಾಡಬಹುದಿತ್ತು. ಇದು ಬಾಂಗ್ಲಾದೇಶದಿಂದ ಕಾಪಿ ಮಾಡುವ ಪರಿಸ್ಥಿತಿ ಬಾಲಿವುಡ್‌ಗೆ ಬಂದಿದೆ ಎಂದರೆ ಊಹಿಸಲು ಸಾಧ್ಯವಾಗುತ್ತಿಲ್ಲ ಎಂದು ಹಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಒಂದಷ್ಟ ಮಂದಿ ಈ ಹಾಡು ಹಾಗೂ ಬಾಲಿವುಡ್ ಸಿನಿಮಾವನ್ನು ವ್ಯಂಗ್ಯವಾಡಿದ್ದಾರೆ. ಇಲ್ಲಿ ಬಾಂಗ್ಲಾದೇಶ ಹೀರೋ ಮಾಡುತ್ತಿರುವ ಡ್ಯಾನ್ಸ್ ಸ್ಟೆಪ್ಸ್ ಯಥವಾತ್ತಾಗಿ ಕಾಪಿ ಮಾಡಿಲ್ಲ, ಸಿಕಂದರ್ ಹೀರೋ ವಯಸ್ಸಿನ ಕಾರಣ, ಹೀಗಾಗಿ ವೀಕ್ಷಕರು ಕ್ಷಮಿಸಬೇಕು ಎಂದು ಕಮೆಂಟ್ ಮಾಡಿದ್ದಾರೆ. ಇದೇ ಕಾರಣದಿಂದ ಬಾಲಿವುಡ್ ಸಿನಿಮಾ ಸೋಲುತ್ತಿದೆ. ಇತ್ತೀಚೆಗೆ ಕೆಲ ಸಿನಿಮಾಗಳನ್ನು ಶ್ರಮವಹಿಸಿ ಸೂಪರ್ ಹಿಟ್ ಮಾಡಲಾಗಿದೆ. ಆದರೆ ಜನರು ಸ್ವಯಂಪ್ರೇರಿತವಾಗಿ ಅಥವಾ ಸಿನಿಮಾ ಉತ್ತಮವಾಗಿರುವ ಕಾರಣಕ್ಕೆ ಸೂಪರ್ ಹಿಟ್ ಆಗಿಲ್ಲ ಎಂದು ಟೀಕಿಸಿದ್ದಾರೆ.
ಬಾಲಿವುಡ್ ಮಂದಿಗೆ ಭಾರತದ ಯಾವುದೇ ಸಿನಿಮಾದಿಂದ ಕಾಪಿ ಮಾಡಲು ಸಾಧ್ಯವಿಲ್ಲ. ಇನ್ನು ಹಾಲಿವುಡ್, ಕೊರಿಯಾ ಸೇರಿದಂತೆ ಜನಪ್ರಿಯ ಸಿನಿಮಾ ಕ್ಷೇತ್ರದಿಂದಲೂ ಕಾಪಿ ಮಾಡಲು ಸಾಧ್ಯವಿಲ್ಲ. ಕಾರಣ ಈ ಎಲ್ಲಾ ಸಿನಿಮಾಗಳಿಗೆ ವಿಶ್ವದಾದ್ಯಂತ ಅಭಿಮಾನಿಗಳಿದ್ದಾರೆ. ಭಾರತೀಯರು ದಕ್ಷಿಣ ಭಾರತದ ಸಿನಿಮಾ, ಸೌತ್ ಕೊರಿಯಾ, ಹಾಲಿವುಡ್ ಸೇರಿದಂತೆ ಪ್ರಮುಖ ಕ್ಷೇತ್ರದ ಸಿನಿಮಾ ವೀಕ್ಷಿಸುತ್ತಾರೆ. ಇನ್ನುಳಿದಿರುವುದು ಬಾಂಗ್ಲಾದೇಶ ಹಾಗೂ ಪಾಕಿಸ್ತಾನ ಸಿನಿಮಾ ಮಾತ್ರ. ಹೀಗಾಗಿ ಬಾಲಿವುಡ್ ಈ ಎರಡು ಸಿನಿ ಕ್ಷೇತ್ರದಿಂದ ಕಾಪಿ ಮಾಡುತ್ತಿದೆ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ.
ಸಲ್ಮಾನ್ ಖಾನ್ ರ ಸಿಕಂದರ್ ರಿಲೀಸ್ ಡೇಟ್ ಕನ್ಫರ್ಮ್, ಯಾವಾಗ ರಿಲೀಸ್?
Sharam where ?
Bangladeshi film se chori karta hai 🤡 pic.twitter.com/AgDCdwxhjQ
