ಮದುವೆಗೆ ಮುನ್ನವೇ ಇದ್ದ ಸಂಬಂಧದ ಬಗ್ಗೆ ಕರೀನಾ ಓಪನ್​ ಮಾತು! ಆಗ್ಲೇ ನಡೆದ ಹನಿಮೂನ್​ ವಿಷ್ಯ ರಿವೀಲ್

ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಬಾಲಿವುಡ್‌ನ ಪ್ರಸಿದ್ಧ ಜೋಡಿ. ಸೈಫ್‌ಗೆ ಇದು ಎರಡನೇ ವಿವಾಹ. ಮದುವೆಗೂ ಮುನ್ನವೇ ಹನಿಮೂನ್ ಕುರಿತು ಕರೀನಾ ಹೇಳಿಕೆ ನೀಡಿದ್ದರು. ಐದು ವರ್ಷಗಳ ಲಿವ್-ಇನ್ ಸಂಬಂಧದ ನಂತರ ವಿವಾಹವಾದರು. ಸೈಫ್, ಕರೀನಾಗಿಂತ 10 ವರ್ಷ ದೊಡ್ಡವರು. ಈ ಹಿಂದೆ ಅಮೃತಾ ಸಿಂಗ್ ಅವರನ್ನು ವಿವಾಹವಾಗಿದ್ದರು, ಅವರಿಗೆ ಸೈಫ್ ಅವರಿಗಿಂತ 12 ವರ್ಷ ಹೆಚ್ಚು ವಯಸ್ಸಾಗಿತ್ತು. ಸೈಫ್‌ಗೆ ನಾಲ್ವರು ಮಕ್ಕಳಿದ್ದಾರೆ.

 ಬಾಲಿವುಡ್​ನ ಸದ್ಯದ ಯಶಸ್ವಿ ಜೋಡಿಗಳಲ್ಲಿ ಒಂದೆನಿಸಿದೆ ಸೈಫ್​ ಅಲಿ ಖಾನ್​ ಮತ್ತು ಕರೀನಾ ಕಪೂರ್​ ಅವರ ಜೋಡಿ.  ಎಲ್ಲರಿಗೂ ತಿಳಿದಿರುವಂತೆ ಇದು ಸೈಫ್​ ಅಲಿ ಅವರಿಗೆ ಎರಡನೆಯ ಮದುವೆ. ಅವರ ಮೊದಲ ಮದುವೆಯಾದದ್ದು ನಟಿ ಅಮೃತಾ ಸಿಂಗ್​ ಅವರ ಜೊತೆಗೆ. ತಮ್ಮ ಮೊದಲ ಮದುವೆಗೆ ಬಂದಿದ್ದ ಕರೀನಾ ಕಪೂರ್​ ಅವರನ್ನು ಮಗಳೇ ಎಂದು ಕರೆದಿದ್ದ ಸೈಫ್​ ಅಲಿ ನಂತರ ಆಕೆಯನ್ನೇ ಮದುವೆಯಾಗಿ ಟ್ರೋಲ್​ಗೂ ಒಳಗಾಗಿದ್ದಿದೆ. ಅದೇನೇ ಇದ್ದರೂ ಸದ್ಯ ಈ ದಂಪತಿಗೆ ಇಬ್ಬರು ಪುತ್ರರಿದ್ದಾರೆ. ಕೆಲವು ಖ್ಯಾತನಾಮ ನಟರಂತೆಯೇ ಸೈಫ್​ ಅಲಿ ಕೂಡ ಇಬ್ಬರೂ ಹಿಂದೂ ಯುವತಿಯರನ್ನು ಮದುವೆಯಾಗಿ ಸಕತ್​ ಸುದ್ದಿ ಮಾಡಿದವರು. ಸೈಫ್​ ಅಲಿ ಖಾನ್​ ಕರೀನಾರಿಗಿಂತಲೂ 10 ವರ್ಷ ದೊಡ್ಡವರು. 5 ವರ್ಷಗಳ ಕಾಲ ಲಿವ್-ಇನ್ (Live in relation) ಸಂಬಂಧದಲ್ಲಿದ್ದ ಈ ಜೋಡಿ ಕೊನೆಗೆ ಮದುವೆಯಾಗಿತ್ತು. ಅದಾಗಲೇ ಲವ್ ಜಿಹಾದ್ ಎಂಬ ಬಗ್ಗೆಯೂ ದೊಡ್ಡ ಮಟ್ಟದಲ್ಲಿ ಸುದ್ದಿಯೇ ಆಗಿಬಿಟ್ಟಿತ್ತು. 

ಇದೀಗ ಮದುವೆಗೂ ಮುನ್ನವೇ ನಡೆದಿದ್ದ ಹನಿಮೂನ್​ ಬಗ್ಗೆ ಕರೀನಾ ಕಪೂರ್ ಓಪನ್​ ಆಗಿಯೇ ಹೇಳಿದ್ದ ಹೇಳಿಕೆಗಳು ವೈರಲ್​ ಆಗಿವೆ. ಅಕ್ಟೋಬರ್ 2012 ರಲ್ಲಿ ತಮ್ಮ ವಿವಾಹಕ್ಕೆ ಸ್ವಲ್ಪ ಮೊದಲು ಬಾಲಿವುಡ್ ನಟಿ ಕರೀನಾ ಕಪೂರ್ ಒಮ್ಮೆ ಸೈಫ್ ಅಲಿ ಖಾನ್ ಅವರೊಂದಿಗಿನ ಸಂಬಂಧದ ಬಗ್ಗೆ ಮಾತನಾಡಿದ್ದರು. ಮದುವೆಯ ವದಂತಿಗಳ ಬಗ್ಗೆ ಕೇಳಿದಾಗ ಅವರು ಈಗಾಗಲೇ ಸೈಫ್ ಅವರನ್ನು ಮದುವೆಯಾಗಿರುವುದಾಗಿ ಹೇಳಿದ್ದರು. ಹಿಂದೂಸ್ತಾನ್ ಟೈಮ್ಸ್‌ಗೆ ನೀಡಿದ್ದ  ಸಂದರ್ಶನದಲ್ಲಿ, ಕರೀನಾ ವಿವಾಹದ ಬಗ್ಗೆ ಕೇಳಿದ್ದಾಗ, "ನಾನು ಈಗಾಗಲೇ ಸೈಫ್ ಅವರನ್ನು ಮದುವೆಯಾಗಿದ್ದೇನೆ! ನಾವು ಅದನ್ನು ಕಾಗದದ ಮೇಲೆ ಕಾನೂನುಬದ್ಧಗೊಳಿಸಬೇಕಾಗಿದೆ, ಮತ್ತು ನಾವು ಅದನ್ನು ಶೀಘ್ರದಲ್ಲೇ ಮಾಡುತ್ತಿದ್ದೇವೆ ಎಂದಿದ್ದರು.

ತಮ್ಮ ಹನಿಮೂನ್ ಯೋಜನೆಗಳ ಬಗ್ಗೆ ಕೇಳಿದಾಗ, ಕರೀನಾ ಅವರ ಆಗಾಗ್ಗೆ ರಜೆಗಳ ಬಗ್ಗೆ ಹಾಸ್ಯಮಯವಾಗಿ ಹೇಳುತ್ತಾ, "ನಾವು ಈಗಾಗಲೇ ನಾಳೆ ಇಲ್ಲ ಎಂಬಂತೆ ರಜಾದಿನಗಳಿಗೆ ಹೋಗುತ್ತೇವೆ. ಇದಾಗಲೇ 250ಕ್ಕೂ ಹೆಚ್ಚು ಬಾರಿ ಹನಿಮೂನ್​ ಆಗಿದೆ. ಮದುವೆಯಾದ ಮೇಲೆ ಮತ್ತೆ ಹನಿಮೂನ್​ ಶುರು ಎಂದಿದ್ದರು! ಇದೇ ವೇಳೆ ಅವರ ಐದು ವರ್ಷಗಳ ಲಿವ್​ ಇನ್​ ಸಂಬಂಧದ ಬಗ್ಗೆ ಬೆಳಕಿಗೆ ಬಂದಿತ್ತು. ಅದರ ಬಗ್ಗೆಯೂ ಹೇಳಿದ್ದ ನಟಿ, ನಾವು ನಮ್ಮ ಮನೆಯನ್ನು ಖರೀದಿಸಿದ್ದೇವೆ, ಒಟ್ಟಿಗೇ ನೆಲೆಸಿದ್ದೇವೆ ಎಂದೂ ಬಾಯಿ ಬಿಟ್ಟಿದ್ದರು.  

 ಅಂದಹಾಗೆ,  ನಟ ಸೈಫ್​ ಅಲಿ ಇದೀಗ ತಮಗಿಂತ 10 ವರ್ಷ ಚಿಕ್ಕವರಾಗಿರುವ ನಟಿ ಕರೀನಾರನ್ನು (Kareena Kapoor) ಮದುವೆಯಾಗಿದ್ದರೆ, ಅಮೃತಾ ಸಿಂಗ್​ ಅವರನ್ನು ಮದುವೆಯಾದಾಗ ಸೈಫ್ ಅವರಿಗೆ ವಯಸ್ಸು 21. ಆದರೆ ಅಮೃತಾ ಸಿಂಗ್‌ ಅವರಿಗೆ 32 ವರ್ಷ ವಯಸ್ಸಾಗಿತ್ತು!  ಎಲ್ಲರನ್ನೂ ಎದುರು ಹಾಕಿಕೊಂಡು 12 ವರ್ಷ ಹಿರಿಯ ನಟಿಯನ್ನು ಮದುವೆಯಾಗಿದ್ದರು ಎಂದೇ ಸುದ್ದಿಯಾಗಿತ್ತು. ಇದು ದೊಡ್ಡ ಮಟ್ಟದಲ್ಲಿ ಹಲ್​ಚಲ್​ ಸೃಷ್ಟಿಸಿತ್ತು. ನಂತರ ಸೈಫ್ ಅಲಿ ಖಾನ್ ಮತ್ತು ಅಮೃತಾ ಸಿಂಗ್ 13 ವರ್ಷಗಳ  ದಾಂಪತ್ಯದ  ನಂತರ ವಿಚ್ಛೇದನ ಪಡೆದರು. 2004ರಲ್ಲಿ ಸೈಫ್‌ ಹಾಗೂ ಅಮೃತಾ ತಮ್ಮ ಮದುವೆಯನ್ನು ಕೊನೆಗೊಳಿಸಲು ನಿರ್ಧರಿಸಿದಾಗ ಸಾರಾ 10 ಮತ್ತು ಇಬ್ರಾಹಿಂ 4 ವರ್ಷ ವಯಸ್ಸಿನವರಾಗಿದ್ದರು. ಇದೀಗ 53 ವರ್ಷದ ಸೈಫ್​ ಅಲಿ ಖಾನ್​ ಅವರಿಗೆ ಅಮೃತಾ ಸಿಂಗ್​ ಮತ್ತು ಕರೀನಾ ಕಪೂರ್​ ಈ ಇಬ್ಬರು  ಪತ್ನಿಯರಿಂದ ನಾಲ್ವರು ಮಕ್ಕಳಿದ್ದಾರೆ. ಅವರ ಹೆಸರು ಸಾರಾ ಅಲಿ ಖಾನ್​ (Sara Ali Khan), ಇಬ್ರಾಹಿಂ ಅಲಿ ಖಾನ್​, ತೈಮೂರು ಅಲಿ ಖಾನ್​ ಹಾಗೂ ಜೆಹ್​  ಅಲಿ ಖಾನ್​.