'ಎಮರ್ಜನ್ಸಿ' ಘೋಷಿಸಲು ಸಂಸದೆ ಕಂಗನಾ ರಣಾವತ್ ಸಜ್ಜು, ಹುಶಾರ್!

ಇಂದಿರಾ ಗಾಂಧಿಯವರ ಪಾತ್ರ ಮಾಡುವುದು ಸಾಮಾನ್ಯದ ಸಂಗತಿಯೇನೂ ಅಲ್ಲ. ಏಕೆಂದರೆ, ಮಾಜಿ ಪ್ರಧಾನಿ ರೋಲ್‌ನಲ್ಲಿ ನಟಿಸಿದಾಗ ಬಹಳಷ್ಟು ಸವಾಲುಗಳು ಎದುರಾಗುತ್ತವೆ. ಅವು ಮುಂದೆ ನಾನಾರೂಪ ಪಡೆದುಕೊಳ್ಳಬಹುದು. ಹೀಗಾಗಿ ಸ್ವತಃ ಕಂಗನಾ..

ಕಂಗನಾ ರಣಾವತ್ ನಟನೆಯ 'ಎಮರ್ಜನ್ಸಿ' ಚಿತ್ರಕ್ಕೆ ಪ್ರಮಾಣ ಪತ್ರ ನೀಡಿರುವ ಕುರಿತು ಸ್ವತಃ ನಟಿ ಕಂಗನಾ ರಣಾವತ್ (Kangana Ranaut)ಸೋಷಿಯಲ್ ಮೀಡಿಯಾಗಳಲ್ಲಿ ಮಾಹಿತಿ ನೀಡಿದ್ದಾರೆ. ನಮ್ಮ ಎಮರ್ಜನ್ಸಿ (Emergency) ಚಿತ್ರಕ್ಕೆ ಪ್ರಮಾಣಪತ್ರ ಸ್ವೀಕರಿಸಿದ್ದೇವೆ ಎಂದು ತಿಳಿಸಲು ಖುಷಿಯಾಗುತ್ತಿದೆ. ಶೀಘ್ರದಲ್ಲೇ ನಮ್ಮ ಚಿತ್ರದ ಬಿಡುಗಡೆ ದಿನಾಂಕವನ್ನು ಘೋಷಿಸಲಿದ್ದೇವೆ. ನಿಮ್ಮೆಲ್ಲರ ತಾಳ್ಮೆ ಮತ್ತು ಬೆಂಬಲಕ್ಕಾಗಿ ಧನ್ಯವಾದಗಳು' ಎಂದಿದ್ದಾರೆ 'ಎಮರ್ಜನ್ಸಿ' ಚಿತ್ರದ ನಾಯಕಿ ನಟಿ ಕಂಗನಾ ರಣಾವತ್. 

ಹೌದು, ಬಾಲಿವುಡ್ ನಟಿ ಹಾಗೂ ಹಾಲಿ ಸಂಸದೆ ಕಂಗನಾ ರಣಾವತ್ ನಟನೆಯ 'ಎಮರ್ಜೆನ್ಸಿ' ಚಿತ್ರಕ್ಕೆ ಕೇಂದ್ರೀಯ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ ಪ್ರಮಾಣಪತ್ರ ವಿತರಣೆ ಮಾಡಿದೆ. ಈ ಮೂಲಕ ಕಂಗನಾ ನಟನೆಯ ಸಿನಿಮಾಗಾಗಿ ಕಾಯುತ್ತಿದ್ದ ಫ್ಯಾನ್ಸ್ ಗುಡ್ ನ್ಯೂಸ್ ಸಿಕ್ಕಿದಂತಾಗಿದೆ. ಎಮರ್ಜನ್ಸಿ ಚಿತ್ರದಲ್ಲಿ ನಟಿ ಕಂಗನಾ ಅವರು ಭಾರತದ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ ಪಾತ್ರವನ್ನು ಮಾಡಿದ್ದಾರೆ. ಈ ಚಿತ್ರವು ಇಂದಿರಾ ಗಾಂಧಿಯವರ ಜೀವನ ಚರಿತ್ರೆಯ ಕೆಲವು ಘಟನೆಗಳನ್ನು ಆಧರಿಸಿದೆ ಎನ್ನಲಾಗಿದೆ. 

ಈ ಚಿತ್ರಕ್ಕಾಗಿ ನಟಿ ಕಂಗನಾ ರಣಾವತ್ ಅವರು ತಮ್ಮ ಹಾವ-ಭಾವ ಹಾಗೂ ಬಾಡಿ ಲಾಂಗ್ವೇಜ್‌ಅನ್ನು ಸಾಕಷ್ಟು ಬದಲಾಯಿಸಿಕೊಂಡಿದ್ದಾರಂತೆ. ಏಕೆಂದರೆ, ಹೇಳಿಕೇಳಿ ಇಂದಿರಾ ಗಾಂಧಿ ಭಾರತದ ಮಾಜಿ ಪ್ರಧಾನಿ. ಜೊತೆಗೆ, ಅವರು ಆ ಕಾಲದಲ್ಲಿ ಜಗತ್ತಿನಾದ್ಯಂತ ಜನಪ್ರಿಯತೆ ಪಡೆದಿದ್ದ ಮಹಿಳೆಯೂ ಆಗಿದ್ದರು. ತಮ್ಮ ಪವರ್ ಕಾರಣಕ್ಕೆ ಮಾತ್ರವಲ್ಲದೇ, ಮೇಕಪ್ ಹಾಗೂ ಉಡುಗೆ-ತೊಡುಗೆ ವಿಷಯದಲ್ಲಿಯೂ ಅವರನ್ನು ಹಲವರು ಮೆಚ್ಚಿಕೊಂಡಿದ್ದರು. 

ಹೀಗಾಗಿ, ಇಂದಿರಾ ಗಾಂಧಿಯವರ ಪಾತ್ರ ಮಾಡುವುದು ಸಾಮಾನ್ಯದ ಸಂಗತಿಯೇನೂ ಅಲ್ಲ. ಏಕೆಂದರೆ, ಮಾಜಿ ಪ್ರಧಾನಿ ರೋಲ್‌ನಲ್ಲಿ ನಟಿಸಿದಾಗ ಬಹಳಷ್ಟು ಸವಾಲುಗಳು ಎದುರಾಗುತ್ತವೆ. ಅವು ಮುಂದೆ ನಾನಾರೂಪ ಪಡೆದುಕೊಳ್ಳಬಹುದು. ಹೀಗಾಗಿ ಸ್ವತಃ ಕಂಗನಾ ಸೇರಿದಂತೆ, ಇಡೀ ಚಿತ್ರತಂಡ ಆ ಬಗ್ಗೆ ಬಹಳಷ್ಟು ಕಾಳಜಿ ವಹಿಸಿದೆಯಂತೆ. ಒಟ್ಟಿನಲ್ಲಿ, ಈಗ ಕಂಗನಾ ನಟನೆಯ ಎಮಜಘನ್ಸಿ ಚಿತ್ರವು ಸೆನ್ಸಾರ್ ಪ್ರಮಾಣಪತ್ರ ಪಡೆದು ಬಿಡುಗಡೆಗೆ ಸಜ್ಜಾಗುತ್ತಿದೆ. 

ಒಟ್ಟಿನಲ್ಲಿ, ಕಂಗನಾ ಅಭಿಮಾನಿಗಳು ಎಮರ್ಜನ್ಸಿ ಚಿತ್ರವನ್ನು ಸದ್ಯದಲ್ಲೆ ಕಣ್ತುಂಬಿಕೊಳ್ಳಬಹುದು. ಇದೀಗ ರಾಜಕೀಯಕ್ಕೆ ಕಾಲಿಟ್ಟಿರುವ ನಟಿ ಹಾಗೂ ಸಂಸದೆ (MP) ಕಂಗನಾ ಮುಂದೆ ಸಿನಿಮಾರಂಗದಲ್ಲಿ ಮುಂದುವರಿಯುತ್ತಾರೋ ಇಲ್ಲವೋ ಎಂಬ ಆತಂಕ ಅವರ ಅಭಿಮಾನಿಗಳಲ್ಲಿ ಇದ್ದೇ ಇದೆ. ಕಂಗನಾ ಅವರು ಚುನಾವಣೆಯಲ್ಲಿ ಗೆದ್ದ ಸಮಯದಲ್ಲಿ, ತಾವು ಒಪ್ಪಿಕೊಂಡಿರುವ ಎಲ್ಲಾ ಸಿನಿಮಾಗಳನ್ನೂ ಮುಗಿಸಿಕೊಡುವುದಾಗಿ ಹೇಳಿದ್ದರು. ಜೊತೆಗೆ, ಮುಂದೆ ಸಿನಿಮಾರಂಗವನ್ನು ತೊರೆಯುವುದಿಲ್ಲ ಎಂದು ಕೂಡ ಹೇಳಿದ್ದರು. ಆದರೆ, ಯೋಚನೆಯನ್ನು ಬದಯಾಯಿಸಬಹುದಲ್ಲ!