2023ರಲ್ಲಿ ಕೆಲವು ಸೂಪರ್ಹಿಟ್ ಚಿತ್ರಗಳು ಬಂದಿದ್ದರೆ, ಇನ್ನು ಕೆಲವು ಫ್ಲಾಪ್ ಚಿತ್ರ ಎನಿಸಿಕೊಂಡಿದೆ. ಅಷ್ಟಕ್ಕೂ ಆ ಚಿತ್ರಗಳು ಯಾವುವು?
2023 ರ ವರ್ಷವು ಭಾರತೀಯ ಚಲನಚಿತ್ರಗಳಿಗೆ, ವಿಶೇಷವಾಗಿ ಬಾಲಿವುಡ್ಗೆ ತುಂಬಾ ಒಳ್ಳೆಯದಾಗಿದೆ. ಕೋವಿಡ್ ನಂತರ, ತೆಲುಗು, ತಮಿಳು ಮತ್ತು ಕನ್ನಡ ಚಲನಚಿತ್ರೋದ್ಯಮದ ಪ್ರಾದೇಶಿಕ ಚಲನಚಿತ್ರಗಳು 2021 ಮತ್ತು 2022 ರಲ್ಲಿ ಬಾಕ್ಸ್ ಆಫೀಸ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿವೆ. ಆದರೆ ಮಕಾಡೆ ಮಲಗಿದ್ದ ಬಾಲಿವುಡ್ಗೆ 2023 ರಲ್ಲಿ ಜವಾನ್, ಪಠಾಣ್, ಅನಿಮಲ್, ಗದರ್ 2 ನಂತಹ ಬ್ಲಾಕ್‌ಬಸ್ಟರ್ ಚಿತ್ರಗಳು ಜೀವ ಕೊಟ್ಟವು. ಇದರ ಹೊರತಾಗಿಯೂ ಎಲ್ಲಾ ಹಿಂದಿ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡಿದವು ಎಂದು ಅರ್ಥವಲ್ಲ. ಸಾಕಷ್ಟು ವಿಫಲ ಚಿತ್ರಗಳೂ ಇದ್ದವು. ಇದೇ ಕಾರಣಕ್ಕೆ ಒಟ್ಟಾರೆಯಾಗಿ ಬಾಲಿವುಡ್ಗೆ ಹೇಳುವಷ್ಟು ಲಾಭ ಬರಲಿಲ್ಲ.
ಕುತೂಹಲದ ವಿಷಯ ಎಂದರೆ, ಕೆಲವು ಚಿತ್ರಗಳು ಎಷ್ಟರಮಟ್ಟಿಗೆ ಫ್ಲಾಪ್ ಆಗಿವೆ ಎಂದರೆ, ಈ ಪೈಕಿ ಒಂದು ಚಿತ್ರವು ಇಡೀ ದೇಶದಲ್ಲಿ ಕೇವಲ 50 ಟಿಕೆಟ್‌ಗಳನ್ನು ಮಾರಾಟ ಮಾಡಿದೆ. ಹೌದು. ಸಂಜೋಯ್ ಭಾರ್ಗವ ನಿರ್ದೇಶನದ ಪಂಚ್ ಕೃತಿ: ಫೈವ್ ಎಲಿಮೆಂಟ್ಸ್ ಕಳೆದ ಆಗಸ್ಟ್‌ನಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಬ್ರಿಜೇಂದ್ರ ಕಾಲಾ ಮತ್ತು ಇತರ ನಟರು ನಟಿಸಿರುವ ಈ ಚಿತ್ರವು ಗದರ್ 2 ಮತ್ತು OMG 2 ಈಗಾಗಲೇ ಭರ್ಜರಿ ವ್ಯಾಪಾರ ಮಾಡುತ್ತಿರುವ ಸಮಯದಲ್ಲಿ ಯಾವುದೇ ಅಬ್ಬರವಿಲ್ಲದೆ ತೆರೆಗೆ ಅಪ್ಪಳಿಸಿತು. ಈ ಚಿತ್ರದ ದುರಾದೃಷ್ಟ ಎಂದರೆ ಈ ಚಿತ್ರ ಬಿಡುಗಡೆಯಾದ ಬೆನ್ನಲ್ಲೇ ಶಾರುಖ್ ಖಾನ್ ಅವರ ಜವಾನ್ ಬಿಡುಗಡೆಯಾಯಿತು ಮತ್ತು ಚಿತ್ರಮಂದಿರಗಳನ್ನು ವಶಪಡಿಸಿಕೊಂಡಿತು. ಈ ಎರಡು ಬಿಡುಗಡೆಗಳ ನಡುವೆ, ಪಂಚ್ ಕೃತಿ ಪ್ರೇಕ್ಷಕರನ್ನು ಥಿಯೇಟರ್‌ ಸೆಳೆಯುವಲ್ಲಿ ವಿಫಲವಾಯಿತು. ಈ ಚಿತ್ರ 33 ಕೋಟಿ ರೂಪಾಯಿಗಳ ಬಜೆಟ್ನಲ್ಲಿ ತಯಾರು ಮಾಡಲಾಗಿತ್ತು.
ಮಗನೇ ಬೇಕಂತ ಹರಕೆ ಹೊತ್ತುಕೊಳ್ಳೋ ಅಮ್ಮಂದಿರೇ ಈ ಡೈಲಾಗ್ ಸ್ವಲ್ಪ ಕೇಳಿಬಿಡಿ ಅಂತಿದ್ದಾರೆ ಭಾಗ್ಯಲಕ್ಷ್ಮಿ ಫ್ಯಾನ್ಸ್!
ಬಾಲಿವುಡ್ ಹಂಗಾಮಾದ ಮಾಹಿತಿಯ ಪ್ರಕಾರ, ಪಂಚ್ ಕೃತಿ ತನ್ನ ಮೊದಲ ವಾರದಲ್ಲಿ ಕೇವಲ 10 ಸಾವಿರ ರೂಪಾಯಿ ಗಳಿಸಿತು. ನಂತರ ಅದನ್ನು ಚಿತ್ರಮಂದಿರಗಳಿಂದ ತೆಗೆದುಹಾಕಲಾಯಿತು. ವ್ಯಾಪಾರ ಮೂಲಗಳ ಪ್ರಕಾರ, ಸರಾಸರಿ ಟಿಕೆಟ್ ದರ ಸುಮಾರು 200 ರೂ.ಗಳನ್ನು ಪರಿಗಣಿಸಿದರೆ, ಚಿತ್ರದ ಸುಮಾರು 50 ಟಿಕೆಟ್‌ಗಳು ಮಾತ್ರ ಮಾರಾಟವಾಗಿವೆ. ಪಂಚ್ ಕೃತಿ 35 ಕೋಟಿ ರೂಪಾಯಿ ವ್ಯವಹಾರ ಮಾಡಿದೆ ಎಂದು ಚಿತ್ರ ನಿರ್ಮಾಪಕರು ಹೇಳಿಕೊಳ್ಳುತ್ತಾರೆ ಆದರೆ ಈ ಹಕ್ಕನ್ನು ಬೆಂಬಲಿಸುವ ಯಾವುದೇ ಡೇಟಾ ಇಲ್ಲ.
ಪಂಚ್ ಕೃತಿ ಮಾತ್ರ 2023 ರ ದೊಡ್ಡ ಫ್ಲಾಪ್ ಆಗಿರಲಿಲ್ಲ. ಅರ್ಜುನ್ ಕಪೂರ್ ಮತ್ತು ಭೂಮಿ ಪೆಡ್ನೇಕರ್ ಅಭಿನಯದ ಲೇಡಿ ಕಿಲ್ಲರ್ ಕೂಡ ಫ್ಲಾಪ್ ಚಿತ್ರಗಳ ಪಟ್ಟಿಗೆ ಸೇರಿದೆ. ಗಣಪತ್ (200 ಕೋಟಿ ರೂಪಾಯಿಗಳ ಬಜೆಟ್ನಲ್ಲಿ ತಯಾರಾದ ಈ ಚಿತ್ರ ಕೇವಲ 10 ಕೋಟಿ ಗಳಿಸಿದೆ) ಮತ್ತು ಆದಿಪುರುಷ್ (550 ಕೋಟಿ ರೂಪಾಯಿಗಳ ಬಜೆಟ್ನಲ್ಲಿ ತಯಾರಾದ ಚಿತ್ರ ವಿಶ್ವಾದ್ಯಂತ ಕೇವಲ 325 ಕೋಟಿ ರೂಪಾಯಿ ಗಳಿಸಿದೆ ) ವರ್ಷದ ಇತರ ದೊಡ್ಡ ಫ್ಲಾಪ್‌ಗಳು ಸೇರಿವೆ.
ಎದ್ದು ಬಂದು ಎದೆಗೆ ಒದೆಯೋದಾ? ಹೊಸ ವರ್ಷದ ಶುರುವಿನಲ್ಲಿಯೇ ಬಿಗ್ಬಾಸ್ನಲ್ಲಿ ಇದೆಂಥ ಕಿತ್ತಾಟ?