ನಾನು ಕೊಡಲು ಬಯಸುವ ವ್ಯಕ್ತಿ ಎಂದ್ರು ದೀಪಿಕಾ ಪಡುಕೋಣೆ; ಅರೆ, ಏನು ಕೊಡ್ತಾರಂತೆ ಅಂತಿದೀರಾ?

ನಟಿ ದೀಪಿಕಾ ತಮ್ಮ ಸಂದರ್ಶನಗಳಲ್ಲಿ ಇಂತಹ ಮಾತುಗಳನ್ನು ಆಗಾಗ ಹೇಳುತ್ತಲೇ ಇರುತ್ತಾರೆ. ತಮ್ಮ ಡಿಪ್ರೆಶನ್ ಖಾಯಿಲೆ ಬಗ್ಗೆ ಬಹಿರಂಗವಾಗಿ ಮೊದಲು ಮಾತನಾಡಿದ ನಟಿಯೇ ದೀಪಿಕಾ ಎನ್ನಬಹುದು. ಬಳಿಕ ಹಲವರು ಅವರನ್ನು ಫಾಲೋ ಮಾಡಿದ್ದಾರೆ ಎನ್ನಬಹುದು.

ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ (Deepika Padukone)ಸಂದರ್ಶನವೊಂದರಲ್ಲಿ ತಾವು ಎಂತಹ ವ್ಯಕ್ತಿ ಎಂಬುದನ್ನು ಹೇಳಿದ್ದಾರೆ. ನಿರೂಪಕಿ ಕೇಳಿದ ಪ್ರಶ್ನೆಗೆ ಉತ್ತರಿಸುತ್ತ ನಟಿ ದೀಪಿಕಾ 'ನಾನು ಗಿವಿಂಗ್ ಪರ್ಸನ್. ಅಂದರೆ, ನಾನು ಏನಾದರೂ ಕೊಡಲು ಇಷ್ಟಪಡುತ್ತೇನೆ. ಅದು ವ್ಯಕ್ತಿಗೆ ಇರಬಹುದು ಅಥವಾ ಸಮಾಜಕ್ಕೆ ಇರಬಹುದು. ನಾನು ಯಾವತ್ತೂ ಏನಾದ್ರೂ ಕೊಡಬೇಕು ಎಂದುಕೊಂಡು ಅದರಂತೆ ನಡೆಯುತ್ತೇನೆ. ನಾನು ಏನೇ ಕೊಟ್ಟರೂ ನೂರಕ್ಕೆ ನೂರು ಪರ್ಸೆಂಟ್ ಕೊಡುತ್ತೇನೆ' ಎಂದಿದ್ದಾರೆ. 

ಮುಂದುವರೆದು ಮಾತನಾಡಿರುವ ನಟಿ ದೀಪಿಕಾ 'ನಾನು ಕೊಟ್ಟಿರುವುದಕ್ಕೆ ಪ್ರತಿಯಾಗಿ ಏನನ್ನೂ ನಿರೀಕ್ಷಿಸುವುದಿಲ್ಲ. ಪಡೆದುಕೊಂಡವರು ಅದನ್ನು ಗೌರವಿಸಿದರೆ ಸಾಕು ಎಂಬುದು ನನ್ನ ಅಭಿಪ್ರಾಯ. ನಾವು ಏನನ್ನು ಕೊಡುತ್ತೇವೋ ಅವರ ಬಗ್ಗೆ ಸ್ವೀಕರಿಸಿದವರು ಗೌರವ ವ್ಯಕ್ತಪಡಿಸಬೇಕು ಎಂದು ನಾನು ಖಂಡಿತ ನಿರೀಕ್ಷಿಸುತ್ತೇನೆ. ತೆಗೆದುಕೊಂಡವರು ಕೊಟ್ಟವರನ್ನು ಪ್ರಶಂಸೆ ವ್ಯಕ್ತಪಡಿಸಬೇಕು  ಹಾಗೂ ಗೌರವಿಸಬೇಕು ಎಂಬುದು ನನ್ನ ಅನಿಸಿಕೆ. 

ನಟಿ ದೀಪಿಕಾ ತಮ್ಮ ಸಂದರ್ಶನಗಳಲ್ಲಿ ಇಂತಹ ಮಾತುಗಳನ್ನು ಆಗಾಗ ಹೇಳುತ್ತಲೇ ಇರುತ್ತಾರೆ. ತಮ್ಮ ಡಿಪ್ರೆಶನ್ ಖಾಯಿಲೆ ಬಗ್ಗೆ ಬಹಿರಂಗವಾಗಿ ಮೊದಲು ಮಾತನಾಡಿದ ನಟಿಯೇ ದೀಪಿಕಾ ಎನ್ನಬಹುದು. ಬಳಿಕ ಹಲವರು ಅವರನ್ನು ಫಾಲೋ ಮಾಡಿದ್ದಾರೆ ಎನ್ನಬಹುದು. ದೇಹದ ಖಾಯಿಲೆ ಬಗ್ಗೆ ಮಾತನಾಡುವ, ಅದನ್ನೊಂದು ಸೀಕ್ರೆಟ್ ಎನ್ನುವಂತೆ ನೋಡದ ನಾವು ಮನಸ್ಸಿನ ಖಾಯಿಲೆಗಳನ್ನು ಮಾತ್ರ ಯಾಕೆ ಸೀಕ್ರೆಟ್ ಆಗಿ ಇಡುತ್ತೇವೆ, ಇಡಬೇಕು ಎಂಬುದು ನನ್ನ ಪ್ರಶ್ನೆ. ಖಾಯಿಲೆ ದೇಹಕ್ಕೆ ಅಥವಾ ಮನಸ್ಸಿಗೆ ಯಾವುದಕ್ಕಾದರೂ ಬರಬಹುದು' ಎಂದಿದ್ದಾರೆ ನಟಿ ದೀಪಿಕಾ. 

ಅಂದಹಾಗೆ, ನಟಿ ದೀಪಿಕಾ ಪಡುಕೋಣೆ ಸದ್ಯ ಕೆಲವು ಸಿನಿಮಾ, ವೆಬ್ ಸಿರೀಸ್‌ಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಆದರೆ, ಮೊದಲಿಗಿಂತ ಹೆಚ್ಚು ಚೂಸಿಯಾಗಿರುವ ದೀಪಿಕಾ ಈಗ ತಮಗೆ ಓಕೆ ಅನ್ನಿಸಿದರೆ ಮಾತ್ರ ಪ್ರಾಜೆಕ್ಟ್ ಒಪ್ಪಿ ಸಹಿ ಮಾಡುತ್ತಾರೆ. ಸದ್ಯಕ್ಕೆ ದೀಪಿಕಾ ಪ್ರಗ್ನೆಂಟ್ ಎಂಬ ಸುದ್ದಿ ಹಬ್ಬಿದೆ. ಹೀಗಾಗಿ ಇನ್ನು ಸ್ವಲ್ಪ ಕಾಲ ದೀಪಿಕಾ ಪಡುಕೋಣೆ ಅಭಿಮಾನಿಗಳು ಅವರನ್ನು ತೆರೆಯ ಮೇಲೆ ನೋಡಲು ಕಾಯಬೇಕಾಗಬಹುದು.