ಸಿಲ್ಕ್‌ ಸ್ಮಿತಾ ಸಾವು ಕೊಲೆ, ಆತ್ಮಹತ್ಯೆಯಲ್ಲ ಎಂದವ್ರಿಗೂ ಕಗ್ಗಂಟು; ರೂಮಿನಲ್ಲಿ ನೋಡಬಾರದ ಸ್ಥಿತಿಯಲ್ಲಿ ಬಿದ್ದಿದ್ರಾ ನಟಿ!

ಸಿಲ್ಕ್‌ ಸ್ಮಿತಾರನ್ನು ಹತ್ತಿರದಿಂದ ಬಲ್ಲವರು ಹೇಳುವ ಪ್ರಕಾರ, ಆಕೆಗೆ ಹೊಟ್ಟೆತುಂಬಾ ಕುಡಿಸಿ ಏನು ಮಾಡಬೇಕಿತ್ತೋ ಅದನ್ನು ಮಾಡಿ ಬಳಿಕ ಆಕೆಯಿಂದ ಡೆತ್ ನೋಟ್ ಬರೆಸಿ, ಆತ್ಮಹತ್ಯೆಗೆ ಪ್ರಚೋದನೆ ಕೊಡಲಾಗಿದೆ. 

ನಟಿ ಸಿಲ್ಕ್‌ ಸ್ಮಿತಾ ಯಾರಿಗೆ ಗೊತ್ತಿಲ್ಲ? 80-90ರ ದಶಕದಲ್ಲಿ ತಮ್ಮ ಮಾದಕ ಮೈಮಾಟ ಪ್ರದರ್ಶನ, ಸೆಕ್ಸಿ ಲುಕ್ ಹಾಗೂ ಕ್ಯಾಬರೆ ಡಾನ್ಸ್‌ ಮೂಲಕ ಹದಿಹರೆಯದವರ ನಿದ್ದೆಗೆಡಿಸಿದ್ದ ನಟಿ. ಯಾವುದೇ ಸ್ಟಾರ್ ಅಥವಾ ಹೊಸಬರ ಚಿತ್ರವಿರಲಿ, ಊಟಕ್ಕೆ ಉಪ್ಪಿನಕಾಯಿ ಇರುತ್ತೆ ಎಂಬಂತೆ ಸಿಲ್ಕ್‌ ಸ್ಮಿತಾ ಎಲ್ಲಾ ಸಿನಿಮಾಗಳಲ್ಲೂ ಕಾಣಿಸಿಕೊಂಡಿದ್ದಾರೆ. ಆದರೆ, 1996ರಲ್ಲಿ ಸಿಲ್ಕ್‌ ಸ್ಮಿತಾ (Silk smitha)ಖ್ಯಾತಿಯ ನಟಿ ವಿಜಯಲಕ್ಷ್ಮೀ ಅಪಾರ್ಟ್‌ಮೆಂಟ್ ಒಂದರಲ್ಲಿ ನಿಗೂಢವಾಗಿ ಸಾವನ್ನಪ್ಪಿದ್ದಾರೆ. 

ಪೋಸ್ಟ್‌ ಮಾರ್ಟಂ ರಿಪೋರ್ಟ್‌ನಲ್ಲಿ ನಟಿ ಬಹಳಷ್ಟು ಆಲ್ಕೋಹಾಲ್ ಸೇವಿಸಿದ್ದಾಳೆ, ಅದರಂದಲೇ ಸಾವು ಸಂಭವಿಸಿರಬಹುದು ಎಂದಿದ್ದಾರಂತೆ. ಪೊಲೀಸರ ಪ್ರಕಾರ, ಆಕೆಯೇ ಡೆತ್‌ ನೋಟ್ ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎನ್ನಲಾಗಿದೆ. ಆದರೆ, ಸಿಲ್ಕ್‌ ಸ್ಮಿತಾರನ್ನು ಹತ್ತಿರದಿಂದ ಬಲ್ಲವರು ಹೇಳುವ ಪ್ರಕಾರ, ಆಕೆಗೆ ಹೊಟ್ಟೆತುಂಬಾ ಕುಡಿಸಿ ಏನು ಮಾಡಬೇಕಿತ್ತೋ ಅದನ್ನು ಮಾಡಿ ಬಳಿಕ ಆಕೆಯಿಂದ ಡೆತ್ ನೋಟ್ ಬರೆಸಿ, ಆತ್ಮಹತ್ಯೆಗೆ ಪ್ರಚೋದನೆ ಕೊಡಲಾಗಿದೆ. ಇದು ಪ್ಲಾನ್ಡ್‌ ಕೊಲೆ ಎಂದಿದ್ದಾರೆ. 

ಹಾಗಿದ್ದರೆ, ನಟಿ ಸಿಲ್ಕ್‌ ಸ್ಮಿತಾರದ್ದು ಕೊಲೆಯೇ ಅಥವಾ ಆತ್ಮಹತ್ಯೆಯೇ? ಯಾರೂ ಹೇಳಲು ಅಸಾಧ್ಯ. ಖುದ್ದು ನಟಿ ಸಿಲ್ಕ್‌ ಸ್ಮಿತಾ ಅವರೇ ಮತ್ತೆ ವಾಪಸ್ ಭೂಮಿಗೆ ಬಂದು ಹೇಳಬೇಕಷ್ಟೇ. ಎಕೆಂದರೆ, ಆತ್ಮಹತ್ಯೆ ಎಂದೇ ಕೇಸ್ ಕ್ಲೋಸ್ ಆದಮೇಲೆ ಇನ್ನೇನು ಮಾಡಲು ಸಾಧ್ಯ ಎನ್ನುತ್ತಿದ್ದಾರೆ ಅವರ ಸಂಬಂಧಿಕರು. ಅದೇನೇ ಇದ್ದರೂ ನಟಿ ಜೀವಿಸಿದ್ದಷ್ಟು ಕಾಲ ಜನರನ್ನು ಸೂಜಿಗಲ್ಲಿನಂತೆ ಸೆಳೆದು ತಮ್ಮ ಲುಕ್, ಮೈಮಾಟ ಹಾಗೂ ಡಾನ್ಸ್ ಮೂಲಕ ಭರಪೂರ ಮನರಂಜನೆಯನ್ನಂತೂ ನೀಡಿದ್ದಾರೆ. 

ನಟಿ ಹಾಗು ಡಾನ್ಸರ್ ಸಿಲ್ಕ್‌ ಸ್ಮಿತಾ ಬಗ್ಗೆ ಒಂದು ಮಾತಿದೆ. ವೇದಿಕೆಗಳಲ್ಲಿ ಆಕೆ ಒಮ್ಮೆ ಕುಣಿದು ಹೋದರೂ ಮತ್ತೆ ಮತ್ತೆ ನೋಡಬೇಕು ಎಂದು ಜನರು ಆಯೋಜಕರಿಗೆ ದುಂಬಾಲು ಬೀಳುತ್ತಿದ್ದರಂತೆ. ಸಿನಿಮಾದಲ್ಲೂ ಅಷ್ಟೇ, ಸಿಲ್ಕ್‌ಗಾಗಿ ಒಂದು ಕ್ಯಾಬರೆ ಡಾನ್ಸ್ ಮೀಸಲಿಡುತ್ತಿದ್ದರಂತೆ. ಆಕೆಯ ಡಾನ್ಸ್‌ಗೆ ಜನರನ್ನು ಥಿಯೇಟರ್‌ಗೆ ಕರೆಸುವ ಶಕ್ತಿಯಿದೆ ಎಂದೇ ಅಂದಿನ ನಿರ್ಮಾಪಕರು ಮತ್ತು ನಿರ್ದೇಶಕರು ಮಾತನಾಡಿಕೊಳ್ಳುತಿದ್ದರು ಎಂಬುದು ಗುಟ್ಟಾಗಿಯೇನೀ ಇರಲಿಲ್ಲ. ಒಟ್ಟಿನಲ್ಲಿ, ಸಿಲ್ಕ್‌ ಸ್ಮಿತಾ ಖ್ಯಾತಿಯ ನಟಿ ವಿಜಯಲಕ್ಷ್ಮೀ ನಮ್ಮಿಂದ ಬಹುಬೇಗ ಮರೆಯಾದರು.