ಮಹಿಳಾ ಸುರಕ್ಷತೆ ಬಗ್ಗೆ ದ್ವನಿಯೆತ್ತಿದ ಐಶ್ ಮಗಳು ಆರಾಧ್ಯ!

ಬಚ್ಚನ್ ಕುಟುಂಬದ ಕುಡಿ ಆರಾಧ್ಯ ಬಚ್ಚನ್ ಮಹಿಳಾ ಸುರಕ್ಷತೆ ಬಗ್ಗೆ ಧ್ವನಿ ಎತ್ತಿದ್ದಾಳೆ. ಶಾಲಾ ವಾರ್ಷಿಕೋತ್ಸವದಲ್ಲಿ ಹೆಣ್ಣುಮಕ್ಕಳ ಬಗ್ಗೆ ಮಾತನಾಡಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. 

ಐಶ್ವರ್ಯ ರೈ- ಅಭಿಷೇಕ್ ಬಚ್ಚನ್ ಮಗಳು ಆರಾಧ್ಯ ಸೋಷಿಯಲ್ ಮೀಡಿಯಾ ಫೇವರೇಟ್ ಕಿಡ್. ಆಗಾಗ ಏನದರೂ ಮಾಡುತ್ತಾ ಗಮನ ಸೆಳೆಯುತ್ತಾಳೆ. ಇದೀಗ ಈ ಪುಟಾಣಿಯ ವಿಡಿಯೊವೊಂದು ಟ್ರೆಂಡ್ ಆಗುತ್ತಿದೆ. 

ಆರಾಧ್ಯ ಶಾಲಾ ವಾರ್ಷಿಕೋತ್ಸವದಲ್ಲಿ ಸೀರೆಯುಟ್ಟು ಮಹಿಳಾ ಸಬಲೀಕರಣದ ಬಗ್ಗೆ ಮಾತನಾಡಿದ್ದಾಳೆ. ಹೆಣ್ಣು ಮಕ್ಕಳನ್ನು ಗೌರವಿಸಲ್ಪಡುವ, ಸುರಕ್ಷಿತವಾಗಿರುವ ಜಗತ್ತು ನಿರ್ಮಾಣವಾಗಬೇಕು ಎಂದು ಹೇಳಿದ್ದಾಳೆ. 'ನಾನು ಹೆಣ್ಣು. ನಾನು ಸುರಕ್ಷಿತವಾಗಿರುವ ಜಗತ್ತಿನ ಬಗ್ಗೆ ಜಾಗೃತಳಾಗಿರುತ್ತೇನೆ. ಆ ಜಗತ್ತಿನಲ್ಲಿ ನಾನು ಸೇಫ್ ಆಗಿರಬೇಕು. ಗೌರವಿಸಲ್ಪಡಬೇಕು. ನನ್ನ ಧ್ವನಿ ಸೈಲೆಂಟ್ ಆಗಿರದೇ ಬೇರಯವರಿಗೆ ಅರ್ಥವಾಗುವಂತಿರಬೇಕು. ಮಾನವೀಯತೆ ತುಂಬಿರಬೇಕು' ಎಂದು ಹೇಳಿದ್ದಾರೆ. ಆರಾಧ್ಯಳ ಮಾತಿನಲ್ಲಿರುವ ಆತ್ಮವಿಶ್ವಾಸ, ದಿಟ್ಟತನ ನೋಡಿದರೆ ಶಹಬ್ಬಾಸ್ ಎನಿಸುತ್ತದೆ. 

ಈ ಕಾರ್ಯಕ್ರಮದಲ್ಲಿ ಐಶ್ವರ್ಯ, ಅಭಿಷೇಕ್ ಜೊತೆ ಶಾರೂಕ್ ಖಾನ್, ಹೃತಿಕ್ ರೋಷನ್, ರವೀನಾ ಟಂಡನ್ ಭಾಗಿಯಾಗಿದ್ದರು. ಆರಾಧ್ಯ ಮಾತನ್ನು ಕೇಳಿ ಅಲ್ಲಿದ್ದವರು ಕರತಾಡನ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದರು. 

ಐಶ್ವರ್ಯಾ ರೈ ಮಣಿರತ್ನಂ ಅವರ 'ಪೊನ್ನಿಯಿನ್ ಸೆಲ್ವಾನ್' ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.