Aamir Khan: ಶಾರುಖ್ ಖಾನ್ ನನ್ನ ಬೂಟು ನೆಕ್ಕಿದ್ದ, ನಮ್ಮನೆ ನಾಯಿಗೆ ಅವನ ಹೆಸ್ರು ಇಟ್ಟೆ: ಆಮೀರ್ ಖಾನ್ ಶಾಕಿಂಗ್ ಹೇಳಿಕೆ
ಸಾರಾಂಶ
ಶಾರುಖ್ ಖಾನ್ ನನ್ನ ಬೂಟು ನೆಕ್ಕುತ್ತಿದ್ದಾನೆ, ನಮ್ಮನು ನಾಯಿಗೆ ಅವನು ಹೆಸ್ರು ಇಟ್ಟಿದ್ದೆ ಎನ್ನುವ ಶಾಕಿಂಗ್ ಹೇಳಿಕೆ ಕೊಟ್ಟಿದ್ದಾರೆ ನಟ ಆಮೀರ್ ಖಾನ್. ಅಷ್ಟಕ್ಕೂ ಆಗಿದ್ದೇನು?
ಬಾಲಿವುಡ್ ಖಾನ್ ತ್ರಯರಾದ ಶಾರುಖ್, ಆಮೀರ್ ಮತ್ತು ಸಲ್ಮಾನ್ ಚಿತ್ರರಂಗವನ್ನು ಬಹಳ ವರ್ಷಗಳಿಂದ ಆಳುತ್ತಲೇ ಬಂದಿದ್ದು, ಅವರು ಆತ್ಮೀಯರು ಹೌದು. ಅದು ಇಂದಿನ ಮಾತಾಯ್ತು. ಆದರೆ ಹಿಂದೊಮ್ಮೆ ಹಾಗೆ ಇರಲಿಲ್ಲ. ಶಾರುಖ್ ಮತ್ತು ಆಮೀರ್ ನಡುವೆ ಒಂದು ಸಮಯದಲ್ಲಿ ಭಾರಿ ದ್ವೇಷ ಉಂಟಾಗಿತ್ತು. ಅಷ್ಟಕ್ಕೂ ಸದ್ಯ ಆಮೀರ್ ಖಾನ್ ತಮ್ಮ 'ಸೀತಾರೆ ಜಮೀನ್ ಪರ್' ಚಿತ್ರದ ಬಗ್ಗೆ ಸಾಕಷ್ಟು ಚರ್ಚೆಯಲ್ಲಿದ್ದಾರೆ. ಈ ಚಿತ್ರವನ್ನು ಅಭಿಮಾನಿಗಳು ತುಂಬಾ ಇಷ್ಟಪಡುತ್ತಿದ್ದಾರೆ. ಈ ಚಿತ್ರದ ಜೊತೆಗೆ, ಆಮೀರ್ ಖಾನ್ ಅವರ ಸಂದರ್ಶನವೊಂದು ವೈರಲ್ ಆಗುತ್ತಿದೆ. ಈ ಸಂದರ್ಶನದಲ್ಲಿ, ನಟ ತಮ್ಮ ಜೀವನದ ವಿವಿಧ ವಿಷಯಗಳ ಬಗ್ಗೆ ಮಾತನಾಡಿದ್ದು, ಆ ಸಮಯದಲ್ಲಿ ಶಾರುಖ್ ಜೊತೆ ಕೋಪದಿಂದ ತಾವು ಮಾಡಿದ್ದೇನು ಎನ್ನುವುದನ್ನು ಹೇಳಿದ್ದಾರೆ.
ದಿ ಲಲ್ಲಂಟಾಪ್ಗೆ ನೀಡಿದ ಸಂದರ್ಶನದಲ್ಲಿ ತಮ್ಮ ಸಾಕು ನಾಯಿಗೆ ಶಾರುಖ್ ಖಾನ್ ಎಂದು ಹೆಸರಿಸುವ ಸುದ್ದಿಯ ಬಗ್ಗೆ ಆಮೀರ್ ಹೇಳಿದ್ದಾರೆ. ಅದು ಬಾಲ್ಯದ ಅವಧಿಯಲ್ಲಿ ಇಬ್ಬರು ಜಗಳವಾಡಿಕೊಂಡ್ವಿ. ಆ ಕಾರಣಕ್ಕೆ ಸಿಟ್ಟಿನಿಂದ ನಮ್ಮನೆ ನಾಯಿಗೆ ಶಾರುಖ್ ಎಂದು ಹೆಸರು ಇಟ್ಟಿದ್ದೆ ಎಂದಿದ್ದಾರೆ. ಶಾರುಖ್ ಮತ್ತು ನಾನು ಪರಸ್ಪರ ಬಹಳಷ್ಟು ವಿಷಯಗಳನ್ನು ಹೇಳಿಕೊಳ್ಳುತ್ತಿದ್ದ ಸಮಯವಿತ್ತು. ಆದರೆ, ಅದೊಮ್ಮೆ ಏನೋ ಆಗಿ ಜಗಳವಾಗಿತ್ತು. ಆಗ ಹೀಗೆ ಮಾಡಿದ್ದೆ ಎಂದಿದ್ದಾರೆ. ! ಈ ವಿಷಯ ಸಿಕ್ಕಾಪಟ್ಟೆ ವಿವಾದಕ್ಕೆ ಕಾರಣ ಆಗಿತ್ತು. ಆಮೀರ್ ಖಾನ್ ಅವರ ಈ ವರ್ತನೆಯಿಂದ ಶಾರುಖ್ ಖಾನ್ ಅವರ ಅಭಿಮಾನಿಗಳಿಗೆ ಮತ್ತು ಆಪ್ತರಿಗೆ ತುಂಬಾ ನೋವಾಗಿತ್ತು. ಆ ಸಮಯದಲ್ಲಿ ಆಮೀರ್ ಖಾನ್ ಮತ್ತು ಶಾರುಖ್ ಖಾನ್ ನಡುವೆ ಮುನಿಸು ಸೃಷ್ಟಿ ಆಗಿತ್ತು ಎಂದೂ ಹೇಳಿದ್ದಾರೆ.
2010ರ ಸಮಯದಲ್ಲಿ ಆಮೀರ್ ಖಾನ್ ಅವರು ಬ್ಲಾಗ್ ಬರೆಯುತ್ತಿದ್ದರು. ‘ಶಾರುಖ್ ನನ್ನ ಕಾಲು ನೆಕ್ಕುತ್ತಿದ್ದಾನೆ. ನಾನು ಅವನಿಗೆ ಬಿಸ್ಕೆಟ್ ತಿನಿಸುತ್ತಿದ್ದೇನೆ. ಇದಕ್ಕಿಂತ ಇನ್ನೇನು ಬೇಕು ನನಗೆ’ ಎಂದು ಆಮೀರ್ ಖಾನ್ ಬರೆದುಕೊಂಡಿದ್ದರು. ಇದು ಭಾರಿ ವಿವಾದ ಸೃಷ್ಟಿಸಿತ್ತು. ಇಂಥ ವರ್ತನೆ ತೋರಿಸಿದಕ್ಕೆ ಅನೇಕರು ಅವರನ್ನು ಟೀಕೆ ಮಾಡಿದ್ದರು. ಬಳಿಕ ಆಮೀರ್ ಖಾನ್ಗೆ ತಮ್ಮ ತಪ್ಪಿನ ಅರಿವಾಗಿತ್ತು. ಇದರ ಬಗ್ಗೆಯೂ ನಟ ಉಲ್ಲೇಖಿಸಿದ್ದಾರೆ.
ನಂತರ ಈ ಕುರಿತು ‘ಆಪ್ ಕಿ ಅದಾಲತ್’ ಕಾರ್ಯಕ್ರಮದಲ್ಲಿ ಆಮೀರ್ ಖಾನ್ ಅವರು ಮಾತನಾಡಿದರು. ಆಮೀರ್ ತಮ್ಮ ನಾಯಿಯನ್ನು ಬೇರೆಯವರಿಂದ ಖರೀದಿಸಿದ್ದರು. ಆ ಮಾಲಿಕರು ನಾಯಿಗೆ ಆ ರೀತಿ ಹೆಸರು ಇಟ್ಟಿದ್ದರು. ಈ ಎಲ್ಲ ಘಟನೆಯನ್ನು ಅವರು ತಮಾಷೆಯಾಗಿ ವಿವರಿಸಿದ್ದರು ಕೂಡ ಅಭಿಮಾನಿಗಳು ಗರಂ ಆಗಿದ್ದರು. ಆದ್ದರಿಂದ ಆಮೀರ್ ಖಾನ್ ಅವರು ಶಾರುಖ್ ಖಾನ್ ಅವರನ್ನು ಭೇಟಿ ಮಾಡಿ ಕ್ಷಮೆ ಕೇಳಿದ್ದರು. ಅಲ್ಲದೇ ಶಾರುಖ್ ಮಕ್ಕಳಾದ ಆರ್ಯನ್ ಖಾನ್ ಹಾಗೂ ಸುಹಾನಾ ಖಾನ್ ಬಳಿಯೂ ಕ್ಷಮೆ ಕೇಳಿದ್ದರು.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.