ಸ್ಯಾಮ್‌ಸಂಗ್‌ನಿಂದ ಅತೀ ತಳ್ಳಗಿನ ಸುದೀರ್ಘ ಬಾಳಿಕೆಯ ಫೋಲ್ಡೆಬಲ್ ಫೋನ್
ಟೆಕ್ ದೈತ್ಯ ಸ್ಯಾಮ್ಸಂಗ್ ಎಲೆಕ್ಟ್ರಾನಿಕ್ಸ್ ಇದೀಗ ಹೊಸ ಫೋಲ್ಡೇಬಲ್ ಫೋನ್ ಬಿಡುಗಡೆ ಮಾಡುತ್ತಿದೆ. ಹೊಸ ಫೋನ್ ಅತೀ ತೆಳ್ಳಗೆ, ಅತ್ಯಂತ ಹಗುರು ಮಾತ್ರವಲ್ಲ, ಸುದೀರ್ಘ ಬಾಳಿಕೆ ಫೋನ್ ಎಂದು ಕಂಪನಿ ಹೇಳಿದೆ. ಏನಿದರ ವಿಶೇಷತೆ
- FB
- TW
- Linkdin
ಸ್ಯಾಮ್ಸಂಗ್ ತನ್ನ ಗ್ಯಾಲಕ್ಸಿ ಸರಣಿಯ ಹೊಸ ಮತ್ತು ಅತ್ಯುತ್ತಮ ಮಾಡೆಲ್ ಆಗಿರುವ ಫೋಲ್ಡೇಬಲ್ ಫೋನ್ ಬಿಡುಗಡೆ ಮಾಡಲು ಸಜ್ಜಾಗಿದೆ. ಏಳನೇ ಜನರೇಷನ್ ನ ಫೋಲ್ಡೆಬಲ್ ಸ್ಮಾರ್ಟ್ ಫೋನ್ ಗಳು ಈ ಹಿಂದಿನ ಮಾದರಿಗಳಿಗಿಂತ ಅತಿ ತೆಳ್ಳಗೆ, ಹಗುರವಾಗಿ ಮತ್ತು ದೀರ್ಘ ಬಾಳಿಕೆ ಬರಲಿದೆ. 2019ರಲ್ಲಿ ಮೊದಲ ಬಾರಿಗೆ ಗ್ಯಾಲಕ್ಸಿ ಝಡ್ ಫೋಲ್ಡ್ ಫೋನ್ ಪರಿಚಯಿಸಿತು. ಆ ಮೂಲಕ ಸ್ಯಾಮ್ ಸಂಗ್ ಕಂಪನಿಯು ಗ್ರಾಹಕರಿಗೆ ಹೊಸ ಫೋಲ್ಡಿಂಗ್ ಸ್ಮಾರ್ಟ್‌ಫೋನ್ ವಿಭಾಗವನ್ನು ಪರಿಚಯಿಸಿತ್ತು. ಆದರೆ, ಈ ವಿಭಾಗವು ಹೆಚ್ಚಿನ ಬೆಲೆ ಮತ್ತು ಫೋಲ್ಡಬಲ್ ಡಿವೈಸ್‌ ಗಳ ಬಾಳಿಕೆಯಿಂದ ಹಲವು ಸವಾಲು ಎದರಿಸಿತ್ತು. ಇದಕ್ಕೆ ಉತ್ತರವಾಗಿ ಇದೀಗ ದೀರ್ಘ ಬಾಳಿಕೆಯ, ತೆಳ್ಳಿಗನ ಫೋಲ್ಡೇಬಲ್ ಫೋನ್ ಬಿಡುಗಡೆ ಮಾಡುತ್ತಿದೆ.
ಸ್ಯಾಮ್ಸಂಗ್ ಸಂಸ್ಥೆಯು ಕ್ಯಾಮೆರಾ ವಿಭಾಗದಲ್ಲಿಯೋ ಹೊಸ ಸಂಶೋಧನೆಗಳನ್ನು ಮಾಡಿದ್ದು, ಹೊಸ ಫೋಲ್ಡಬಲ್ ಡಿವೈಸ್‌ ಗಳು ಹೆಚ್ಚು ಶಕ್ತಿಶಾಲಿಯಾಗಿರುತ್ತವೆ ಮತ್ತು ಆಕರ್ಷಕ ಕ್ಯಾಮೆರಾ ವ್ಯವಸ್ಥೆಯನ್ನು ಹೊಂದಿರುತ್ತವೆ ಎಂದು ಕಂಪನಿ ತಿಳಿಸಿದೆ. ಸ್ಯಾಮ್ಸಂಗ್ ನ ಇತ್ತೀಚಿನ ಮಾಹಿತಿಗಳ ಪ್ರಕಾರ, ಕಂಪನಿಯು ಗ್ಯಾಲಕ್ಸಿ ಎಸ್25 ಸರಣಿಯ ಆಲ್ಟ್ರಾ ಕ್ಯಾಮೆರಾ ಅನುಭವವನ್ನು ಹೊಸ ಗ್ಯಾಲಕ್ಸಿ ಝಡ್ ಫೋಲ್ಡ್7ನಲ್ಲಿ ಒದಗಿಸಲಿದೆ.
ಇದರರ್ಥ, ಗ್ಯಾಲಕ್ಸಿ ಫೋಲ್ಡ್ ಸರಣಿಯು ತನ್ನ ಮೊದಲ ಫ್ಲ್ಯಾಗ್‌ಶಿಪ್ ಕ್ಯಾಮೆರಾವನ್ನು ಪಡೆಯಬಹುದಾಗಿದೆ. ಇದು ಫೋಲ್ಡಬಲ್ ಫೋನ್‌ಗಳನ್ನು ಬಳಸುವ ಆಲೋಚನೆ ಹೊಂದಿರುವ ಗ್ರಾಹಕರಿಗೆ ಕ್ಯಾಮೆರಾದ ಬಗ್ಗೆ ಇದ್ದ ದೊಡ್ಡ ಆಕ್ಷೇಪವನ್ನು ತೊಡೆದುಹಾಕಲಿದೆ. ಇದರ ಬೆಲೆ ಬಹಿರಂಗವಾಗಿಲ್ಲ. ಶೀಘ್ರದಲ್ಲೇ ಬೆಲೆ ಹಾಗೂ ಬಿಡುಗಡೆ ದಿನಾಂಕ ಬಹಿರಂಗವಾಗಲಿದೆ.
ಸ್ಯಾಮ್ಸಂಗ್ ತನ್ನ ಗ್ಯಾಲಕ್ಸಿ ಎಐ ಮೂಲಕ ಹೆಚ್ಚಿನ ಎಐ ಫೀಚರ್ ಗಳನ್ನು ಒದಗಿಸುವ ತನ್ನ ಕಾರ್ಯತಂತ್ರವನ್ನು ಮುಂದುವರಿಸುವ ಸಾಧ್ಯತೆಯಿದೆ. ಜನರು ಫೋನ್ ಗಳ ಜೊತೆ ಸಂವಹನ ನಡೆಸುವ ರೀತಿಯನ್ನು ಈ ಫೀಚರ್ ಗಳು ಬದಲಿಸಲಿವೆ ಎಂದು ಕಂಪನಿಯು ಹೇಳಿದೆ. ಕಂಪನಿಯು ಒದಗಿಸುತ್ತಿರುವ ಹೊಸ ಎಐ ಚಾಲಿತ ಇಂಟರ್‌ಫೇಸ್ ಜೊತೆಗೆ ಅತ್ಯುತ್ತಮ ಹಾರ್ಡ್‌ವೇರ್‌ ಒದಗಿಸುವ ನಿರೀಕ್ಷೆಯೂ ಇದೆ.