Ukraine Crisis: Chernobyl ನ್ಯೂಕ್ಲಿಯರ್ ಡೇಟಾ ಸಂಪರ್ಕ ಕಡಿತ, ವಿಶ್ವಸಂಸ್ಥೆಯಲ್ಲಿ ಆತಂಕ!

* ಉಕ್ರೇನ್‌ನ ಚೆರ್ನೋಬಿಲ್ ಪರಮಾಣು ವಿದ್ಯುತ್ ಸ್ಥಾವರ ಜೊತೆಗಿನ ಸಂಪರ್ಕ ಕಟ್ * ನಿಷ್ಕ್ರಿಯಗೊಂಡ ಪರಮಾಣು ಸ್ಥಾವರವನ್ನೂ ಆಖ್ರಮಿಸಿದ್ದ ಸೇನಾಪಡೆ * ಚೆರ್ನೋಬಿಲ್ ಪರಮಾಣು ವಿದ್ಯುತ್ ಸ್ಥಾವರದ ಸುರಕ್ಷತೆಯನ್ನು ಮೇಲ್ವಿಚಾರಣೆ ಮಾಡಲು ವಿನ್ಯಾಸ

ಕೀವ್(ಮಾ.09): ಉಕ್ರೇನ್‌ನ ಚೆರ್ನೋಬಿಲ್ ಪರಮಾಣು ವಿದ್ಯುತ್ ಸ್ಥಾವರವು ಇನ್ನು ಮುಂದೆ ವಿಶ್ವಸಂಸ್ಥೆಯ (UN) ಪರಮಾಣು ಮೇಲ್ವಿಚಾರಣಾ ಸಂಸ್ಥೆಗೆ ಡೇಟಾವನ್ನು ಕಳುಹಿಸುವುದಿಲ್ಲ. ಚೆರ್ನೋಬಿಲ್ ಪರಮಾಣು ವಿದ್ಯುತ್ ಸ್ಥಾವರವು ರಷ್ಯಾದ ಕಾವಲುಗಾರರ ಸೂಚನೆಗಳ ಮೇರೆಗೆ ಕಾರ್ಯನಿರ್ವಹಿಸುತ್ತಿರುವ ಬಗ್ಗೆ ವಿಶ್ವಸಂಸ್ಥೆಯು ಕಳವಳ ವ್ಯಕ್ತಪಡಿಸಿದೆ. ಫೆಬ್ರವರಿ 24 ರಂದು, ರಷ್ಯಾ ಉಕ್ರೇನ್ ಅನ್ನು ಆಕ್ರಮಿಸಿತ್ತು. ಈ ವೇಳೆ ನಿಷ್ಕ್ರಿಯಗೊಂಡ ಪರಮಾಣು ಸ್ಥಾವರವನ್ನೂ ಸೇನಾಪಡೆ ಆಕ್ರಮಿಸಿತ್ತು. ಇನ್ನು ಇದೇ ಸ್ಥಳದಲ್ಲಿ 1986ರಲ್ಲಿ ಸಂಭವಿಸಿದ ದೊಡ್ಡ ದುರಂತದಲ್ಲಿ ಸಾವಿರಾರು ಜನರು ಸಾವನ್ನಪ್ಪಿದರು ಮತ್ತು ಪರಮಾಣು ವಿಕಿರಣ ಯುರೋಪಿನಿಂದ ಪಶ್ಚಿಮಕ್ಕೆ ಹರಡಿತ್ತು ಎಂಬುವುದು ಉಲ್ಲೇಖನೀಯ.

ಅಂತರಾಷ್ಟ್ರೀಯ ಪರಮಾಣು ಶಕ್ತಿ ಸಂಸ್ಥೆಯ ಮುಖ್ಯಸ್ಥ ರಾಫೆಲ್ ಗ್ರಾಸ್ಸಿ ಈ ಬಗ್ಗೆ ಮಾತನಾಡುತ್ತಾ: "ಚೆರ್ನೋಬಿಲ್ ಪರಮಾಣು ವಿದ್ಯುತ್ ಸ್ಥಾವರದ ಸುರಕ್ಷತೆಯನ್ನು ಮೇಲ್ವಿಚಾರಣೆ ಮಾಡಲು ವಿನ್ಯಾಸಗೊಳಿಸಲಾದ ದತ್ತಾಂಶ ಪ್ರಸರಣ ವ್ಯವಸ್ಥೆಯು ಸಂಪರ್ಕವನ್ನು ಕಳೆದುಕೊಂಡಿರುವ ಸೂಚನೆಗಳಿವೆ ಎಂದಿದ್ದಾರೆ. ಇದೇ ವೇಳೆ ಉಕ್ರೇನ್‌ನ ಇತರ ಸ್ಥಳಗಳಲ್ಲಿ ಭದ್ರತಾ ಕ್ರಮಗಳಿಗಾಗಿ ಮೇಲ್ವಿಚಾರಣಾ ವ್ಯವಸ್ಥೆಗಳ ಸ್ಥಿತಿಯನ್ನು ಸಹ ಸಂಸ್ಥೆ ಪರಿಶೀಲಿಸುತ್ತಿದೆ ಮತ್ತು ಹೆಚ್ಚಿನ ಮಾಹಿತಿಯನ್ನು ಶೀಘ್ರದಲ್ಲೇ ನೀಡಲಾಗುವುದು ಎಂದು IAEA ಹೇಳಿದೆ. 

ಪರಮಾಣು ಶಸ್ತ್ರಾಸ್ತ್ರಗಳ ಹರಡುವಿಕೆಯನ್ನು ತಡೆಗಟ್ಟಲು ಮತ್ತು ಅಂತಹ ವಸ್ತುಗಳ ಆರಂಭಿಕ ದುರುಪಯೋಗವನ್ನು ತಡೆಗಟ್ಟಲು IAEA ತೆಗೆದುಕೊಳ್ಳುವ ಕ್ರಮಗಳನ್ನು "ಸುರಕ್ಷತಾ" ಅಥವಾ ರಕ್ಷಣಾತ್ಮಕ ಎಂದು ಕರೆಯಲಾಗುತ್ತದೆ.

200 ತಾಂತ್ರಿಕ ಸಿಬ್ಬಂದಿ ಮತ್ತು ಕಾವಲುಗಾರರು ಚೆರ್ನೋಬಿಲ್‌ನಲ್ಲಿ ಸಿಕ್ಕಿಬಿದ್ದಿದ್ದಾರೆ, ರಷ್ಯಾದ ಆಕ್ರಮಣದ ನಂತರ ಕಳೆದ 13 ದಿನಗಳಿಂದ ನಿರಂತರವಾಗಿ ಕೆಲಸ ಮಾಡುತ್ತಿದ್ದಾರೆ. ಇನ್ನು ಉಕ್ರೇನ್‌ನ ಪರಮಾಣು ನಿಯಂತ್ರಕವನ್ನು ಉಲ್ಲೇಖಿಸಿದ IAEA ಸಿಬ್ಬಂದಿಯ ಸ್ಥಿತಿಯು ಹದಗೆಡುತ್ತಿದೆ ಎಂದು ಹೇಳಿದೆ. ಮುಚ್ಚಿದ ಸ್ಥಾವರವು ಏಕಾಂತ ಪ್ರದೇಶದಲ್ಲಿ ನೆಲೆಗೊಂಡಿದೆ, ಅದು ನಿಷ್ಕ್ರಿಯಗೊಂಡ ರಿಯಾಕ್ಟರ್‌ಗಳು ಮತ್ತು ಪರಮಾಣು ತ್ಯಾಜ್ಯ ಸಂಗ್ರಹ ಘಟಕಗಳನ್ನು ಹೊಂದಿದೆ ಎಂಬುವುದು ಉಲ್ಲೇಖನೀಯ. 

ಪ್ರಸ್ತುತ, ಚೆರ್ನೋಬಿಲ್‌ನಲ್ಲಿ ಇನ್ನೂ 200 ಉದ್ಯೋಗಿಗಳು ಕೆಲಸ ಮಾಡುತ್ತಿದ್ದಾರೆ. ಯಾವುದೇ ಪರಮಾಣು ಅಪಘಾತವನ್ನು ತಪ್ಪಿಸಲು, ಇಲ್ಲಿ ನಿರಂತರ ನಿರ್ವಹಣೆ ಅಗತ್ಯ. ಇನ್ನು ಈ ಬಗ್ಗೆ ಮಾತನಾಡಿರುವ ಗ್ರಾಸಿ ಚರ್ನೋಬಿಲ್ ಪರಮಾಣು ಸ್ಥಾವರದಲ್ಲಿ ಸಿಬ್ಬಂದಿ ಎದುರಿಸುತ್ತಿರುವ ತೊಂದರೆಗಳು ಮತ್ತು ಪರಮಾಣು ಸುರಕ್ಷತೆಗೆ ಸಂಭವನೀಯ ಅಪಾಯದ ಬಗ್ಗೆ ನಾನು ತೀವ್ರ ಕಳವಳ ಹೊಂದಿದ್ದೇನೆ. ಅಲ್ಲಿ ಕೆಲಸ ಮಾಡುವ ಜನರಿಗೆ ತಕ್ಷಣವೇ ಸುರಕ್ಷಿತ ಸರದಿ ಮಾಡಲು ಅವಕಾಶ ನೀಡಬೇಕು ಎಂದೂ ಮನವಿ ಮಾಡಿದ್ದಾರೆ

ರಿಮೋಟ್ ಡೇಟಾ ಪ್ರಸರಣವನ್ನು ಕಡಿತಗೊಳಿಸಿರುವುದರಿಂದ, ಉಕ್ರೇನಿಯನ್ ನಿಯಂತ್ರಕರು ಇಮೇಲ್ ಮೂಲಕ ಮಾತ್ರ ಘಟಕವನ್ನು ಸಂಪರ್ಕಿಸಬಹುದು. ಎಲ್ಲಾ ಕಡೆಯಿಂದ ಉಕ್ರೇನ್‌ನ ಪವಾರ್ ಸ್ಥಾವರಗಳ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಗ್ರಾಸ್ಸಿ ಸೈಟ್‌ಗೆ ಭೇಟಿ ನೀಡಲು ಅಥವಾ ಎಲ್ಲಿಂದಲಾದರೂ ಭೇಟಿ ನೀಡಲು ಮುಂದಾಗಿದ್ದಾರೆ

ರಷ್ಯಾ ಕಳೆದ ವಾರ ಯುರೋಪಿನ ಅತಿ ದೊಡ್ಡ ಪರಮಾಣು ವಿದ್ಯುತ್ ಸ್ಥಾವರ ಝಪೊರಿಜಿಯಾ ಮೇಲೆ ದಾಳಿ ನಡೆಸಿ ಅದನ್ನು ವಶಪಡಿಸಿಕೊಂಡಿತ್ತು. ರಷ್ಯಾ ಪರಮಾಣು ಭಯೋತ್ಪಾದನೆಯನ್ನು ಹರಡುತ್ತಿದೆ ಎಂದು ಉಕ್ರೇನ್ ಆರೋಪಿಸಿದೆ. ಜಪೋರಿಜಿಯಾ ಮಾತ್ರ 6 ಅತ್ಯಾಧುನಿಕ ರಿಯಾಕ್ಟರ್‌ಗಳನ್ನು ಹೊಂದಿದೆ. ಇದನ್ನು ಚೆರ್ನೋಬಿಲ್‌ಗಿಂತಲೂ ಹೆಚ್ಚು ಸುರಕ್ಷಿತವಾಗಿ ತಯಾರಿಸಲಾಗುತ್ತದೆ. 6 ರಲ್ಲಿ 2 ಇನ್ನೂ ಕೆಲಸ ಮಾಡುತ್ತಿದ್ದಾರೆ ಮತ್ತು ಘಟಕದ ಕಾರ್ಮಿಕರು ಪಾಳಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ ಮತ್ತು ವಿಕಿರಣ ಮಟ್ಟವು ಸ್ಥಿರವಾಗಿದೆ ಎಂದು IAEA ಹೇಳಿದೆ. ಹೀಗಿರುವಾಗಲೇ ಉಕ್ರೇನ್ ಇಲ್ಲಿ ಪರಮಾಣು ಶಸ್ತ್ರಾಸ್ತ್ರಗಳನ್ನು ಸಂಗ್ರಹಿಸಿದೆ ಎಂದು ರಷ್ಯಾ ಆರೋಪಿಸಿದೆ.