ಲ್ಯಾಬ್ನಲ್ಲಿ ಸೃಷ್ಟಿಸಿದ ಮಾಂಸ ನಾಡಿದ್ದಿಂದ ತಿನ್ನಲು ಲಭ್ಯ!
ಸಾರಾಂಶ
ಲ್ಯಾಬ್ನಲ್ಲಿ ಸೃಷ್ಟಿಸಿದ ಮಾಂಸ ನಾಡಿದ್ದಿಂದ ತಿನ್ನಲು ಲಭ್ಯ!| ಸಿಂಗಾಪುರ ಹೋಟೆಲ್ನಿಂದ ಮಾರಾಟ
ಸಿಂಗಾಪುರ(ಡಿ.17): ಅಮೆರಿಕ ಮೂಲದ ಕಂಪನಿಯೊಂದು ಪ್ರಯೋಗಾಲಯದಲ್ಲಿ ಕೋಳಿ ಮಾಂಸ ಅಭಿವೃದ್ಧಿಪಡಿಸಿದ್ದು, ಆ ಮಾಂಸ ಇದೀಗ ಹೋಟೆಲ್ ಸೇರಿ ಅಲ್ಲಿಂದ ಆಹಾರದ ರೂಪದಲ್ಲಿ ಗ್ರಾಹಕರ ಹೊಟ್ಟೆಸೇರಲು ಕ್ಷಣಗಣನೆ ಆರಂಭವಾಗಿದೆ.
ಕೋಳಿಗಳಿಗೀಗ ಭಾರೀ ಡಿಮ್ಯಾಂಡ್ : ಮಾಂಸದ ರೇಟ್ ಭಾರೀ ಹೈಕ್
ಅಮೆರಿಕ ಮೂಲದ ಈಟ್ ಎಂಬ ಸ್ಟಾರ್ಟಪ್ ಕಂಪನಿ ಪ್ರಯೋಗಾಲಯದಲ್ಲಿ ಕೋಳಿ ಮಾಂಸ ಅಭಿವೃದ್ಧಿಪಡಿಸಿದೆ. ಈ ಮಾಂಸವನ್ನು ಮಾರಾಟ ಮಾಡಲು ವಿಶ್ವದಲ್ಲೇ ಮೊದಲ ಬಾರಿಗೆ ಸಿಂಗಾಪುರ ಸರ್ಕಾರ ಇತ್ತೀಚೆಗಷ್ಟೇ ಅನುಮತಿ ನೀಡಿತ್ತು. ಅದರ ಬೆನ್ನಲ್ಲೇ ಸಿಂಗಾಪುರದ 1880 ಎಂಬ ರೆಸ್ಟೋರೆಂಟ್, ಲ್ಯಾಬ್ನಲ್ಲಿ ಸೃಷ್ಟಿಯಾದ ಕೋಳಿ ಮಾಂಸದ ಆಹಾರ ಒದಗಿಸಲು ನಿರ್ಧರಿಸಿದೆ. ಶನಿವಾರದಿಂದ ಹೋಟೆಲ್ನಲ್ಲಿ ಈ ಮಾಂಸವನ್ನು ಬಳಸಿದ ವಿವಿಧ ಆಹಾರ ಪೂರೈಸಲಾಗುತ್ತದೆ.
ಪ್ರಾಣಿಗಳನ್ನು ಮಾಂಸಕ್ಕಾಗಿಯೇ ಬೆಳೆಸಿ ಹತ್ಯೆ ಮಾಡುವ ವಿಧಾನ ಆಕ್ಷೇಪದ ವಿಷಯವಾಗಿತ್ತು. ಹೀಗಾಗಿ ಪ್ರಾಣಿಗಳ ಜೀವಕೋಶಗಳನ್ನು ಬಳಸಿ ಪ್ರಯೋಗಾಲಯದಲ್ಲಿ ಅಭಿವೃದ್ಧಿಪಡಿಸಿರುವ ಮಾಂಸ, ಹೆಚ್ಚಿನ ಪ್ರಮಾಣದಲ್ಲಿ ಆಹಾರ ಪ್ರಿಯರ ಸೆಳೆಯುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಬಿಜೆಪಿ ಸರ್ಕಾರದ ಈ ನಿರ್ಧಾರ ಹುನ್ನಾರ : ಪ್ರೊ.ಭಗವಾನ್ ವಿರೋಧ
ಲ್ಯಾಬ್ನಲ್ಲಿ ಸೃಷ್ಟಿಸಲಾಗಿರುವ ಮಾಂಸ ಗ್ರಾಹಕರನ್ನು ಸೆಳೆಯಲು ಯಶಸ್ವಿಯಾಗಲಿದೆ ಎಂದು ಈಟ್ ಕಂಪನಿಯ ಸಿಇಒ ಜೋಸ್ ಟೆಟ್ರಿಕ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ