ಮೊಬೈಲ್ ಡೇಟಾ ಶುಲ್ಕ ಹೆಚ್ಚಳ ಕಳವಳಕಾರಿ: ರಾಜೀವ್ ಚಂದ್ರಶೇಖರ್
ಸಾರಾಂಶ
ಈ ಹಂತದಲ್ಲಿ ದರ ಹೆಚ್ಚಳ ಕಳವಳಕಾರಿ. ಹೀಗಾಗಿ ಈ ಹೆಚ್ಚಳವು ಅಲ್ಪಾವಧಿ ಮತ್ತು ದೀರ್ಘಾವಧಿಯಲ್ಲಿ ಹೇಗೆ ಪರಿಣಾಮ ಬೀರಲಿದೆ ಎಂಬುದರ ಬಗ್ಗೆ ಟ್ರಾಯ್ ನೀಡುವ ವರದಿಗಾಗಿ ನಾವು ಕಾಯುತ್ತಿದ್ದೇವೆ ಎಂದು ಹೇಳಿದ್ದಾರೆ.
ನವದೆಹಲಿ (ಜನವರಿ 26, 2023): ಮೊಬೈಲ್ಗಳು ಹಾಗೂ ಮೊಬೈಲ್ ಡೇಟಾ ಶುಲ್ಕಗಳು ಹೆಚ್ಚಳವಾಗಿರುವುದಕ್ಕೆ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಖಾತೆ ರಾಜ್ಯ ಸಚಿವ ರಾಜೀವ್ ಚಂದ್ರಶೇಖರ್ ಕಳವಳ ವ್ಯಕ್ತಪಡಿಸಿದ್ದಾರೆ. ಇದು ಒಟ್ಟಾರೆಯಾಗಿ ಡಿಜಿಟಲೀಕರಣದ ಮೇಲೆ ದುಷ್ಪರಿಣಾಮ ಬೀರಲಿದೆ ಎಂದು ಅವರು ಹೇಳಿದ್ದಾರೆ. ಪ್ರಮುಖ ಟೆಲಿಕಾಂ ಸಂಸ್ಥೆಯಾದ ಭಾರ್ತಿ ಏರ್ಟೆಲ್ ಇತ್ತೀಚಿಗೆ ತನ್ನ ಕನಿಷ್ಠ ಡೇಟಾ ಶುಲ್ಕವನ್ನು ಶೇ.57 ರಷ್ಟು ಹೆಚ್ಚಳ ಮಾಡಿರುವ ಬೆನ್ನಲ್ಲೇ ಸಚಿವರು ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಏರ್ಟೆಲ್ ಶುಲ್ಕ ಹೆಚ್ಚಳ ಮಾಡಿರುವುದು ನನ್ನ ಅರಿವಿಗೆ ಬಂದಿಲ್ಲ. 2025ರ ವೇಳೆಗೆ 120 ಕೋಟಿ ಜನರನ್ನು ಡಿಜಿಟಲೀಕರಣದ ವ್ಯಾಪ್ತಿಗೆ ತರುವ ಉದ್ದೇಶ ಸರ್ಕಾರಕ್ಕಿದೆ. ಸದ್ಯ 83 ಕೋಟಿ ಜನ ಈ ವ್ಯಾಪ್ತಿಗೆ ಬಂದಿದ್ದಾರೆ. ಈ ಹಂತದಲ್ಲಿ ದರ ಹೆಚ್ಚಳ ಕಳವಳಕಾರಿ. ಹೀಗಾಗಿ ಈ ಹೆಚ್ಚಳವು ಅಲ್ಪಾವಧಿ ಮತ್ತು ದೀರ್ಘಾವಧಿಯಲ್ಲಿ ಹೇಗೆ ಪರಿಣಾಮ ಬೀರಲಿದೆ ಎಂಬುದರ ಬಗ್ಗೆ ಟ್ರಾಯ್ ನೀಡುವ ವರದಿಗಾಗಿ ನಾವು ಕಾಯುತ್ತಿದ್ದೇವೆ ಎಂದು ಹೇಳಿದ್ದಾರೆ.
ಏರ್ಟೆಲ್ನಿಂದ (Airtel) ಮೊಬೈಲ್ ಸೇವೆಗಳ (Mobile Services) ದರಗಳ ಹೆಚ್ಚಳದ ಬಗ್ಗೆ ತನಗೆ ನಿಖರವಾಗಿ ತಿಳಿದಿಲ್ಲ ಮತ್ತು ಹೆಚ್ಚಳವು ಅಲ್ಪಾವಧಿ ಅಥವಾ ದೀರ್ಘಾವಧಿಯ ಪರಿಣಾಮವನ್ನು ಬೀರುತ್ತದೆಯೇ ಎಂದು ಪರಿಶೀಲಿಸಲು ಸಚಿವಾಲಯವು ಟೆಲಿಕಾಂ ನಿಯಂತ್ರಕ TRAI ಅನ್ನು ಸಂಪರ್ಕಿಸಬಹುದು ಎಂದೂ ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ (Union Minister Rajeev Chandrashekar) ಅವರು ಹೇಳಿದರು. ರಷ್ಯಾ-ಉಕ್ರೇನ್ ಯುದ್ಧದಿಂದಾಗಿ (Russia Ukraine War) ವಿಶ್ವಾದ್ಯಂತ ಬೆಲೆಗಳ ಮೇಲೆ ಪರಿಣಾಮ ಬೀರಿದೆ ಮತ್ತು ಡೇಟಾ ಬೆಲೆಯ ಪರಿಣಾಮವನ್ನು ಪರಿಶೀಲಿಸಬೇಕಾಗಿದೆ ಎಂದೂ ಅವರು ಹೇಳಿದರು.
ಇದನ್ನು ಓದಿ: ಸುದ್ದಿಗೆ ಫೇಸ್ಬುಕ್, ಗೂಗಲ್ ಹಣ ನೀಡಲಿ: ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್
ಭಾರ್ತಿ ಏರ್ಟೆಲ್ (Bharti Airtel) 28 ದಿನ ಅವಧಿಯ ಕನಿಷ್ಠ ಮೊಬೈಲ್ ಶುಲ್ಕವನ್ನು ಇತ್ತೀಚಿಗೆ ಶೇ.57ರಷ್ಟು ಹೆಚ್ಚು ಮಾಡಿದೆ. ಕರ್ನಾಟಕ, ಆಂಧ್ರಪ್ರದೇಶ, ಬಿಹಾರ, ಉತ್ತರ ಪ್ರದೇಶ ಪಶ್ಚಿಮ ಸೇರಿದಂತೆ ಎಂಟು ವಲಯಗಳಲ್ಲಿ 99 ರೂ.ನ ಕನಿಷ್ಠ ರೀಚಾರ್ಚ್ ಅನ್ನು 155 ರೂ.ಗೆ ಹೆಚ್ಚಳ ಮಾಡಿದೆ. ಕಂಪನಿಯು ತನ್ನ ಕನಿಷ್ಟ 99 ರೂ. ಗಳ ರೀಚಾರ್ಜ್ ಯೋಜನೆಯನ್ನು ನಿಲ್ಲಿಸಿದೆ. 99 ರೂ. ರೀಚಾರ್ಜ್ ಪ್ಲ್ಯಾನ್ನಡಿ ಸೆಕೆಂಡಿಗೆ 2.5 ಪೈಸೆ ದರದಲ್ಲಿ 200 ಮೆಗಾಬೈಟ್ ಡೇಟಾ ಮತ್ತು ಕರೆಗಳನ್ನು ನೀಡುತ್ತಿತ್ತು. ಹರಿಯಾಣ ಮತ್ತು ಒಡಿಶಾದಲ್ಲಿ, ಏರ್ಟೆಲ್ ಈಗ ರೂ 155 ಯೋಜನೆಯನ್ನು ಅನಿಯಮಿತ ಕರೆ, 1 ಜಿಬಿ ಡೇಟಾ ಮತ್ತು 300 ಎಸ್ಎಂಎಸ್ಗಳೊಂದಿಗೆ ನೀಡಲು ಪ್ರಾರಂಭಿಸಿದೆ.
ಇದನ್ನೂ ಓದಿ: ಇಂಟರ್ನೆಟ್ ಭವಿಷ್ಯಕ್ಕೆ ಭಾರತದ ಪ್ರತ್ಯೇಕ ನೀತಿ; ಸೂಕ್ತ ಮಾನದಂಡ ರಚಿಸಲು ಸಿದ್ಧ: ರಾಜೀವ್ ಚಂದ್ರಶೇಖರ್
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.