ಯೋಧನನ್ನು ಮದುವೆಯಾಗ್ತಿರೋ ವೈಷ್ಣವಿ ಗೌಡ; ಭಾವಿ ಪತಿ ಹುದ್ದೆ ಬಗ್ಗೆ ಸೀತಾರಾಮ ನಟಿ ಮಾತು!

ಯೆಸ್ ಅಗ್ನಿಸಾಕ್ಷಿ, ಸೀತಾರಾಮ ಧಾರಾವಾಹಿಗಳ ಮೂಲಕ ಕನ್ನಡ ಕಿರುತೆರೆ ವೀಕ್ಷಕರ ಪ್ರೀತಿ ಗಳಿಸಿದ್ದ ವೈಷ್ಣವಿ ಹೊಸ ಬಾಳಿಗೆ ಕಾಲಿಡ್ತಾ ಇದ್ದಾರೆ. ಸೋಮವಾರ ಬೆಂಗಳೂರಿನ ಹೊರವಲಯದ ಖಾಸಗಿ ರೆಸಾರ್ಟ್​ನಲ್ಲಿ ವೈಷ್ಣವಿ ಎಂಗೇಜ್​ಮೆಂಟ್ ಅದ್ದೂರಿಯಾಗಿ ನಡೆದಿದೆ. ಅಸಲಿಗೆ ವೈಷುಗೆ ನೂರಾರು ಮದುವೆ ಪ್ರಪೋಸಲ್ ಬಂದಿದ್ವು. ಅವನ್ನೆಲ್ಲಾ ಬಿಟ್ಟು ನಾರ್ತಿ ಹುಡುಗನ್ನ ಮೆಚ್ಚಿದ್ದೇಕೆ ವೈಷ್ಣವಿ..? ಆ ಕುರಿತ ಎಕ್ಸ್​ಕ್ಲೂಸಿವ್ ಸ್ಟೋರಿ ಇಲ್ಲಿದೆ. ಅನುಕೂಲ್ ಮೀಶ್ರಾ ಏರ್​ಫೋರ್ಸ್​​ನಲ್ಲಿ ಕೆಲಸ ಮಾಡ್ತಾ ಇದ್ದು ಕೆಲ ತಿಂಗಳಿಂದ ಇಬ್ಬರ ನಡುವೆ ಗೆಳೆತನ ಶುರುವಾಗಿತ್ತು. ಇದೀಗ ಇಬ್ಬರ ಮನೆಯಲ್ಲೂ ಈ ಸಂಬಂಧಕ್ಕೆ ಒಪ್ಪಿಗೆ ಸಿಕ್ಕಿದ್ದು ಕುಟುಂಬಸ್ಥರು, ಸ್ನೇಹಿತರ ಸಮ್ಮುಖದಲ್ಲಿ ಈ ಜೋಡಿ ಉಂಗುರ ಬದಲಿಸಿಕೊಂಡಿದೆ. ಹಿಂದಿಯಲ್ಲಿ ವೈಷುಗೆ ಪ್ರಪೋಸ್ ಮಾಡಿರೋ ಅನುಕೂಲ್ ಚೂರು ಚೂರೇ ಕನ್ನಡ ಕಲೀತಾ ಇದ್ದಾರೆ. ವೈಷ್ಣವಿ ಭಾವಿ ಪತಿಗೆ ಕನ್ನಡ ಕಲಿಸ್ತಾ ಇದ್ದಾರೆ. ಇಬ್ಬರು ಸಂಭ್ರಮದಿಂದ ಹೊಸ ಬದುಕಿಗೆ ಕಾಲಿಡೋದಕ್ಕೆ ಸಜ್ಜಾಗಿದ್ದಾರೆ.