ಪ್ರೀತಿಸಿದ ಹುಡಗನ ಜೊತೆ ಸಪ್ತಪದಿ ತುಳಿದ ನಟಿ ಅದಿತಿ; ಮಾಂಗಲ್ಯಧಾರಣೆಗೆ ಸಾಕ್ಷಿಯಾದ ಸೆಲೆಬ್ರಿಟಿಗಳು

ಸ್ಯಾಂಡಲ್ ವುಡ್ ನಟಿ ಅದಿತಿ ಪ್ರಭುದೇವ ಮತ್ತು ಯಶಸ್ವಿ ಮದುವೆ ಬೆಂಗಳೂರಿನ ಪ್ಯಾಲೆಸ್ ಗ್ರೌಂಡ್‌ನಲ್ಲಿ ಅದ್ದೂರಿಯಾಗಿ ನೆರವೇರಿತು. ಇಂದು (ನವೆಂಬರ್ 28) ನಡೆದ ಅದ್ದೂರಿ ಮದುವೆ ಸಮಾರಂಭದಲ್ಲಿ ಅದಿತಿಗೆ ಮಾಂಗಲ್ಯ ಧಾರಣೆ ಮಾಡಿದರು ಯಶಸ್ವಿ. ಇಬ್ಬರದ್ದು ಲವ್ ಕಮ್ ಅರೇಂಜ್ ಮ್ಯಾರೇಜ್. ಅದಿತಿ ಕೆಂಪು ಬಣ್ಣದ ಜರಿ ಇರುವ ಬಿಳಿ ಸೀರೆಯಲ್ಲಿ ಮಿಂಚಿದ್ರೆ ಯಶಸ್ವಿ ಬಳಿ ಪಂಚೆ ಮತ್ತು ಶಲ್ಯಾದಲ್ಲಿ ಕಂಗೊಳಿಸಿದ್ದರು. ಅದಿತಿ ಮತ್ತು ಯಶಸ್ವಿ ಮದುವೆ ಸಮಾರಂಭ ಕಳೆದ ಮೂರು ದಿನಗಳಿಂದ ನಡೆಯುತ್ತಿದೆ. ನಿನ್ನೆ ನಡೆದ ಅದ್ದೂರಿ ಆರತಕ್ಷತೆ ಸಮಾರಂಭದಲ್ಲಿ ಅನೇಕ ಗಣ್ಯರು ಹಾಜರಾಗಿದ್ದರು. ರಾಜಕೀಯ ಮತ್ತು ಸಿನಿ ಗಣ್ಯರು ಹಾಜರಾಗಿ ಶುಭಕೋರಿದ್ದರು. ಅದಿತಿ ಮದುವೆ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.