ಹಾಲಿ-ಮಾಜಿ ಪ್ರಧಾನಿ ಭೇಟಿ ಹಿಂದೆ ರೋಚಕ ರಾಜಕೀಯ..! ವೋಟಿನ ಯುದ್ಧದಲ್ಲಿ ಸೀಟಿನ ಲೆಕ್ಕಾಚಾರ ಫೈನಲ್ ಆಯ್ತಾ..?

ಇದು ಒಂದು ದೋಸ್ತಿಯ ಕಥೆ. ಲೋಕಶಿಕಾರಿಗೆ ರೆಡಿಯಾಗಿರೋ ದೋಸ್ತಿಯ ಕಥೆ. ಕಾಂಗ್ರೆಸ್(Congress) ಜೊತೆ ಕುಸ್ತಿಯಾಡಲು ಸಿದ್ಧವಾಗಿರೋ ದೋಸ್ತಿಯ ಇಂಟ್ರೆಸ್ಟಿಂಗ್ ಕಥೆ. ದೋಸ್ತಿ ಗಟ್ಟಿಗೊಳಿಸಲು ಪ್ರಧಾನಿ ಮೋದಿ(Narendra Modi) ಮನೆಗೇ ಹೋದ್ರು ದೇವೇಗೌಡ್ರು. ದೊಡ್ಡಗೌಡ್ರ ಜೊತೆಗಿದ್ರು ಇಬ್ಬರು ಮಕ್ಕಳು, ಒಬ್ಬ ಮೊಮ್ಮಗ. ಒಂದ್ಕಡೆ ಕೂತ ಜಾಗದಲ್ಲೇ ದಾಳ ಉರುಳಿಸಿ ನಿಂತ ನೆಲದಲ್ಲೇ ಎದುರಾಳಿಗಳನ್ನು ಕೆಡವಿ ಬಿಡಬಲ್ಲ ರಾಜಕೀಯ ಭೀಷ್ಮ.. ಮತ್ತೊಂದ್ಕಡೆ ಒಂಟಿ ಸಲಗದಂತಾ ರಣರಂಗದ ರಣವಿಕ್ರಮ. ಒಬ್ಬರದ್ದು ರಾಜಕೀಯದಲ್ಲಿ ಮಾಸ್ಟರ್'ಮೈಂಡ್.. ಇನ್ನೊಬ್ಬರದ್ದು ನುಗ್ಗಿ ಹೊಡೆಯುವ ತಾಕತ್ತು. ಇಬ್ಬರೂ ಒಂದಾದ್ಮೇಲೆ ಅಲ್ಲಿ ಸಂಚಲನ, ಸುನಾಮಿ ಇರ್ಲೇಬೇಕು. ಅಂಥದ್ದೇ ಒಂದು ಸಂಚಲನಕ್ಕೆ ಕಾರಣವಾಗಿರೋದು ಬಿಜೆಪಿ-ಜೆಡಿಎಸ್ ದೋಸ್ತಿ. ರಾಜ್ಯದಲ್ಲಿ ಬಿಜೆಪಿ(BJP) ಮತ್ತು ಜೆಡಿಎಸ್(JDS) ಮಧ್ಯೆ ಲೋಕಸಭಾ ಚುನಾವಣೆಗೆ ಮೈತ್ರಿ ಫಿಕ್ಸ್ ಆಗಿದೆ. ಇಬ್ಬರೂ ಚುನಾವಣಾ ಪೂರ್ವ ಮೈತ್ರಿ ಮಾಡ್ಕೊಂಡು ಲೋಕ ಶಿಕಾರಿಗಿಳಿಯಲು ಸಿದ್ಧತೆ ನಡೆಸುತ್ತಿದ್ದಾರೆ. ಅದ್ರ ಮುಂದುವರಿದ ಭಾಗವಾಗಿ ಮಾಜಿ ಪ್ರಧಾನಿ ಎಚ್.ಡಿ ದೇವೇಗೌಡ್ರು ತಮ್ಮ ಹಿರಿಮಗ-ಕಿರಿಮಗ-ಮೊಮ್ಮಗನೊಂದಿಗೆ ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿಯಾಗಿದ್ದಾರೆ.

ಇದನ್ನೂ ವೀಕ್ಷಿಸಿ:  ಸಾಯೋ ಕೊನೆ ಕ್ಷಣದಲ್ಲಿ ರಿವೀಲ್ ಆಯ್ತು ಡೆತ್ ಮಿಸ್ಟರಿ..! ಗೆಳೆಯನನ್ನ ಮನೆಗೆ ಕರೆದು ಬೆಂಕಿ ಹಚ್ಚಿದ್ಲಾ..?