ಸೌತ್ ಸಿನಿಮಾ ಕನಸಿನ ಕನ್ಯೆ ಶ್ರೀಲೀಲಾ ಕಮಾಲ್, ಬಾಲಿವುಡ್‌ನಲ್ಲಿ ಬೈ ಟು ಲವ್ ಶುರು?

ಎಲ್ಲೆಲ್ಲೂ ಇವಳದ್ದೇ ಜಪ ತಪ.. ಟ್ರೆಂಡು ಬ್ಯಾಂಡು.. ಇವಳು ಕಾಲು ಇಟ್ಟಲ್ಲೆಲ್ಲಾ ಫೋಟೋ ಬೇಕು ಅಂತ ಫಾಲೋವರ್ಸ್​ದು ಒಂದೇ ಡಿಮ್ಯಾಂಡು.. ಯೆಸ್, ಬೆಳ್ಳಿತೆರೆ ಮೇಲೆ ಕಿಸ್​ ಕಿಸ್​ ಕಿಸಕ್ಕ ಎನ್ನುತ್ತಿರೋ ಶ್ರೀಲೀಲಾ (Sreeleela) ಆಂಧ್ರ, ತೆಲಂಗಾಣದಲ್ಲಿ ಹಾವ ಎಬ್ಬಿಸಿ ಬಿಟ್ಟಿದ್ದಾಳೆ. ಟಾಪ್​ ಹೀರೋಗಳನ್ನ ನೋಡೋಕೆ ಮುಗಿ ಬೀಳೋ ಹಾಗೆ ಶ್ರೀಲೀಲಾಗೆ ಹಪಹಪಿಸುವ ಲಕ್ಷಾಂತರ ಗಂಡ್​​ ಹೈಳ್ಳ ಹಬ್ ಇದೆ. 

ಕನ್ನಡತಿ ಶ್ರೀಲೀಲಾ ಟಾಲಿವುಡ್​ಅನ್ನ ಆವರಿಸಿಕೊಂಡಿದ್ದಾರೆ. ಟಾಲಿವುಡ್​ಗೆ ಕಾಲಿಟ್ಟು ಎರಡೇ ವರ್ಷದಲ್ಲಿ ಅಂದ ಚಂದದ ಶ್ರೀಲೀಲಾಳ ಲೀಲಾವಳಿ ನೋಡಿ ಸಿನಿ ಮಂದಿ ಅಬ್ಬಬ್ಬಾ ಎನ್ನುತ್ತಿದ್ದಾರೆ. ಇದೇ ಟೈಮ್​ನಲ್ಲಿ ಈ ಗುಂಟೂರು ಖಾರಂ ಚೆಲುವೆ ಮುಂಬೈನಲ್ಲಿ ಧಮಾಕ ಎಬ್ಬಿಸೋಕೆ ಹೊರಟು ನಿಂತಿದ್ದಾರೆ. ಬಾಲಿವುಡ್​ ಹೀರೋ ಜೊತೆ ಶ್ರೀಲೀಲಾ ಬೈಟು ಲವ್ ಸ್ಟೋರಿಯೊಂದು ಸೃಷ್ಟಿಯಾಗಿದೆ..

ಸೌಂದರ್ಯದ ಗಣಿ ಆಗಿರೋ ಶ್ರೀಲೀಲಾ ತೆಲುಗು ಚಿತ್ರರಂಗದ ತುಂಬೆಲ್ಲಾ ತನ್ನ ಅಂದ ಚಂದವನ್ನ ತೆರೆದಿಟ್ಟಿದ್ದಾಯ್ತು. ಪ್ರಿನ್ಸ್ ಮಹೇಶ್ ಬಾಬು, ಪವನ್ ಕಲ್ಯಾಣ್, ಬಾಲಕೃಷ್ಣರಂತಹ ಸ್ಟಾರ್‌ಗಳ ಜೊತೆ ಸ್ಕ್ರೀನ್‌ ಶೇರ್ ಮಾಡಿರೋ ಈ ಬೇಬಿ 'ಪುಷ್ಪ'-2 ಸ್ಪೆಷಲ್ ಸಾಂಗ್ ನಲ್ಲಿ ಮತ್ತೇರಿಸಿ ಕಿಸಿಕ್ ಅಂದಿದ್ರು. ಈಗ ಶ್ರೀಲೀಲಾ ಹೈದರಾಬಾದ್​ ಟು ಮುಂಬೈ ಅಂತ ಫ್ಲೈಟ್ ಹತ್ತಿ ಸುತ್ತುತ್ತಿದ್ದಾರೆ. ಅದಕ್ಕೆ ಕಾರಣ ಬಾಲಿವುಡ್​​ನ ಟಾಪ್​ ಪ್ರೊಡ್ಯೂಸರ್ ಕರಣ್ ಜೋಹರ್​.. 

ಕಿಸ್​ ಕಿಸ್ ಕಿಸಕ್ಕ ಶ್ರೀಲೀಲಾ ಈಗ ಬಾಲಿವುಡ್‌ನ ಖ್ಯಾತ ನಿರ್ದೇಶಕ, ನಿರ್ಮಾಪಕ ಕರಣ್ ಜೋಹರ್ ಚಿತ್ರದಲ್ಲಿ ನಟಿಸ್ತಾರೆ. ಕರಣ್​ ಜೋಹರ್​ ಸಿನಿಮಾ ಅಂದ್ರೆ ಪೇಮೆಂಟ್ ಕೊಡದೇ ಇದ್ರೂ ಪರವಾಗಿಲ್ಲ ಚಾನ್ಸ್ ಸಿಕ್ರೆ ಸಾಕು ಅಂತ ಕಾಯೋ ಹೀರೋಯಿನ್ಸ್ ಇದ್ದಾರೆ. ಅಂತವರ ಮಧ್ಯೆ ಈಗ ಶ್ರೀಲೀಲಾ ಕರಣ್ ಜೋಹರ್​​ ಫಿಲ್ಮ್ ಫ್ಯಾಕ್ಟರಿಗೆ ಎಂಟ್ರಿ ಕೊಟ್ಟಿದ್ದಾರೆ. 

ಕರಣ್ ಜೋಹರ್​ ಪ್ರೊಡಕ್ಷನ್​​ನಲ್ಲಿ ಪ್ಯೂರ್ ಲವ್ ಸ್ಟೋರಿಯೊಂದು ಸಿದ್ಧವಾಗುತ್ತಿದ್ದು, ಆ ಸಿನಿಮಾದಲ್ಲಿ ಬಿಟೌನ್​ನ  ಸ್ಟಾರ್ ಹೀರೋ ಕಾರ್ತಿಕ್ ಆರ್ಯನ್ ಜೊತೆ ಪ್ರೀತಿಯ ಅಂಬಾರಿ ಹೊತ್ತು ಶ್ರೀಲೀಲಾ ತೆರೆ ಮೇಲೆ ಬರುತ್ತಾರೆ ಅಂತ ಹೇಳಲಾಗ್ತಿದೆ. ಶ್ರೀಲೀಲಾ ಸೊಬಗಿನ ಸೌಂದರ್ಯಕ್ಕೆ ಬಿಟೌನ್ ಮರುಳಾಗಿರೋದಂತು ನಿಜ.. ಹೆಚ್ಚಿನ ಮಾಹಿತಿಗೆ ವಿಡಿಯೋ ನೋಡಿ..