ಬಾಹುಬಲಿ-3 ಮಾಡೋಕೆ ರಾಜಮೌಳಿ ಸಿದ್ಧತೆ?: ಜಕ್ಕಣ್ಣನ ಬಿಗ್ ಪ್ಲಾನ್ ಏನು?

ಬಾಹುಬಲಿ ಸಿನಿಮಾ ಮೂಲಕ ಇಡೀ ಪ್ರಪಂಚವೇ ತೆಲುಗು ಚಿತ್ರರಂಗದತ್ತ ತಿರುಗಿ ನೋಡುವಂತೆ ಮಾಡಿದ್ದ ರಾಜಮೌಳಿ ಬಗ್ಗೆ ಈಗ ಹೊಸ ಸುದ್ದಿ ಹೊರ ಬಂದಿದೆ. ಜಕ್ಕಣ್ಣ ಮತ್ತೆ ಹಳೇ ಸಿನಿಮಾದ ಕತೆಯ ಮುಂದುವರೆದ ಭಾಗಕ್ಕೆ ಸಿದ್ಧರಾಗುತ್ತಿದ್ದಾರೆ ಎನ್ನಲಾಗುತ್ತಿದೆ. ರಾಜಮೌಳಿ ಬಾಹುಬಲಿ-3 ಸಿನಿಮಾ ಮಾಡೋಕೆ ತೆರೆ ಮರೆಯಲ್ಲೇ ಎಲ್ಲಾ ಸಿದ್ಧತೆ ಮಾಡಿದ್ದಾರಂತೆ. ಇಡೀ ಸಿನಿಮಾ ಜಗತ್ತೆ ನೋಡಿ ಮೆಚ್ಚಿದ ಪ್ಯಾನ್ ಇಂಡಿಯಾ ಬಾಹುಬಲಿ ಸೀರಿಸ್ ಅನ್ನು ಮುಂದುವರೆಸುತ್ತಾರೆ ಅಂದ್ರೆ ಅದು ಸಖತ್ ಸುದ್ದಿ. ಬಾಹುಬಲಿ ಪಾರ್ಟ್-3 ನಿರ್ಮಾಣಕ್ಕಾಗಿ ಮೌಳಿ ಬೆಂಗಳೂರು ಮೂಲದ ದೊಡ್ಡ ಕಂಪೆನಿಯೊಂದರ ಜತೆ ಮಾತುಕಥೆ ಮಾಡಿದ್ದಾರಂತೆ.