ಜಾಮೀನು ಸಿಕ್ಕಿದೆ ಕಣ್ರೋ.. ಆರೋಪ ಬಾಕಿ ಇದೆ.. ತಡ್ಕಳ್ರೋ: ದರ್ಶನ್ ಗ್ಯಾಂಗ್ ನಗು ತಾತ್ಕಾಲಿಕ!

ದರ್ಶನ್​​​ಗೆ ಹೈಕೋರ್ಟ್ ರೆಗ್ಯೂಲರ್ ಬೇಲ್ ಮಂಜೂರು ಮಾಡಿದೆ. ಇಷ್ಟು ದಿನ ಮೆಡಿಕಲ್ ಗ್ರೌಂಡ್ಸ್ ಮೇಲೆ ಮಧ್ಯಂತರ ಬೇಲ್ ಮೇಲೆ ಇದ್ದುದರಿಂದ ದರ್ಶನ್ ಆಸ್ಪತ್ರೆ ಬಿಟ್ಟು ಆಚೆ ಬಂದಿರಲಿಲ್ಲ. ಆದ್ರೆ ಈಗ ರೆಗ್ಯೂಲರ್ ಬೇಲ್ ಸಿಕ್ಕಿದ್ದು, ದರ್ಶನ್​ಗೆ ರಿಲ್ಯಾಕ್ಸ್ ಸಿಕ್ಕಿದೆ. ಆದ್ರೆ   ಜಾಮೀನು ಸಿಕ್ಕಿರೋದು ಕಂಡು ದಾಸನ ಅಭಿಮಾನಿ ಬಳಗ ದರ್ಶನ್ ಆರೋಪಮುಕ್ತ ಆಗಿಬಿಟ್ಟ ಅನ್ನುವಂತೆ ಸಂಭ್ರಮಿಸ್ತಾ ಇದೆ. ದರ್ಶನ್ ಮಹಾಸಾಧನೆ ಮಾಡಿಬಂದಂತೆ ಸಿನಿರಂಗದವರು ಸೆಲೆಬ್ರೇಟ್ ಮಾಡ್ತಾ ಇದ್ದಾರೆ. ಆದ್ರೆ ಇವರಿಗೆಲ್ಲಾ ಅರ್ಥವಾಗಬೇಕಾದ ಸಂಗತಿ ಏನು..? ಆ ಕುರಿತ ಸ್ಟೋರಿ ಇಲ್ಲಿದೆ ನೋಡಿ. ಯೆಸ್ ದರ್ಶನ್​ಗೆ ಬೇಲ್ ಸಿಕ್ತಾನೇ ಅವನ ಕೇಡಿ ಅಭಿಮಾನಿಗಳ ಆಟಾಟೋಪ ಮರು ಪ್ರಾರಂಭ ಆಗಿದೆ. ನಿನ್ನೆ ಆಸ್ಪತ್ರೆ ಬಳಿ ಅನೇಕ ಅಭಿಮಾನಿಗಳು ನೆರೆದು ದಾಸನಿಗೆ ಜೈಕಾರ ಹಾಕಿದ್ದಾರೆ. 

ದರ್ಶನ್ ಮನೆಗೆ ಬರಬಹುದು ಅಂತ ಒಂದಿಷ್ಟು ಫ್ಯಾನ್ಸ್ RR ನಗರದ ಮನೆ ಬಳಿ ಬಂದು ಕುಣಿದಾಡಿದ್ದಾರೆ. ಈ ನಡುವೆ ಪಟಾಕಿ ಹೊಡೆದು ಗದ್ದಲ ಎಬ್ಬಿಸ್ತಾ ಇದ್ದ ಒಂದಿಷ್ಟು ಅಭಿಮಾನಿಗಳನ್ನ ಎಳೆದುಕೊಂಡು ಹೋಗಿ ಪೊಲೀಸರು ಪೂಜೆ ಮಾಡಿ ಕಳುಹಿಸಿಕೊಟ್ಟಿದ್ದಾರೆ.  ಇವರ ಸಂಭ್ರಮ ನೋಡ್ತಾ ಇದ್ರೆ ದರ್ಶನ್ ಈ ಕೇಸ್​ನಲ್ಲಿ ಆರೋಪ ಮುಕ್ತ ಆಗಿ, ಕ್ಲೀನ್ ಚಿಟ್ ಪಡೆದುಕೊಂಡಬಿಟ್ಟ ಅನ್ನುವಂತೆ ಇದೆ. ಅದ್ರೆ ನೆನಪಿರಲಿ ಸದ್ಯ ಸಿಕ್ಕಿರೋದು ಜಾಮೀನು ಅಷ್ಟೇ. ಕೇಸ್​ನ ವಿಚಾರಣೆ ಮುಂದೂವರೆಯಲಿದೆ. ಕೋರ್ಟ್ ವಾದ-ಪ್ರತಿವಾದ ಆಲಿಸಲಿದೆ. ಪೊಲೀಸರು ಸಂಗ್ರಹಿಸಿದ ಸಾಕ್ಷಿಯನ್ನ ಪರೀಶೀಲನೆ ಮಾಡಲಿದೆ. ಎಫ್.ಎಸ್.ಎಲ್ ಸೇರಿದಂತೆ ಲ್ಯಾಬ್ ಗಳು ನೀಡಿರೋ ವರದಿಗಳನ್ನ ಪರಿಶೀಲನೆ ಮಾಡಿಲಿದೆ. ಅದೆಲ್ಲದರ ಆಧಾರದ ಮೇಲೆ ಅಂತೀಮ ತೀರ್ಪು ಬರಲಿದೆ.