ಕಲರ್ಸ್ ಕನ್ನಡ ಶೋ ವಿನ್ನರ್ ಬಗ್ಗೆ ಜೀ ಕನ್ನಡ ಪೋಸ್ಟ್, ಅಲ್ಲಿ ಬರೆದಿದ್ದೇನು?

ಸರಿಗಮಪದಿಂದ ಬೆಳಕಿಗೆ ಬಂದ ಹನುಮಂತ, ಬಿಗ್‌ಬಾಸ್‌ ೧೧ರ ಟ್ರೋಫಿ ಗೆದ್ದು ೫೦ ಲಕ್ಷ ಬಾಚಿಕೊಂಡಿದ್ದಾರೆ. ಜೀ ಕನ್ನಡ, ಹನುಮಂತನನ್ನು ತಾನು ಬೆಳಕಿಗೆ ತಂದ ಪ್ರತಿಭೆ ಎಂದು ಹೆಮ್ಮೆಯಿಂದ ಹೇಳಿಕೊಂಡಿದೆ. ಹಳ್ಳಿ ಹೈದನ ಈ ಗೆಲುವು ಹಲವರಿಗೆ ಪ್ರೇರಣೆಯಾಗಿದೆ. ಇತಿಹಾಸದಲ್ಲೇ ಅತಿ ಹೆಚ್ಚು ಮತಗಳನ್ನು ಪಡೆದು ಹೊಸ ದಾಖಲೆ ನಿರ್ಮಿಸಿದ್ದಾರೆ.

ಬಿಗ್ ಬಾಸ್ ಕನ್ನಡ 11 ಟ್ರೋಫಿಯನ್ನು ಹಳ್ಳಿ ಹೈದ, ಸಿಂಗರ್ ಹನುಮಂತ (Hanumantha) ಗೆದ್ದುಕೊಂಡಿರುವುದು ಗೊತ್ತೇ ಇದೆ. ಇದಕ್ಕೂ ಮೊದಲು ಅವರು ಜೀ ಕನ್ನಡದ 'ಸರಿಗಮಪ' ವೇದಿಕೆಯಲ್ಲಿ ಕಾಣಿಸಿಕೊಂಡು ಕರ್ನಾಟಕದ ತುಂಬಾ ಬಹಳಷ್ಟು ಪ್ರಸಿದ್ಧಿ ಪಡೆದಿದ್ದರು. ಇದೀಗ ಜೀ ಕನ್ನಡ ತನ್ನ ಅಧಿಕೃತ ಸೋಷಿಯಲ್ ಮೀಡಿಯಾ ಇನ್‌ಸ್ಟಾಗ್ರಾಂ ಅಕೌಂಟ್‌ನಲ್ಲಿ ವಿಶೇಷ ಎನ್ನಿಸುವ ಪೋಸ್ಟ್ ಹಾಕಿದೆ. ಹಾಗಿದ್ದರೆ ಅದೇನು? ಇಲ್ಲಿದೆ ನೋಡಿ ಡಿಟೇಲ್ಸ್..

ಹನುಮಂತ ಬಿಗ್ ಬಾಸ್ ಗೆದ್ದ ಬಳಿಕ ಪೋಸ್ಟ್ ಮಾಡಿರುವ  ಜೀ ಕನ್ನಡ 'ನಿಮ್ಮಂಥ ನೆಲಮೂಲದ ಪ್ರತಿಭೆಯನ್ನು ಹುಡುಕಿ, ಬೆಳಕಿಗೆ ತಂದ ಜೀ಼ ಕನ್ನಡ ನಿಮ್ಮ ಗೆಲುವನ್ನು ಸಂಭ್ರಮಿಸುತ್ತದೆ. ಹನುಮಂತ ಅವರೇ ನಿಮ್ಮ ಗೆಲುವಿಗೆ ಹಾರ್ದಿಕ ಅಭಿನಂದನೆಗಳು!..' ಎಂದು ಬರೆದು ಫೋಟೊ ಹಾಕಿ ಪೋಸ್ಟ್ ಮಾಡಿದೆ. ಈ ಮೂಲಕ, ಹನುಮಂತನ ಗೆಲುವನ್ನು ಸಂಭ್ರಮಿಸುವುದರ ಜೊತೆಜೊತೆಗೆ, 'ಹನುಮಂತ ಜೀ ಕನ್ನಡ ಬೆಳಕಿಗೆ ತಂದ ಪ್ರತಿಭೆ' ಎಂಬುದನ್ನೂ ಜಾಗತ್ತಿಗೆ ನೆನಪಿಸಿದೆ ಎನ್ನಬಹುದು. 

ಹೌದು, ಹಳ್ಳಿ ಪ್ರತಿಭೆ ಹನುಮಂತ ಕಲರ್ಸ್ ಕನ್ನಡದ ದೊಡ್ಡ ರಿಯಾಲಿಟಿ ಶೋ ಬಿಗ್ ಬಾಸ್ ಕನ್ನಡ 11 ಟ್ರೋಫಿ ಗೆದ್ದು ಸಂಭ್ರಮಿಸಿದ್ದಾರೆ. ಇಡೀ ಕರುನಾಡು ಹಳ್ಳಿ ಹೈದನ ಈ ಗೆಲುವನ್ನು ಸಂಬ್ರಮಿಸುತ್ತಿದ್ದರೆ ಇದು ಹಲವರ ಅಚ್ಚರಿ ಹಾಗೂ ಪ್ರೇರಣೆಗೂ ಕಾರಣವಾಗಿದೆ ಎನ್ನಬಹುದು. ಏಕೆಂದರೆ, ಹಳ್ಳಿ ಹೈದ, ಸಿಂಪಲ್ ಬಿಹೇವಯರ್ ಇರುವ ಹುಡುಗ ಬಿಗ್ ಬಾಸ್ ಗೆದ್ದು ಬರೋಬ್ಬರಿ 50 ಲಕ್ಷ ಬಾಚಿಕೊಳ್ಳುವುದು ಚಿಕ್ಕ ಸಂಗತಿಯೇನಲ್ಲ!

ಇನ್ನು, ಹನುಮಂತನ ಬಿಗ್ ಬಾಸ್ ಗೆಲವನ್ನು ಬಿಗ್ ಬಾಸ್ ಕನ್ನಡ 11ರ ಸಹಸ್ಪರ್ಧಿಗಳೂ ಕೂಡ ಸಂಬ್ರಮಿಸುತ್ತಿದ್ದಾರೆ. ಆಟ ಆಡುತ್ತಿರುವಾಗ ಅಷ್ಟೇ ಎದುರಾಳಿ, ಆಟ ಮುಗಿದ ಮೇಲೆ ಸ್ನೇಹಿತ ಎಂಬಂತೆ ಹನುಮಂತ ಅವರ ಗೆಲುವನ್ನು ಪತ್ರಿಯೊಬ್ಬರೂ ಸಂಭ್ರಮಿಸುತ್ತಿರುವುದು ಕಂಡುಬರುತ್ತಿದೆ. ಒಟ್ಟಿನಲ್ಲಿ, ಬಿಗ್ ಬಾಸ್ ಇತಿಹಾಸದಲ್ಲೇ ಯಾರೂ ಪಡೆಯದಷ್ಟು ಓಟ್ ಪಡೆದು ಹನುಮಂತ ಗೆದ್ದಾಗಿದೆ, ಹೊಸ ದಾಖಲೆ ನಿರ್ಮಿಸಿಯೂ ಆಗಿದೆ. ಮುಂದೇನು...?