ಬಿಗ್ಬಾಸ್ನಲ್ಲಿ ಬಾಲ್ ಟಾಸ್ಕ್ ಜೋರಾಗಿ ನಡೆಯುತ್ತಿದ್ದು ಪ್ರತಾಪ್, ವಿನಯ್ ನಡುವೆ ಮಾಡಿನ ಚಕಚಕಿ ಶುರುವಾಗಿದೆ.
ಬಿಗ್ಬಾಸ್ ಮನೆಯಲ್ಲಿ ಟಾಸ್ಕ್ ಭರಾಟೆ ಜೋರಾಗಿಯೇ ನಡೆಯುತ್ತಿದೆ. ಬಿಗ್ಬಾಸ್ ಶುರುವಾಗಿ ಒಂದೂವರೆ ತಿಂಗಳಾದ ಮೇಲೆ ಈ ಟಾಸ್ಕ್ನಿಂದಾಗಿ ಪರಸ್ಪರ ಸ್ಪರ್ಧಿಗಳು ಕೈಕೈ ಮಿಲಾಯಿಸುವ ಸ್ಥಿತಿಗೆ ಬಂದಿದೆ. ಎರಡು ತಂಡಗಳಾಗಿರುವ ಗಜಕೇಸರಿ ತಂಡ ಹಾಗೂ ಸಂಪತ್ತಿಗೆ ಸವಾಲ್ ತಂಡಗಳ ನಡುವೆ ಫೈಟಿಂಗ್ ಭರ್ಜರಿಯಾಗಿ ನಡೆಯುತ್ತಿದೆ. ಗಜಕೇಸರಿ ತಂಡದಲ್ಲಿ ಡ್ರೋನ್ ಪ್ರತಾಪ್, ಸಿರಿ, ಸಂಗೀತಾ, ವಿನಯ್, ಸ್ನೇಹಿತ್ ಹಾಗೂ ನಮ್ರತಾ ಇದ್ದರೆ, ಇನ್ನೊಂದು ತಂಡವಾಗಿರುವ ಸಂಪತ್ತಿಗೆ ಸವಾಲ್ನಲ್ಲಿ ವರ್ತೂರು ಸಂತೋಷ್, ಮೈಕಲ್, ತನಿಷಾ, ತುಕಾಲಿ ಸಂತೋಷ್, ಕಾರ್ತಿಕ್ ಹಾಗೂ ನೀತು ಇದ್ದಾರೆ. ಇಷ್ಟು ದಿನ ಫ್ರೆಂಡು ಫ್ರೆಂಡು ಅಂದುಕೊಂಡೆ ಕಾರ್ತಿಕ್ ಹಾಗೂ ತನಿಷಾ ಜೊತೆಯಲ್ಲಿದ್ದ ಸಂಗೀತ ಈಗ ವಿನಯ್ ಟೀಂ ಸೇರಿಕೊಂಡಿದ್ದಾರೆ. ಈ ವಾರ ಕಾರ್ತಿಕ್ ಹಾಗೂ ಸಂಗೀತಾ ಬೇರೆ ಬೇರೆ ಟೀಮ್ ಸೇರಿಕೊಂಡು ಆಟವಾಡ್ತಿದ್ದಾರೆ.
ಇದೀಗ ಬಿಗ್ ಬಾಸ್ ಬಾಲಿನ ಟಾಸ್ಕ್ ನೀಡಿದೆ. ಈ ಆಟ ಆಡುವ ಸಮಯದಲ್ಲಿ, ಪ್ರತಾಪ್, ಕಾರ್ತಿಕ್ ಮತ್ತು ಮಹೇಶ್ ನಡುವೆ ಮಾತಿಕ ಚಕಮಕಿ ನಡೆದಿದೆ. ಕಾರ್ತಿಕ್ ಮತ್ತು ಮಹೇಶ್ ಅವರು ಪ್ರತಾಪ್ ಮೇಲೆ ಕಿರುಚಾಡಿದ್ದಾರೆ. ಸಂಗೀತಾ ಬೇರೆ ಟೀಮ್ ಸೇರಿದ ಮೇಲೆ ಕಾರ್ತಿಕ್ ಸಣ್ಣ ಸಣ್ಣ ವಿಚಾರಕ್ಕೂ ಸಿಟ್ಟಾಗುತ್ತಿದ್ದಾರೆ. ಬಾರೋ ಬಾ ಎಂದು ವಿನಯ್ ಕಾರ್ತಿಕ್ ಕರೆದಿದ್ದಾರೆ. ಬಾಲಿನ ಟಾಸ್ಕ್ ಆಡುವ ಸಮಯದಲ್ಲಿ ಕೋಲಿನ ಸಹಾಯದಿಂದ ಚೆಂಡನ್ನು ಕಾರ್ತಿಕ್ ಹಾಗೂ ತನಿಷಾ ಅಲ್ಲಿರುವ ಡಬ್ಬಕ್ಕೆ ಹಾಕುವ ಪ್ರಯತ್ನ ಮಾಡುತ್ತಿದ್ದ ಸಂದರ್ಭದಲ್ಲಿ ಎರಡೂ ಕಡೆಯವರ ನಡುವೆ ಗಲಾಟೆ ಶುರುವಾಗಿದೆ. ಇತ್ತ ಸಂಪತ್ತಿಗೆ ಸವಾಲ್ ತಂಡ ಬಾಲನ್ನು ಬಾಕ್ಸ್ಗೆ ಹಾಕಿದ್ದಾರೆ.
ಬಿಗ್ಬಾಸ್ಗೆ ಕಾಂಟ್ರವರ್ಸಿ ಜೋಡಿ ರಾಖಿ- ಆದಿಲ್ ಖಾನ್ ಎಂಟ್ರಿ? ನಟಿ ಹೇಳಿದ್ದೇನು ನೋಡಿ...
ಈ ಸಮಯದಲ್ಲಿ ಕಾರ್ತಿಕ್-ತನಿಷಾ ಹಾಕಿದ ಚೆಂಡು ಫೌಲ್ ಆಗಿದ್ದು ಮತ್ತೆ ಆಟ ಆರಂಭಿಸಿ ಎಂದ ಡ್ರೋನ್ ಪ್ರತಾಪ್ ಹೇಳಿದ್ದಾರೆ. ಡ್ರೋನ್ ಮಾತು ಕೇಳಿ ಕಾರ್ತಿಕ್ ರೇಗಿ ಹೋದರು. ನಾವು ಲೈನ್ ಕ್ರಾಸ್ ಮಾಡಿದ್ದೇವೆ ಎಂದು ಕೂಗಾಡಿದರು. ಉಸ್ತುವಾರಿ ವಹಿಸಿಕೊಂಡಿದ್ದ ಪ್ರತಾಪ್ ನನ್ನು ಆಯ್ತು ಹೋಗೋಲೇ ಎಂದಿದ್ದಾರೆ. ಆಗ ಪ್ರತಾಪ್ ಹೋಗಲೇ ಅಂತೆಲ್ಲಾ ಮಾತನಾಡಬೇಡಿ ಎಂದರು. ವಿನಯ್ ಹೋಗಲೇ ನಿನ್ನದು ಅತಿಯಾಯ್ತು ಪ್ರತಾಪ್ ಎಂದರು. ಸದ್ಯ ಇದರ ಪ್ರೊಮೋ ರಿಲೀಸ್ ಆಗಿದ್ದು, ಥಹರೇವಾರಿ ಕಮೆಂಟ್ಗಳ ಸುರಿಮಳೆಯಾಗುತ್ತಿದೆ.
ಇತ್ತ ಬಾಲ್ ಟಾಸ್ಕ್ ಜೋರಾಗಿ ನಡೆಯುತ್ತಿದ್ದರೆ, ಫ್ಯಾನ್ಸ್ ನಡುವೆ ಬ್ಯಾಟಿಂಗ್ ಶುರುವಾಗಿದೆ. ಈ ಸಲ ವಿನಯ್ ಮತ್ತು ಪ್ರತಾಪ್ ಅಭಿಮಾನಿಗಳು ತಮ್ಮ ನೆಚ್ಚಿನ ಸ್ಪರ್ಧಿಯ ಪರವಾಗಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ವಿನಯ್ ಅವರೇ ಬಿಗ್ಬಾಸ್ ಗೆಲ್ಲಬೇಕು ಎಂದು ಕೆಲವರು ಹೇಳುತ್ತಿದ್ದರೆ, ಇನ್ನು ಕೆಲವರು, ಪ್ರತಾಪ್ ಗೆಲ್ಲಬೇಕು ಎನ್ನುತ್ತಿದ್ದಾರೆ. ವಿನಯ್ಗೆ ಬೆಂಬಲಿಸುವವರು ಲೈಕ್ ಮಾಡಿ ಎಂದು ಕೆಲವರು, ಪ್ರತಾಪ್ರನ್ನ ಬೆಂಬಲಿಸುವವರು ಇಲ್ಲಿ ಲೈಕ್ ಮಾಡಿ ಎಂದು ಜೋರಾಗಿ ಬ್ಯಾಟಿಂಗ್ ಬೀಸುತ್ತಿದ್ದಾರೆ.