‘ಲಕ್ಷ್ಮೀ ನಿವಾಸ’ ನಟಿ ಶ್ವೇತಾ ದಾಂಪತ್ಯ ಜೀವನಕ್ಕೆ16 ವರ್ಷ... ಮದುವೆಯ ಅಪರೂಪದ ಫೋಟೊಗಳು ಇಲ್ಲಿವೆ

ಚೈತ್ರದ ಪ್ರೇಮಾಂಜಲಿ ಖ್ಯಾತಿಯ ನಟಿ ಶ್ವೇತಾ, ತಮ್ಮ 16ನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದಾರೆ. ಈ ಸಂಭ್ರಮದಲ್ಲಿ, ತಮ್ಮ ಮದುವೆಯ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಪತಿ ಶ್ರೀಧರ್ ಜೊತೆಗಿನ ದಾಂಪತ್ಯ ಜೀವನದ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ.  

ಚೈತ್ರದ ಪ್ರೇಮಾಂಜಲಿ, ಕರ್ಪೂರದ ಗೊಂಬೆ ಮೊದಲಾದ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿ, ಕನ್ನಡ ಸಿನಿಮಾಗಳಿಂದಲೇ ದೂರ ಉಳಿದು, ಇದೀಗ ಲಕ್ಷ್ಮೀ ನಿವಾಸ ಸೀರಿಯಲ್ (Lakshmi Nivasa Serial)ಮೂಲಕ ಕನ್ನಡಿಗರಿಗೆ ತಮ್ಮ ಅಭಿನಯದ ಮೂಲಕ ಮನರಂಜನೆ ನೀಡುತ್ತಿರುವ ನಟಿ ಶ್ವೇತಾ ಆಲಿಯಾಸ್ ವಿನೋಧಿನಿ. ನಟಿ ಶ್ವೇತಾ ಇಂದು ತಮ್ಮ 16ನೇ ವಿವಾಹ ವಾರ್ಷಿಕೋತ್ಸವವನ್ನು (wedding anniversary) ಆಚರಿಸುತ್ತಿದ್ದು, ತಮ್ಮ ಮದುವೆ ದಿನದ ಸಂಭ್ರಮದ ಕ್ಷಣಗಳಲ್ಲಿ ತೆಗೆದಿರುವ ಫೋಟೊಗಳನ್ನು ನಟಿ ವಿಡಿಯೋ ಮಾಡಿ ತಮ್ಮ ಸೋಶಿಯಲ್ ಮೀಡೀಯಾದಲ್ಲಿ ಶೇರ್ ಮಾಡಿದ್ದಾರೆ. 

ಶ್ವೇತಾ ತಮ್ಮ ಮದುವೆಯ ಹಳೆಯ ಫೋಟೋಗಳನ್ನ ಶೇರ್ ಮಾಡಿದ್ದಾರೆ. ಮದುವಣಗಿತ್ತಿಯಾಗಿ ಶ್ವೇತಾ (Shwetha), ಅಯ್ಯಂಗಾರ್ ಶೈಲಿಯ ಧಿರಿಸಿನಲ್ಲಿ ತುಂಬಾನೆ ಮುದ್ದಾಗಿ ಕಾಣಿಸುತ್ತಿದ್ದಾರೆ. ಹಲವು ಫೋಟೊಗಳನ್ನು ಜೊತೆಯಾಗಿ ಸೇರಿಸಿ ವಿಡಿಯೋ ಮಾಡಿರುವ ನಟಿ ಈ ಕುರಿತು ವಿಡೀಯೋ ಜೊತೆ ಕ್ಯಾಪ್ಶನ್ ಕೂಡ ಹಾಕಿರುವ ಶ್ವೇತಾ ಹ್ಯಾಪಿ ಆನಿವರ್ಸರಿ, 16 ವರ್ಷದ ದಾಂಪತ್ಯ ಜೀವನ. ನಾವು ನಿಮ್ಮನ್ನು ಪ್ರೀತಿಸುತ್ತೇವೆ ಎಂದು ಬರೆದುಕೊಂಡಿದ್ದಾರೆ. ನಟಿ ಶ್ವೇತಾ ಅವರ ಪತಿಯ ಹೆಸರು ಶ್ರೀಧರ್. ಈ ದಂಪತಿಗಳು ಇಬ್ಬರು ಮಕ್ಕಳು ಕೂಡ ಇದ್ದಾರೆ. ಪತಿ ಶ್ರೀಧರ್ ಗೆ ಅಪಘಾತವಾಗಿ ಹಲವು ಸಮಯ ಹಾಸಿಗೆ ಹಿಡಿದಿದ್ದು, ನಟಿ ತುಂಬಾನೆ ಕಷ್ಟ ಪಟ್ಟಿದ್ದರು. ಸದ್ಯ ಅವರು ಚೇತರಿಸಿಕೊಂಡಿದ್ದಾರೆ. ಸದ್ಯಕ್ಕೆ ನಟಿ ಸಿನಿಮಾ, ಸೀರಿಯಲ್ ನಟನೆಗಳಲ್ಲಿ ಬ್ಯುಸಿಯಾಗಿದ್ದಾರೆ. 

ನಟಿ ಶ್ವೇತಾ ತಮಿಳು ಮೂಲದವರಾಗಿದ್ದು, 1992 ರಲ್ಲಿ ಚೈತ್ರದ ಪ್ರೇಮಾಂಜಲಿ (Chaithrada Premanjali) ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದರು, ನಂತರ ಗೆಜ್ಜೆ ನಾದ, ಹೆತ್ತವರು, ಕರ್ಪೂರದ ಗೊಂಬೆ, ಮಿನುಗುತಾರೆ, ಲಕ್ಷ್ಮೀ ಮಹಾಲಕ್ಷ್ಮೀ ಸೇರಿ ಹಲವು ಸಿನಿಮಾಗಳಲ್ಲಿ ನಟಿಸಿದ್ದರು. ಇವರು ಕನ್ನಡದ ಜೊತೆಗೆ ತಮಿಳು ಹಾಗೂ ಮಲಯಾಲಂ ಸಿನಿಮಾಗಳಲ್ಲೂ ನಟಿಸಿದ್ದಾರೆ. ತಮಿಳು ಕಿರುತೆರೆಯಲ್ಲೂ ಸಹ ಈ ನಟಿ ನಟಿಸಿದ್ದಾರೆ.