BBK8: ಮೊದಲ ದಿನವೇ ದಿವ್ಯಾ ಸುರೇಶ್ ಪ್ರೀತಿಯ ಬಲೆಗೆ ಬಿದ್ದ ಲ್ಯಾಗ್ ಮಂಜು!

ಒಂದು ವರ್ಷ ತಡವಾಗಿ ನಡೆಯುತ್ತಿರುವ ಕನ್ನಡದ ಬಿಗ್ ಬಾಸ್‌ ರಿಯಾಲಿಟಿ ಶೋ ಬಗ್ಗೆ ವೀಕ್ಷಕರಿಗೆ ಕುತೂಹಲ ಹೆಚ್ಚಿದೆ. ಮೊದಲ ದಿನವೇ ಲವ್ವಿ ಡವ್ವಿ ಅಗುತ್ತಿರುವುದು ಅಚ್ಚರಿಯೇ....! 

17 ಸ್ಪರ್ಧಿಗಳು ಬಿಗ್‌ ಬಾಸ್‌ ಮನೆ ಪ್ರವೇಶಿಸಿದ್ದು ಆಯ್ತು. ಎಲ್ಲರೂ ಮೊದಲ ದಿನ ಬೆಳಗ್ಗೆ 9.30kdks ಎದ್ದು ತಮ್ಮ  ಲಗೇಜ್‌ಗಳನ್ನು ಅನ್‌ಪ್ಯಾಕ್‌ ಮಾಡುತ್ತಿದ್ದಾರೆ. ಗಾಳಿಪಟ ಚಿತ್ರದ ಹಾಡು ಬರುತ್ತಿದ್ದಂತೆ ಮನೆಯ ಪ್ರತಿ ಸ್ಪರ್ಧಿಯೂ ಹೆಜ್ಜೆ ಹಾಕುತ್ತಾ, ದಿನ ಆರಂಭಿಸಿದ್ದಾರೆ. ಈ ಗ್ಯಾಪ್‌ನಲ್ಲಿ ಲ್ಯಾಗ್‌ ಮಂಜು ಹಾಗೂ ದಿವ್ಯಾ ನಡುವೆ ಕುಚು ಕುಚು ಶುರವಾದಂತೆ ಭಾಸವಾಗಿದೆ.

ಹೌದು! ಲ್ಯಾಗ್ ಮಂಜು ಸ್ವಲ್ಪ ಫ್ರೆಂಡ್ಲಿ ಆಗಿರೋ ಕಲಾವಿದ, ಕಾಮಿಡಿ ಮಾಡುತ್ತಾ ಎಲ್ಲರಿಗೂ ಸಹಾಯ ಮಾಡುತ್ತಾ ಮನೆಯಲ್ಲಿರುವ ಪ್ರತಿಸ್ಪರ್ಧಿಗಳ ಬಗ್ಗೆ ಅರ್ಥ ಮಾಡಿಕೊಳ್ಳುತ್ತಿದ್ದಾರೆ. ದಿವ್ಯಾ ಸುರೇಶ್ ಹಾಗೂ ದಿವ್ಯಾ ಉರುಗ ತಮ್ಮ ಬಟ್ಟೆಗಳನ್ನು ಮಡಚಿಡುವಾಗ 'ಕೇಳಿ ಪ್ರೇಮಿಗಳೇ' ಎಂದು ಹಾಡೇಳಲು ಶುರು ಮಾಡಿದ್ದರು. ತಕ್ಷಣವೇ ಲ್ಯಾಗ್ ಮಂಜು ಎಂಟ್ರಿ ಕೊಟ್ಟು 'ಏನ್ ಬೇಕು ಅಂದರೂ ಕೇಳಿ. ನಿಮಗೊಸ್ಕರ ಏನ್‌ ಬೇಕಿದ್ದರೂ ಮಾಡೋಕೆ ನಾನು ರೆಡಿ,' ಎಂದು ಹೇಳಿದ್ದಾರೆ. ತಮಾಷೆ ನೋಡಲು ದಿವ್ಯಾ ಮಂಜುಗೆ ಬಟ್ಟೆ ಮಡಿಚಿಡಲು ಒಂದು ಟಾಪ್‌ ನೋಡುತ್ತಾರೆ, ಅದು ಏನೆಂದು ತಿಳಿಯದೆ ಮಂಜು 'ಇದು ಬ್ಲೌಸ್‌ ಆ?' ಎಂದು ಹೇಳಿ ಗೊಂದಲದಲ್ಲಿ ಸಿಲುಕುತ್ತಾರೆ.  

ಈ ಘಟನೆಯಿಂದ ದಿವ್ಯಾ ಹಾಗೂ ಲ್ಯಾಗ್ ಮಂಜು ಆತ್ಮೀಯರಾಗುತ್ತಾರೆ. ದಿವ್ಯಾ ನೀವು ಏನೇ ಹೇಳಿದರೂ ನಾನು ಮಾಡಲು ರೆಡಿ ಎನ್ನುತ್ತಾರೆ ಮಂಜು. ಅದರಲ್ಲೂ ಮಂಜು 8 ವರ್ಷದಿಂದ ಪಿಯುಸಿ ಪರೀಕ್ಷೆ ಬರೆಯುತ್ತಿರುವ ವಿಚಾರ ಕೇಳಿ ದಿವ್ಯಾ ಶಾಕ್ ಆದರು. 'ನಾನು ಸಬ್ಜೆಕ್ಟ್‌ ಬಗ್ಗೆ ಇಟ್ಟಿರುವ ಗೌರವ ಇದು. 8 ವರ್ಷ ಅದೇ ಪೇಪರ್ ಬರೆಯಬೇಕು ಅಂದ್ರೆ ಸುಮ್ಮನೇ ನಾ?' ಎಂದು ಹೇಳಿ ಅಲ್ಲಿಯೂ ಮಂಜು ಕಾಮಿಡಿ ಮಾಡಿದ್ದರು.

ಒಟ್ಟಿನಲ್ಲಿ ಮನೆಯಿಂದ ಹೊರ ಹೋಗಲು ನಿರ್ಮಲಾ, ನಿಧಿ ಸುಬ್ಬಯ್ಯ, ಧನು ಶ್ರೀ, ಲ್ಯಾಗ್ ಮಂಜು, ಪ್ರಶಾಂತ್ ನಾಮಿನೇಟ್ ಆಗಿದ್ದಾರೆ. ಇನ್ನು ಈ ವಾರದಲ್ಲಿ ಯಾವ ರೀತಿ ಟ್ವಿಸ್ಟ್‌ ಎದುರಾಗಲಿದೆ ಎಂದು ಕಾದು ನೋಡಬೇಕಿದೆ