ಬಿಗ್ ಬಾಸ್ ಮನೆಯಿಂದ ಕಿಶನ್ ಔಟ್?

ಬಿಗ್ ಬಾಸ್ ಮನೆಯ ಸೆಂಟರ್ ಆಫ್ ಅಟ್ರಾಕ್ಷನ್ ಕಿಶನ್ ಮನೆಯಿಂದ ಔಟ್ | ತಮಾಷೆ  ಮಾಡುತ್ತಾ, ನಕ್ಕು ನಗಿಸುತ್ತಾ ಎಲ್ಲರನ್ನು ಖುಷಿಯಾಗಿಡುತ್ತಿದ್ದರು ಕಿಶನ್ | ಕಿಶನ್ ಹೋಗಿರುವುದರಿಂದ ಮನೆಮಂದಿಯೆಲ್ಲಾ ಭಾವುಕ 

ಬಿಗ್ ಬಾಸ್ ಮನೆಯಲ್ಲಿ ಎಲ್ಲರನ್ನು ನಕ್ಕು ನಗಿಸುತ್ತಾ, ಖುಷಿ ಖುಷಿಯಾಗಿಡುವ ಡ್ಯಾನ್ಸರ್ ಕಿಶನ್ ಬಿಗ್ ಬಾಸ್ ಮನೆಯಿಂದ ಆಚೆ ಹೋಗಿದ್ದಾರೆ.  

ಕಿಶನ್ ಗೆ ಜಾಂಡೀಸ್ ಲಕ್ಷಣಗಳು ಕಂಡು ಬಂದಿದ್ದು ವೈದ್ಯರ ಬಳಿ ಪರೀಕ್ಷೆ ಮಾಡಿಸಬೇಕೆಂದು ಅವರಿಗೆ ಕಪ್ಪು ಬಟ್ಟೆ ಕಟ್ಟಿ ಮನೆಯಿಂದ ಆಚೆ ಕರೆದುಕೊಂಡು ಹೋಗಲಾಗಿದೆ. ಹಾಗಾಗಿ ಇಂದಿನ ಎಪಿಸೋಡ್ ನಲ್ಲಿ ಸ್ವಲ್ಪ ಮಾತ್ರ ಕಿಶನ್ ಇರುತ್ತಾರೆ. ನಾಳೆಯಿಂದ ಇರುವುದಿಲ್ಲ. 

ಕಿಶನ್ ತಾಯಿಯನ್ನು ನೆನೆಸಿಕೊಂಡು ಭಾವುಕರಾಗುವುದು ಎಂಥವರ ಕಣ್ಣಲ್ಲೂ ನೀರು ತರಿಸುತ್ತದೆ. ಒಮ್ಮೆ ಹಾಲು ಬಿಸಿ ಮಾಡುವಾಗ ಸೀಮೆಎಣ್ಣೆ ಸಿಲಿಂಡರ್ ಸಿಡಿದು ಮುಖ ವಿಕಾರವಾಗುತ್ತದೆ. ಇದು ಕಿಶನ್ ತಾಯಿಯನ್ನು ಡಿಪ್ರೆಶನ್ ಗೆ ತಳ್ಳುತ್ತದೆ. ಕನ್ನಡಿಯಲ್ಲಿ ಅವರ ಮುಖವನ್ನು ಅವರೇ ನೋಡಿಕೊಳ್ಳುವುದನ್ನು ಬಿಟ್ಟು ಬಿಟ್ಟರಂತೆ. ನಿಧಾನವಾಗಿ ಡಿಪ್ರೆಶನ್ ಗೆ ಹೋಗುತ್ತಾರೆ. ಕೊನೆ ಕೊನೆಗೆ ಅದರಿಂದ ಹೊರಬರಲಾಗದೇ ಆಲ್ಕೋಹಾಲಿಕ್ ಆಗುತ್ತಾರೆ. ಕೊನೆಗೆ ಅದರಲ್ಲೇ ಸಾವನ್ನಪ್ಪುತ್ತಾರೆ. 

ಈ ಕಥೆಯನ್ನು ನೆನೆಸಿಕೊಂಡು ಕಿಶನ್ ಅಳುತ್ತಾರೆ. ನಾನು ತಾಯಿಯನ್ನು ಚೆನ್ನಾಗಿ ನೋಡಿಕೊಂಡಿಲ್ಲ ಎಂದು ಕಣ್ಣೀರಿಡುತ್ತಾರೆ. ಯಾರೂ ನನ್ನ ಹಾಗೆ ತಪ್ಪು ಮಾಡಬೇಡಿ. ನಿಮ್ಮ ನಿಮ್ಮ ತಾಯಿಯನ್ನು ಚೆನ್ನಾಗಿ ನೋಡಿಕೊಳ್ಳಿ ಎಂದು ಹೇಳುತ್ತಾರೆ.