ಹಬಲ್ ಗುರುತಿಸಿದ ಈ ಗ್ಯಾಲಕ್ಸಿ ಸೂಪರ್ ನೋವಾಗಳ ಮದರ್ಲ್ಯಾಂಡ್!
ಸಾರಾಂಶ
ಸೂಪರ್ ನೋವಾಗಳ ತವರಾಗಿರುವ ಬೃಹತ್ ಗ್ಯಾಲಕ್ಸಿ| ನಾಸಾದ ಹಬಲ್ ಟೆಲಿಸ್ಕೋಪ್ ಪತ್ತೆ ಹಚ್ಚಿದ ಸುಂದರ ಗ್ಯಾಲಕ್ಸಿ| ಭೂಮಿಯಿಂದ 130 ಮಿಲಿಯನ್ ಜ್ಯೋತಿರ್ವರ್ಷ ದೂರದಲ್ಲಿರುವ NGC 5468| NGC 5468 ಗ್ಯಾಲಕ್ಸಿಯಲ್ಲಿ ಸಾಯಲು ಸಜ್ಜಾಗಿರುವ ನಕ್ಷತ್ರಗಳ ದೊಡ್ಡ ಪಡೆ| ಸೂಪರ್ ನೋವಾ ಹಂತಕ್ಕೆ ಬಂದು ತಲುಪಿರುವ ಸಾವಿರಾರು ನಕ್ಷತ್ರಗಳು| ಗ್ಯಾಲಕ್ಸಿಯ ಅಂಚಿನಲ್ಲಿ ಅನಿಲದ ಸುಂದರವಾದ ವೃತ್ತಾಕಾರ|
ವಾಷಿಂಗ್ಟನ್(ಡಿ.08): ಹಲವಾರು ಸೂಪರ್ ನೋವಾಗಳ ತವರಾಗಿರುವ ಬೃಹತ್ ಗ್ಯಾಲಕ್ಸಿಯೊಂದನ್ನು ನಾಸಾದ ಹಬಲ್ ಟೆಲಿಸ್ಕೋಪ್ ಪತ್ತೆ ಹಚ್ಚಿದೆ.
ಭೂಮಿಯಿಂದ ಸುಮಾರು 130 ಮಿಲಿಯನ್ ಜ್ಯೋತಿರ್ವರ್ಷ ದೂರದಲ್ಲಿರುವ NGC 5468 ಗ್ಯಾಲಕ್ಸಿಯಲ್ಲಿ ಸಾಯಲು ಸಜ್ಜಾಗಿರುವ ನಕ್ಷತ್ರಗಳ ದೊಡ್ಡ ಪಡೆಯೇ ಇದೆ ಎಂದು ನಾಸಾ ವಿಜ್ಞಾನಿಗಳು ತಿಳಿಸಿದ್ದಾರೆ.
ಹಬಲ್ ಕಣ್ಣಿಗೆ ಬಿದ್ದ ಸುಂದರ ನೀಲಿ ನಕ್ಷತ್ರಗಳ ಗ್ಯಾಲಕ್ಸಿ!
ಕಳೆದ ಎರಡು ದಶಕಗಳಿಂದ NGC 5468 ಗ್ಯಾಲಕ್ಸಿಯ ಅಧ್ಯಯನ ನಡೆಸಿರುವ ಹಬಲ್, ಸೂಪರ್ ನೋವಾ ಹಂತಕ್ಕೆ ಬಂದು ತಲುಪಿರುವ ಸಾವಿರಾರು ನಕ್ಷತ್ರಗಳನ್ನು ಗುರುತಿಸಿದೆ.
ಹಂತ ಹಂತವಾಗಿ ಈ ನಕ್ಷತ್ರಗಳು ತಮ್ಮ ಅನಿಲವನ್ನು ಕಳೆದುಕೊಳ್ಳುತ್ತಿದ್ದು, ಈ ಕಾರಣಕ್ಕೆ ಗ್ಯಾಲಕ್ಸಿಯ ಅಂಚಿನಲ್ಲಿ ಅನಿಲದ ಸುಂದರವಾದ ವೃತ್ತಾಕಾರ ನಿರ್ಮಾಣವಾಗಿದೆ ಎಂದು ನಾಸಾ ಹೇಳಿದೆ.
ಒಂದಕ್ಕೊಂದು ಸಂಬಂಧ: ಹಬಲ್ ಪತ್ತೆ ಹಚ್ಚಿದ ಗ್ಯಾಲಕ್ಸಿಗಳ ಅನುಬಂಧ!
ಕಳೆದ 30 ವರ್ಷಗಳಿಂದ ವಿಶ್ವದ ಅಧ್ಯಯನ ನಡೆಸುತ್ತಿರುವ ಹಬಲ್ ಕೂಡ ತನ್ನ ಅಂತ್ಯವನ್ನು ಸಮೀಪಿಸಿದ್ದು, ಆದರೂ ಮುಂದಿನ ಒಂದು ದಶಕಗಳ ಕಾಲ ಹಬಲ್ ತನ್ನ ಕರ್ತವ್ಯ ಮುಂದುವರೆಸಲಿದೆ ಎಂದು ನಾಸಾ ಸ್ಪಷ್ಟಪಡಿಸಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.