Karnataka News Live: ಮಂಗಳೂರು - ಪೆಹಲ್ಗಾಮ್ ದಾಳಿ ಪ್ರಕರಣದ ಹೆಸರಿನಲ್ಲಿ ಪುತ್ತೂರಿನ ವ್ಯಕ್ತಿಗೆ 1 ಕೋಟಿ 31 ಲಕ್ಷ ವಂಚನೆ!

ಸಾರಾಂಶ

ಬೆಂಗಳೂರು: ಗೃಹಜ್ಯೋತಿ ಗ್ಯಾರಂಟಿ ಯೋಜನೆಯ ಮರುಪರಿಶೀಲನೆಗೆ ಇದ್ದ ಕಾಲಾವಕಾಶವನ್ನು ಮತ್ತೆ ಅ.31ರ ವರೆಗೆ ವಿಸ್ತರಿಸಿ ಸರ್ಕಾರ ಆದೇಶಿಸಿದೆ. ಬಾಕಿ ಇರುವ ಫಲಾನುಭವಿಗಳು ಕೂಡಲೇ ಅಗತ್ಯ ದಾಖಲೆಗಳನ್ನು ನೀಡಿ ಮರು ಪರಿಶೀಲನೆ ಮಾಡಿಸಬೇಕು. ಇಲ್ಲದಿದ್ದರೆ ಯೋಜನೆ ಕಡಿತದ ಎಚ್ಚರಿಕೆ ನೀಡಲಾಗಿದೆ.

ಈ ಮೊದಲು ಯೋಜನೆಯ ಮರು ಪರಿಶೀಲನೆಗೆ ಸೆ.30 ಕೊನೆಯ ದಿನವಾಗಿತ್ತು. ಜು.1ರಿಂದ ಆರಂಭವಾಗಿದ್ದ ಮನೆ ಮನೆ ಪರಿಶೀಲನಾ ಕಾರ್ಯ ಸೆ.30ರ ಗಡುವು ಮುಗಿದರೂ ಶೇ.100ರಷ್ಟು ಪೂರ್ಣಗೊಂಡಿರಲಿಲ್ಲ. ಯೋಜನೆಯ ಸೌಲಭ್ಯ ಪಡೆಯುತ್ತಿರುವವರ ಪೈಕಿ ಶೇ.98ರಷ್ಟು ಫಲಾನುಭವಿಗಳು ಮರು ಪರಿಶೀಲನೆ ಮಾಡಿಸಿದ್ದಾರೆ. ಇನ್ನುಳಿದ ಶೇ.2ರಷ್ಟು ಫಲಾನುಭವಿಗಳಿಗಾಗಿ ಮತ್ತೆ ಮಾಸಾಂತ್ಯದ ವರೆಗೆ ಕಾಲಾವಕಾಶ ವಿಸ್ತರಿಸಲಾಗಿದೆ. ಗೃಹಜ್ಯೋತಿ ಸೌಲಭ್ಯ ಪಡೆಯುತ್ತಿರುವ ಮನೆ ಮಾಲೀಕರು ಮತ್ತು ಬಾಡಿಗೆದಾರರ ಸೂಕ್ತ ದಾಖಲೆಗಳ ಮೂಲಕ ಮರುಪರಿಶೀಲನೆ ಪ್ರಕ್ರಿಯೆ ಮಾಡಿಸಬೇಕೆಂದು ಸೂಚಿಸಲಾಗಿದೆ

09:33 AM (IST) Oct 13

ಮಂಗಳೂರು - ಪೆಹಲ್ಗಾಮ್ ದಾಳಿ ಪ್ರಕರಣದ ಹೆಸರಿನಲ್ಲಿ ಪುತ್ತೂರಿನ ವ್ಯಕ್ತಿಗೆ 1 ಕೋಟಿ 31 ಲಕ್ಷ ವಂಚನೆ!

ಪುತ್ತೂರಿನಲ್ಲಿ ನಕಲಿ ಮುಂಬೈ ಪೊಲೀಸರು ಡಿಜಿಟಲ್ ಅರೆಸ್ಟ್ ಹೆಸರಿನಲ್ಲಿ ಬೆದರಿಸಿ ವ್ಯಕ್ತಿಯೊಬ್ಬರಿಂದ ₹1.31 ಕೋಟಿ ದೋಚಿದ್ದಾರೆ. ಮತ್ತೊಂದು ಪ್ರಕರಣದಲ್ಲಿ, ಹಿರಿಯ ನಾಗರಿಕರ ಕಾರ್ಡ್ ಮಾಡಿಸಿಕೊಡುವ ನೆಪದಲ್ಲಿ ಫೇಸ್‌ಬುಕ್ ಜಾಹೀರಾತು ನಂಬಿದ ವೃದ್ಧರೊಬ್ಬರು ₹1 ಲಕ್ಷ ಕಳೆದುಕೊಂಡಿದ್ದಾರೆ. ಈ ಬಗ್ಗೆ ಸೈಬರ್ ಕ್ರೈಂ ಠಾಣೆಯಲ್ಲಿ ದೂರು ದಾಖಲಾಗಿದೆ.