ಕೊರೋನಾ ಡೆತ್ ರೇಟ್‌ನಲ್ಲಿ ಇಡೀ ರಾಜ್ಯದಲ್ಲಿಯೇ ನಂಬರ್ 1 ಇದ್ದ ಹಾವೇರಿ ಜಿಲ್ಲೆ ಮತ್ತೊಂದು ಸಾಂಕ್ರಾಮಿಕ ರೋಗದಲ್ಲೂ ನಂಬರ್ 1 ಆಗಿ ಅಪಖ್ಯಾತಿ ಗಳಿಸಿದೆ. ಕೊರೋನಾ ಎರಡನೇ ಅಲೆ ಉಲ್ಬಣಗೊಂಡ ಸಂದರ್ಭದಲ್ಲಿ ಕೊರೋನಾ ಡೆತ್ ರೇಟ್‌ನಲ್ಲಿ ಹಾವೇರಿ ನಂಬರ್ 1 ಸ್ಥಾನ ಪಡೆದಿತ್ತು.
ವರದಿ: ಪವನ್ ಕುಮಾರ್, ಏಷ್ಯಾನೆಟ್ ಸುವರ್ಣ ನ್ಯೂಸ್, ಹಾವೇರಿ
ಹಾವೇರಿ (ಆ.11): ಕೊರೋನಾ ಡೆತ್ ರೇಟ್‌ನಲ್ಲಿ ಇಡೀ ರಾಜ್ಯದಲ್ಲಿಯೇ ನಂಬರ್ 1 ಇದ್ದ ಹಾವೇರಿ ಜಿಲ್ಲೆ ಮತ್ತೊಂದು ಸಾಂಕ್ರಾಮಿಕ ರೋಗದಲ್ಲೂ ನಂಬರ್ 1 ಆಗಿ ಅಪಖ್ಯಾತಿ ಗಳಿಸಿದೆ. ಕೊರೋನಾ ಎರಡನೇ ಅಲೆ ಉಲ್ಬಣಗೊಂಡ ಸಂದರ್ಭದಲ್ಲಿ ಕೊರೋನಾ ಡೆತ್ ರೇಟ್‌ನಲ್ಲಿ ಹಾವೇರಿ ನಂಬರ್ 1 ಸ್ಥಾನ ಪಡೆದಿತ್ತು. ಬಳಿಕ ಚರ್ಮಗಂಟು ರೋಗದಿಂದ ಬಳಲಿ ಸಾವಿರಾರು ದನಕರುಗಳು ಸಾವನ್ನಪ್ಪಿದ್ದವು. ದನ ಕರುಗಳ ಸಾವಿನ ಪ್ರಮಾಣದಲ್ಲೂ ಟಾಪ್ 1 ಇದ್ದ ಹಾವೇರಿ ಜಿಲ್ಲೆ ಇತ್ತೀಚೆಗಷ್ಟೇ ರೈತರ ಆತ್ಮಹತ್ಯೆ ವಿಚಾರದಲ್ಲಿಯೂ ಭಾರಿ ಚರ್ಚೆಗೆ ಗ್ರಾಸವಾಗಿತ್ತು.
undefined
ಹಾವೇರಿ ಜಿಲ್ಲೆಯಲ್ಲಿ ಕಳೆದೆರಡು ತಿಂಗಳಲ್ಲಿಯೇ 18 ಕ್ಕೂ ಹೆಚ್ಚು ರೈತರು ಸಾಲಬಾಧೆಯಿಂದ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಇದು ಬಜೆಟ್ ಅಧಿವೇಶನದಲ್ಲಿ ವಿಪಕ್ಷಗಳಿಗೆ ದೊಡ್ಡ ಆಹಾರವಾಗಿತ್ತು.ಇದೀಗ ಮದ್ರಾಸ್ ಐ ಹರಡುವಿಕೆಯಲ್ಲೂ ಹಾವೇರಿ ಜಿಲ್ಲೆ ನಂ 1 ಸ್ಥಾನ ಪಡೆದುಕೊಂಡಿದೆ. ಹಾವೇರಿ ಜಿಲ್ಲೆಯಲ್ಲಿ ಮದ್ರಾಸ್ ಐ ಹಾವಳಿ ಜೋರಾಗಿದೆ. ಮದ್ರಾಸ್ ಐನಿಂದ ಕಂಗೆಟ್ಟ ಹಾವೇರಿ ಜನತೆ ಚಿಂತೆಗೀಡಾಗಿದ್ದಾರೆ. ಹಾವೇರಿ ಜಿಲ್ಲೆಯೊಂದರಲ್ಲೇ 9901 ಮದ್ರಾಸ್ ಐ ಕೇಸ್‌ಗಳು ಪತ್ತೆಯಾಗಿವೆ.
Haveri: ಸೈಕಲ್ ಟಯರ್‌ಗೆ 5 ರೂಪಾಯಿ ಲಗೇಜ್ ಶುಲ್ಕ ವಸೂಲಿ ಮಾಡಿದ ಕಂಡಕ್ಟರ್!
ಇಡೀ ರಾಜ್ಯದಲ್ಲಿ 64506 ಕೇಸ್‌ಗಳು ಪತ್ತೆಯಾದರೆ ಇತ್ತ ಹಾವೇರಿ ಜಿಲ್ಲೆಯಲ್ಲಿ ಅತ್ಯಧಿಕ ಮದ್ರಾಸ್ ಐ ಕೇಸ್ ಪತ್ತೆಯಾಗಿವೆ. ಬೀದರ್ ಜಿಲ್ಲೆ ಮದ್ರಾಸ್ ಐ ನಲ್ಲಿ 2 ನೇ ಸ್ಥಾನ ಪಡೆದರೆ ಶಿವಮೊಗ್ಗ ಜಿಲ್ಲೆ 3ನೇ ಸ್ಥಾನದಲ್ಲಿದೆ. ಜಿಲ್ಲೆಯ ಜನತೆಗೆ ಮದ್ರಾಸ್ ಐ ಜಾಗೃತಿ ಇಲ್ಲ. ಮದ್ರಾಸ್ ಮುಂಜಾಗ್ರತಾ ಕ್ರಮಗಳ ಬಗ್ಗೆ ಆರೋಗ್ಯ ಇಲಾಖೆ ಸರಿಯಾದ ಜಾಗೃತಿ ಕೈಗೊಂಡಿಲ್ಲ.ಆರೋಗ್ಯ ಇಲಾಖೆ ದಿವ್ಯ ನಿರ್ಲಕ್ಷ್ಯಕ್ಕೆ ಜನ ಪರದಾಡ್ತಿದ್ದಾರೆ. ಹಾವೇರಿ ಜಿಲ್ಲಾಸ್ಪತ್ರೆಯಲ್ಲಿ ಸಾವಿರಾರು ರೋಗಿಗಳು ಕ್ಯೂನಲ್ಲಿ ನಿಂತು ಚಿಕಿತ್ಸೆ ಪಡೆಯುತ್ತಿದ್ದಾರೆ.