ಮಹಿಳೆ ಜತೆ ಲೈಂಗಿಕ ಸಂಬಂಧ ಪ್ರಕರಣ| ದಾವಣಗೆರೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಐಪಿಎಸ್‌ ಅಧಿಕಾರಿಯೊಬ್ಬರ ಮಹಿಳೆ ಜೊತೆಗಿನ ಚುಂಬನದ ದೃಶ್ಯದ ವಿಡಿಯೋ ವೈರಲ್‌| ಸಮವಸ್ತ್ರದಲ್ಲಿರುವಾಗಲೇ ಅಧಿಕಾರಿಯೇ ಮೊಬೈಲ್‌ನಲ್ಲಿ ಚಿತ್ರೀಕರಿಸಿಕೊಂಡಿದ್ದರು ಎಂಬ ಆರೋಪ|
ಬೆಂಗಳೂರು(ನ.29): ಐಪಿಎಸ್‌ ಅಧಿಕಾರಿಯೊಬ್ಬರು ಮಹಿಳೆಯೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದ ಪ್ರಕರಣ ಕುರಿತಂತೆ ಅಧಿಕಾರಿ ವಿರುದ್ಧ ಪರಿಶೀಲನೆ ನಡೆಸಿ ಸೂಕ್ತ ಕ್ರಮ ಕೈಗೊಳುವಂತೆ ರಾಜ್ಯ ಗೃಹ ಇಲಾಖೆಗೆ ಕೇಂದ್ರ ಗೃಹ ಸಚಿವಾಲಯ ಪತ್ರ ಬರೆದಿದೆ.
ದಾವಣಗೆರೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಐಪಿಎಸ್‌ ಅಧಿಕಾರಿಯೊಬ್ಬರ ಮಹಿಳೆ ಜೊತೆಗಿನ ಚುಂಬನದ ದೃಶ್ಯದ ವಿಡಿಯೋ ಕಳೆದ 2018ರಲ್ಲಿ ವೈರಲ್‌ ಆಗಿತ್ತು. ಸಮವಸ್ತ್ರದಲ್ಲಿರುವಾಗಲೇ ಅಧಿಕಾರಿಯೇ ಮೊಬೈಲ್‌ನಲ್ಲಿ ಚಿತ್ರೀಕರಿಸಿಕೊಂಡಿದ್ದರು ಎಂಬ ಆರೋಪ ವ್ಯಕ್ತವಾಗಿತ್ತು.
ಒನ್‌ವೇನಲ್ಲಿ ಸ್ಕೂಟಿ ಚಾಲನೆ ಮಾಡಿದ ಯುವಕ ; ಪೊಲೀಸರಿಂದ ಬಿತ್ತು ಥಳಿತ
ಆ ಐಪಿಎಸ್‌ ಅಧಿಕಾರಿ ತನ್ನ ಅಧಿಕಾರ ದುರ್ಬಳಕೆ ಮಾಡಿಕೊಂಡು ನನ್ನ ಪತ್ನಿ ಜೊತೆ ಸಂಬಂಧ ಹೊಂದಿದ್ದಾರೆ ಎಂದು ಆ ಮಹಿಳೆಯ ಪತಿ ದೂರು ನೀಡಿದ್ದರು. ತನಗೆ ನ್ಯಾಯ ಕೊಡಿಸುವಂತೆ ಕೋರಿ ರಾಷ್ಟ್ರಪತಿ ಹಾಗೂ ಪ್ರಧಾನಮಂತ್ರಿ, ಕೇಂದ್ರ ಗೃಹ ಸಚಿವಾಲಯಗಳಿಗೂ ಪತ್ರ ಬರೆದಿದ್ದರು. ಈ ಹಿನ್ನೆಲೆಯಲ್ಲಿ ರಾಜ್ಯ ಗೃಹ ಇಲಾಖೆಗೆ ಕೇಂದ್ರ ಗೃಹ ಸಚಿವಾಲಯ ಜೂನ್‌ನಲ್ಲಿ ಪತ್ರ ಬರೆದಿದೆ ಎಂದು ತಿಳಿದುಬಂದಿದೆ.