ಬಂಧನ ಭೀತಿಯಲ್ಲಿದ್ದ ವೇಗಿ ಮೊಹ​ಮ್ಮದ್ ಶಮಿಗೆ ಕೊಂಚ ರಿಲ್ಯಾಕ್ಸ್!

ಪತ್ನಿ ದೂರಿನಿಂದ ಬಂಧನ ಭೀತಿಯಲ್ಲಿದ್ದ  ಟೀಂ ಇಂಡಿಯಾ ವೇಗಿ ಮೊಹಮ್ಮದ್ ಶಮಿ ಕೊಂಚ ರಿಲ್ಯಾಕ್ಸ್ ಆಗಿದ್ದಾರೆ. ಅಮೇರಿಕಾದಲ್ಲಿ ತಂಗಿರುವ ಶಮಿ ಸೆಪ್ಟೆಂಬರ್ 12 ರಂದು  ಭಾರತಕ್ಕೆ ಮರಳಲಿದ್ದಾರೆ. ಅದಕ್ಕೂ ಮುನ್ನ ಶಮಿಗೆ ಬಂಧನ ಭೀತಿಯಿಂದ ಮುಕ್ತರಾಗಿದ್ದಾರೆ.   

ಕೋಲ್ಕ​ತಾ(ಸೆ.10): ಕೌಟುಂಬಿಕ ಹಿಂಸಾಚಾ​ರ ಪ್ರಕ​ರ​ಣ​ದಲ್ಲಿ ಅರೆಸ್ಟ್ ವಾರೆಂಟ್ ಪಡೆದಿದ್ದ ಟೀಂ ಇಂಡಿಯಾ ವೇಗಿ ಮೊಹಮ್ಮದ್ ಶಮಿ ನಿಟ್ಟುಸಿರು ಬಿಟ್ಟಿದ್ದಾರೆ. ಸದ್ಯ ಅಮೇರಿಕಾದಲ್ಲಿರುವ ಶಮಿ ಬಂಧನಕ್ಕೆ 2 ತಿಂಗಳು ಬ್ರೇಕ್ ಹಾಕಲಾಗಿದೆ. ಶಮಿ ವಕೀಲರ ಸತತ ಹೋರಾಟದಿಂದ ಇದೀಗ ಅಲಿಪೋರ್ ನ್ಯಾಯಾಲಯ ಶಮಿ ಬಂಧನಕ್ಕೆ 2 ತಿಂಗಳ ತಡೆಯೊಡ್ಡಿದೆ.

ಇದನ್ನೂ ಓದಿ: ವಕೀಲರ ಜೊತೆ ನಿರಂತರ ಸಂಪರ್ಕದಲ್ಲಿ ಶಮಿ; ಸೆ.12ಕ್ಕೆ ತವರಿಗೆ!

ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿದ್ದ ಮೊಹಮ್ಮದ್ ಶಮಿಗೆ ಅಲಿಪೋರ್ ನ್ಯಾಯಾ​ಲ​ಯವೇ 15 ದಿನ​ದೊ​ಳಗೆ ಶರ​ಣಾ​ಗು​ವಂತೆ ವಿಂಡೀಸ್‌ ಪ್ರವಾ​ಸ​ದ​ಲ್ಲಿದ್ದ ಶಮಿಗೆ ಆದೇ​ಶಿ​ಸಿತ್ತು. ಆದರೆ ಜಿಲ್ಲಾ ನ್ಯಾಯ​ಮೂರ್ತಿ ಜಸ್ಟಿಸ್‌ ರಾಯ್‌ ಚಟ್ಟೋ​ಪ​ಧ್ಯಾಯ್‌ ಶಮಿ ಬಂಧ​ನಕ್ಕೆ ತಡೆ​ಯೊ​ಡ್ಡಿ​ದ್ದು, ನ.2ಕ್ಕೆ ನ್ಯಾಯಾ​ಲಯ ಹೆಚ್ಚು​ವರಿ ವಿಚಾ​ರಣೆ ನಡೆ​ಸ​ಲಿ​ದೆ. 

ಇದನ್ನೂ ಓದಿ: "ಅಸರಾಂ, ರಾಮ್ ರಹೀಮ್‌ರನ್ನೇ ಕಾನೂನು ಬಿಡಲಿಲ್ಲ, ಶಮಿ ಯಾವ ಲೆಕ್ಕ"?

ಶಮಿ ವಿರುದ್ಧ ಪತ್ನಿ ಹಸಿನ್‌ ಜಹಾನ್‌ ಕೌಟುಂಬಿಕ ಹಿಂಸಾಚಾ​ರ ದೂರು ದಾಖ​ಲಿ​ಸಿ​ದ್ದರು. ಕಳೆದೊಂದು ವರ್ಷದಿಂದ ನಿರಂತರ ಹೋರಾಟ ನಡೆಸುತ್ತಿರುವ ಹಸಿನ್ ಜಹಾನ್, ಶಮಿಗೆ ಬಂಧನ ವಾರೆಂಟ್ ಕೊಡಿಸುವಲ್ಲಿ ಯಶಸ್ವಿಯಾಗಿದ್ದರು. ಬಳಿಕ ಅಸರಾಂ ಬಾಪು, ರಾಮ್ ರಹೀಮ್ ಅವರೇ ಕಾನೂನಿನಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಇನ್ನು ಶಮಿ ಯಾವ ಲೆಕ್ಕ ಎಂದು ಪ್ರತಿಕ್ರಿಯೆ ನೀಡಿದ್ದರು.