Plastic Pollution: ಜೀವ ಸಂಕಟದಲ್ಲಿ ಜಲಚರ: ಸಮುದ್ರದ ಉದ್ದಗಲಕ್ಕೂ ಹಬ್ಬಿದ ಪ್ಲಾಸ್ಟಿಕ್‌ ಮಾಲಿನ್ಯ!

ವಿಶ್ವ ವನ್ಯಜೀವಿ ನಿಧಿ (WWF) ಹೊಸ ವರದಿಯು ಪಳೆಯುಳಿಕೆ-ಇಂಧನದಿಂದ ಪಡೆದ ವಸ್ತುವು "ಸಮುದ್ರದ ಪ್ರತಿಯೊಂದು ಭಾಗವನ್ನು ತಲುಪಿದೆ" ಎಂದು ಹೇಳುತ್ತದೆ. ವಿಶ್ವ ವನ್ಯಜೀವಿ ನಿಧಿ  ಪ್ಲಾಸ್ಟಿಕ್‌ಗಳ ಮೇಲೆ ಅಂತರರಾಷ್ಟ್ರೀಯ ಒಪ್ಪಂದವನ್ನು ರಚಿಸುವಂತೆ ಮನವಿ ಮಾಡಿದೆ.  

Tech Desk: ಪ್ರಪಂಚದಾದ್ಯಂತ ದಿನದಿಂದ ದಿನಕ್ಕೆ ಪ್ಲಾಸ್ಟಿಕ್ ಬಳಕೆ ಹೆಚ್ಚಾಗುತ್ತಿದೆ. ಜಾಗತಿಕ ತಾಪಮಾನ ಹೆಚ್ಚಳ, ಪ್ರಾಕೃತಿಕ ವಿಕೋಪ, ಜೀವ ಹಾಗೂ ಸಸ್ಯ ಸಂಕುಲ, ಜಲಚರಗಳಿಗೆ ಮಾರಕವಾಗಿರುವ ಪ್ಲಾಸ್ಟಿಕ್ ನಿಷೇಧಕ್ಕೆ ಭಾರತ ಸೇರಿದಂತೆ ಜಗತ್ತಿನ ಇತರ ರಾಷ್ಟ್ರಗಳಲ್ಲಿ ಈಗಾಗಲೇ ಹಲವು ಕಾರ್ಯಕ್ರಮಗಳನ್ನು ಜಾರಿಗೆ ತರಲಾಗಿದೆ. ಈ ಮಧ್ಯೆ ಆತಂಕಕಾರಿ ವಿಷಯವೊಂದು ಬಹಿರಂಗಗೊಂಡಿದ್ದು ಈಗಾಗಲೇ ಪ್ಲಾಸ್ಟಿಕ್ ಸಾಗರದ ಎಲ್ಲಾ ಭಾಗಗಳಲ್ಲಿ ನುಸುಳಿದೆ ಎಂದು  ವಿಶ್ವ ವನ್ಯಜೀವಿ ನಿಧಿ (World Wildlife Fund) ಮಂಗಳವಾರ  ಹೇಳಿದೆ. ಅಲ್ಲದೇ ಪ್ಲಾಸ್ಟಿಕ್‌ಗಳ ಮೇಲೆ ಅಂತರರಾಷ್ಟ್ರೀಯ ಒಪ್ಪಂದವನ್ನು ರಚಿಸಲು ತುರ್ತು ಕ್ರಮ ಕೈಗೊಳ್ಳಬೇಕೆಂದು ವಿಶ್ವ ವನ್ಯಜೀವಿ ನಿಧಿ ಕರೆ ನೀಡಿದೆ. 

ವರದಿಯಲ್ಲೇನಿದೆ?: ವಿಶ್ವ ವನ್ಯಜೀವಿ ನಿಧಿ ಪ್ರಕಟಿಸಿದ ವರದಿಯ ಪ್ರಕಾರ, 88% ಸಮುದ್ರ ಪ್ರಭೇದಗಳು ಸಾಗರದಲ್ಲಿನ ಪ್ಲಾಸ್ಟಿಕ್‌ನ ತೀವ್ರ ಮಾಲಿನ್ಯದಿಂದ ಪ್ರಭಾವಿತವಾಗಿವೆ. ಮನುಷ್ಯರು ಸಾಮಾನ್ಯವಾಗಿ ಸೇವಿಸುವ ಪ್ರಾಣಿಗಳು ಸೇರಿದಂತೆ ಹಲವು ಪ್ರಾಣಿಗಳು ಈ ಪ್ಲಾಸ್ಟಿಕ್‌ಗಳನ್ನು ಸೇವಿಸಿವೆ ಎಂದು ವರದಿ ಹೇಳಿದೆ.ಜರ್ಮನಿಯ ಆಲ್‌ಫ್ರೆಡ್ ವೆಗೆನರ್ ಇನ್‌ಸ್ಟಿಟ್ಯೂಟ್ ಸಹಯೋಗದಲ್ಲಿ ರಚಿಸಲಾದ ವರದಿಯು ಈ ವಿಷಯದ ಕುರಿತು 2,590 ವೈಜ್ಞಾನಿಕ ಅಧ್ಯಯನಗಳಿಂದ ಮಾಹಿತಿಯನ್ನು ಸಂಗ್ರಹಿಸಿದೆ. ಇದು ಸಾಗರದಲ್ಲಿ ಪ್ಲಾಸ್ಟಿಕ್ ಮತ್ತು ಮೈಕ್ರೋಪ್ಲಾಸ್ಟಿಕ್ ಪ್ರಭಾವವನ್ನು ಅಳೆಯುತ್ತದೆ.

ಇದನ್ನೂ ಓದಿ: ಪ್ರಪಂಚದ 90 ದೇಶಗಳಲ್ಲಿ ಒಟ್ಟು 44 ಮಿಲಿಯನ್ ಮರಗಳು: 73,300 ಪ್ರಭೇದಗಳನ್ನು ಗುರುತಿಸಿದ ವಿಜ್ಞಾನಿಗಳು!

ಅಟ್ಲಾಂಟಿಕ್ ಮತ್ತು ಪೆಸಿಫಿಕ್ ಸಾಗರಗಳಲ್ಲಿ ತೇಲುವ ಪ್ಲಾಸ್ಟಿಕ್ ತುಂಡುಗಳಿಂದ ಮಾಡಲ್ಪಟ್ಟ ದೈತ್ಯಾಕಾರದ "ಪ್ಲಾಸ್ಟಿಕ್ ದ್ವೀಪಗಳು" ಕಂಡುಬಂದಿವೆ. ಪಳೆಯುಳಿಕೆ-ಇಂಧನ ಮೂಲದ ವಸ್ತುವು "ಸಮುದ್ರದ ಮೇಲ್ಮೈಯಿಂದ ಆಳವಾದ ಸಾಗರ ತಳದವರೆಗೆ, ಧ್ರುವಗಳಿಂದ ಅತ್ಯಂತ ದೂರದ ದ್ವೀಪಗಳ ಕರಾವಳಿಯವರೆಗೆ ಸಮುದ್ರದ ಪ್ರತಿಯೊಂದು ಭಾಗವನ್ನು ತಲುಪಿದ್ದು ಚಿಕ್ಕ ಗಾತ್ರದ ಪ್ಲಾಸ್ಟಿಕ್‌ನಿಂದ ಹಿಡಿದು ತಿಮಿಂಗಿಲದಷ್ಟು ದೊಡ್ಡದಾಗಿರುವ ಪ್ಲಾಸ್ಟಿಕ್‌ ಸಂಗ್ರಹಣೆ ಕಂಡುಬಂದಿದೆ ಎಂದು ವರದಿಯು ಕಂಡುಹಿಡಿದಿದೆ. ."

2040ರ ವೇಳೆಗೆ ಪ್ಲಾಸ್ಟಿಕ್ ಉತ್ಪಾದನೆ ದ್ವಿಗುಣ:   ಕನಿಷ್ಠ 2,144 ಪ್ರಭೇದಗಳು ತಮ್ಮ ಆವಾಸಸ್ಥಾನದಲ್ಲಿ ಪ್ಲಾಸ್ಟಿಕ್ ಮಾಲಿನ್ಯದಿಂದ ಬಳಲುತ್ತಿದ್ದಾರೆ ಎಂದು ವಿಶ್ವ ವನ್ಯಜೀವಿ ನಿಧಿ  ಸೂಚಿಸಿದೆ ಮತ್ತು ಈ ಕೆಲವು ಪ್ರಭೇದಗಳು ಈ ವಸ್ತುಗಳನ್ನು ಸೇವಿಸುತ್ತವೆ. ಇದು 90% ಸಮುದ್ರ ಪಕ್ಷಿಗಳು ಮತ್ತು 52% ಆಮೆಗಳ  ಮೇಲೆ ಪ್ರಭಾವ ಬೀರಿದೆ ಎಂದು ವರದಿ ತಿಳಿಸಿದೆ. 

2040ರ ವೇಳೆಗೆ ಪ್ಲಾಸ್ಟಿಕ್ ಉತ್ಪಾದನೆ ದ್ವಿಗುಣಗೊಳ್ಳಲಿದ್ದು, ಇದರಿಂದ ಸಾಗರದಲ್ಲಿ ಪ್ಲಾಸ್ಟಿಕ್ ತ್ಯಾಜ್ಯ ನಾಲ್ಕು ಪಟ್ಟು ಹೆಚ್ಚಾಗಲಿದೆ ಎಂದು ವರದಿ ಭವಿಷ್ಯ ನುಡಿದಿದೆ. ಇದುವಿಶ್ವ ವನ್ಯಜೀವಿ ನಿಧಿ ಪ್ರಕಾರ, ಗ್ರೀನ್‌ಲ್ಯಾಂಡ್‌ನ ಎರಡೂವರೆ ಪಟ್ಟು ಗಾತ್ರದ ಪ್ರದೇಶದ ಮೇಲೆ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ: 3D Printed Space Planes: ಹೈಡ್ರೋಜನ್ ಎಂಜಿನ್, ಶೂನ್ಯ ಇಂಗಾಲ: ಉಪಗ್ರಹ ಉಡಾವಣೆಗೆ ಹೊಸ ತಂತ್ರಜ್ಞಾನ!

ಹಳದಿ ಸಮುದ್ರ, ಪೂರ್ವ ಚೀನಾ ಸಮುದ್ರ ಮತ್ತು ಮೆಡಿಟರೇನಿಯನ್ ಸಮುದ್ರ ಪ್ರದೇಶಗಳು ಅತ್ಯಂತ ಅಪಾಯಕಾರಿ ಸಮುದ್ರ ಪ್ರದೇಶಗಳಾಗಿವೆ ಎಂದುವಿಶ್ವ ವನ್ಯಜೀವಿ ನಿಧಿ ಹೇಳಿದೆ. ಈ ಪ್ರದೇಶಗಳು ಈಗಾಗಲೇ ಮೈಕ್ರೋಪ್ಲಾಸ್ಟಿಕನ್ನು ಹೀರಿಕೊಳ್ಳುವ ಮಿತಿಯನ್ನು ತಲುಪಿವೆ. 

ಮಾಲಿನ್ಯಕ್ಕೆ ಕಾರಣವೇನು?: ವನ್ಯಜೀವಿ ನಿಧಿ ಹೇಳಿದೆ ತಜ್ಞ ಎರಿಕ್ ಲಿಂಡೆಬ್ಜೆರ್ಗ್ ಮಾತನಾಡಿ, "ಮೀನುಗಾರಿಕೆಯು ಸಮುದ್ರ ಮಾಲಿನ್ಯಕ್ಕೆ ಪ್ರಮುಖ ಕೊಡುಗೆಯಾಗಿದ್ದರೂ, ಮುಖ್ಯ ಅಂಶವೆಂದರೆ ಏಕ-ಬಳಕೆಯ ಪ್ಲಾಸ್ಟಿಕ್‌ಗಳ ಹರಡುವಿಕೆ. ಪ್ಲಾಸ್ಟಿಕ್ ಅಗ್ಗವಾಗಿದೆ ಎಂಬ ಕಾರಣದಿಂದಾಗಿ, ತಯಾರಕರು ಅದನ್ನು ದೊಡ್ಡ ಪ್ರಮಾಣದಲ್ಲಿ ಉತ್ಪಾದಿಸುತ್ತಾರೆ ಮತ್ತು ಇದು ಏಕ-ಬಳಕೆಯ ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸಲು ಅವಕಾಶ ಮಾಡಿಕೊಟ್ಟಿದೆ, ಅದು ನಂತರ ತ್ಯಾಜ್ಯವಾಗಿ ಪರಿಣಮಿಸುತ್ತದೆ" ಎಂದು ಹೇಳಿದ್ದಾರೆ. 

ಲಿಂಡೆಬ್ಜೆರ್ಗ್ ಪ್ರಕಾರ, ಕೆಲವು ಸ್ಥಳಗಳು "ಪರಿಸರ ವ್ಯವಸ್ಥೆಯ ಕುಸಿತ"ದ ಅಪಾಯವನ್ನು ಎದುರಿಸುತ್ತವೆ, ಅದು ಸಂಪೂರ್ಣ ಸಮುದ್ರ ಆಹಾರ ವ್ಯವಸ್ಥೆ ಮೇಲೆ ಪರಿಣಾಮ ಬೀರುತ್ತದೆ. ಫೆಬ್ರವರಿ 28 ರಿಂದ ಮಾರ್ಚ್ 2 ರವರೆಗೆ ಕೀನ್ಯಾದ ರಾಜಧಾನಿ ನೈರೋಬಿಯಲ್ಲಿ ನಡೆಯಲಿರುವ ಯುಎನ್ ಪರಿಸರ ಸಭೆಯಲ್ಲಿ (UN environment meeting) ಪ್ಲಾಸ್ಟಿಕ್‌ಗಳ ಕುರಿತು ಅಂತರರಾಷ್ಟ್ರೀಯ ಒಪ್ಪಂದವನ್ನು ರೂಪಿಸುವ ಉದ್ದೇಶದಿಂದ ವಿಶ್ವ ವನ್ಯಜೀವಿ ನಿಧಿ ಮಾತುಕತೆಗೆ ಕರೆ ನೀಡುತ್ತಿದೆ. ಇದು ಜಾಗತಿಕ ಉತ್ಪಾದನಾ ಮಾನದಂಡಗಳನ್ನು ಮತ್ತು ನಿಜವಾದ "ಮರುಬಳಕೆ" ಸ್ಥಾಪಿಸಲು ರಾಷ್ಟ್ರಗಳ  ಒಪ್ಪಂದ ಮಾಡಿಕೊಳ್ಳವಂತೆ ಕರೆ ನೀಡಿದೆ.