ಕಿಶೋರ್‌ ಮೂಡುಬಿದ್ರೆ ನಿರ್ದೇಶನದ ‘ಮಾಲ್ಗುಡಿ ಡೇಸ್’ ಸಿನಿಮಾ ಇದೇ ಫೆ.7ರಂದು ತೆರೆಗೆ ಬರುತ್ತಿದೆ. ಈ ಚಿತ್ರದಲ್ಲಿ ನಾಯಕನಾಗಿ ನಟಿಸಿರುವ ವಿಜಯ್ ರಾಘವೇಂದ್ರ ಅವರ ಗೆಟಪ್‌ಗಳ ಕಾರಣಕ್ಕೆ ಸಾಕಷ್ಟುಸದ್ದು ಮಾಡುತ್ತಿರುವ ಸಿನಿಮಾ ಇದು
ಈಗಾಗಲೇ ಅವರ ಹಿರಿತನದ ಗೆಟಪ್ ಬಹಿರಂಗಗೊಂಡಿದೆ. ಟೀಸರ್‌ ಹಾಗೂ ಹಾಡಿನಲ್ಲಿ 75 ವರ್ಷದ ವೃದ್ಧನಾಗಿ ವಿಜಯ್ ರಾಘವೇಂದ್ರ ಅವರು ಹೇಗೆ ನಟಿಸಿರಬಹುದು ಎನ್ನುವ ಕುತೂಹಲ ಹುಟ್ಟು ಹಾಕಿದೆ. ಈಗ ಅವರ ಮತ್ತೊಂದು ಲುಕ್‌ ಬಂದಿದೆ. ಇಲ್ಲಿ ಶಾಲಾ ಬಾಲಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಲುಕ್‌ನಲ್ಲಿ ಅವರು ಆರಂಭದ ಚಿನ್ನಾರಿ ಮುತ್ತನ ದಿನಗಳನ್ನು ನೆನಪಿಸುತ್ತಿದ್ದಾರೆ.
ಫೆ. 7 ಕ್ಕೆ ಮಾಲ್ಗುಡಿ ಡೇಸ್ ತೆರೆಗೆ; ಕುತೂಹಲ ಮೂಡಿಸಿದೆ ವಿಜಿ ಹೊಸ ಗೆಟಪ್
undefined
ಅಚ್ಚರಿ ಮೂಡಿಸುವಷ್ಟುಮೇಕ್‌ಓವರ್‌ ಮಾಡಿಕೊಂಡಿರುವ ವಿಜಯ್ ರಾಘವೇಂದ್ರ, ವಿಶೇಷವಾದ ಮೇಕಪ್‌ಗಳಿಂದಲೇ ಗೆಟಪ್‌ಗಳಿಂದಲೇ ಗಮನ ಸೆಳೆಯುತ್ತಿದ್ದಾರೆ. ಚಿತ್ರದಲ್ಲಿ ಶಾಲಾ ಬಾಲಕನ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದಕ್ಕಾಗಿ ವಿಜಯ್ ರಾಘಲವೇಂದ್ರ ಅವರು 18 ಕೆ.ಜಿ. ತೂಕ ಇಳಿಸಿದ್ದಾರೆ. ಈಗಾಗಲೇ ಬಿಡುಗಡೆ ಆಗಿರುವ ಟ್ರೇಲರ್‌ನಲ್ಲಿ ಅವರ ಈ ಯಂಗ್‌ ಲುಕ್‌ ಒಳಗೊಂಡಿದ್ದು ವಿಶೇಷವಾಗಿದೆ. ತೀರ್ಥಹಳ್ಳಿಯ ಶಾಲೆಯೊಂದರಲ್ಲಿ ಈ ದೃಶ್ಯಗಳ ಚಿತ್ರೀಕರಣ ನಡೆದಿದ್ದು, ಬಹುತೇಕ ಮಳೆಯಲ್ಲೇ ಚಿತ್ರೀಕರಿಸಲಾಗಿದೆಯಂತೆ.
ಈ ಹಿಂದೆ ತುಳು ಚಿತ್ರರಂಗದಲ್ಲಿ ‘ಅಪ್ಪೆ ಟೀಚರ್‌’ ಎಂಬ ಚಿತ್ರವನ್ನು ನಿರ್ದೇಶಿಸಿ, ನಿರ್ಮಿಸಿದ್ದ ಕಿಶೋರ್‌ ಮೂಡುಬಿದ್ರೆ ಹಾಗೂ ರತ್ನಾಕರ್‌ ಕಾಮತ್‌ ಅವರ ಕಾಂಬಿನೇಷನ್‌ನಲ್ಲಿ ಬಂದಿರುವ ‘ಮಾಲ್ಗುಡಿ ಡೇಸ್’ ಸಿನಿಮಾ ಇನ್ನೇನು ತೆರೆ ಮೇಲೆ ಬರುವುದು ಬಾಕಿ. ತುಳು ಚಿತ್ರದಲ್ಲಿ ಯಶಸ್ಸು ಕಂಡ ಈ ಜೋಡಿ, ಕನ್ನಡ ಚಿತ್ರದ ಮೂಲಕವೂ ಗೆಲುವು ಕಾಣುತ್ತದೆಂಬ ನಂಬಿಕೆ ಇದೆ.