ಸಿನಿಮಾ ರಿಲೀಸ್ಗೆ ಚಿತ್ರತಂಡಗಳ ಪೈಪೋಟಿ; ಯಾರು ಮೊದಲು, ಯಾರು ಕೊನೆ..
ಸಾರಾಂಶ
ಅನ್ಲಾಕ್ ಆಗುತ್ತಿದ್ದಂತೆ ಸಿನಿಮಾ ಬಿಡುಗಡೆಗೆ ದಿನಾಂಕ ಫಿಕ್ಸ್ ಮಾಡುತ್ತಿರುವ ನಿರ್ಮಾಪಕರು. ಯಾರ ಸಿನಿಮಾ ಫಸ್ಟ್ ರಿಲೀಸ್ ಆದ್ರೆ ಕಲೆಕ್ಷನ್ ಸೂಪರ್?
ಒಂದು ಕಡೆ ಶೂಟಿಂಗ್ ಕೆಲಸಗಳು, ಮತ್ತೊಂದು ಕಡೆ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳ ನಡುವೆ ಬಿಡುಗಡೆಯ ದಿನ ಬುಕಿಂಗ್ ಕೂಡ ಜೋರಾಗಿದೆ. ಶೂಟಿಂಗ್ ಮುಗಿಸಿಕೊಂಡಿರುವ ಸಿನಿಮಾಗಳು ಯಾವ ದಿನ ತೆರೆಗೆ ಬರಬೇಕು, ಬೇರೆ ಚಿತ್ರಗಳ ಪೈಪೋಟಿ ಇವೆಯೇ, ಮಳೆ ಇರುತ್ತದೆಯೇ ಎಂಬಿತ್ಯಾದಿ ಲೆಕ್ಕಾಚಾರಗಳನ್ನು ಹಾಕಿಕೊಂಡೇ ತಮ್ಮ ಚಿತ್ರಗಳನ್ನು ಇಂಥ ದಿನ, ಇಂಥ ತಿಂಗಳು ಬಿಡುಗಡೆ ಬಿಡುಗಡೆ ಮಾಡುವುದಾಗಿ ಘೋಷಣೆ ಮಾಡುತ್ತಿದ್ದಾರೆ. ಆ ಮೂಲಕ ಬಿಡುಗಡೆ ದಿನಾಂಕಗಳನ್ನು ಪರೋಕ್ಷವಾಗಿ ಬ್ಲಾಕ್ ಮಾಡಿಕೊಳ್ಳುತ್ತಿವೆ.
ಸದ್ಯ ಈಗಿನ ಲೆಕ್ಕಾಚಾರದ ಪ್ರಕಾರ ಶಿವರಾಜ್ಕುಮಾರ್ ‘ಭಜರಂಗಿ 2’ ಹಾಗೂ ಸುದೀಪ್ ಅವರ ‘ವಿಕ್ರಾಂತ್ ರೋಣ’ ಚಿತ್ರಗಳು ಆಗಸ್ಟ್ ತಿಂಗಳಲ್ಲಿ ಬರುವ ಸಾಧ್ಯತೆಗಳಿವೆ. ನಂತರ ದುನಿಯಾ ವಿಜಯ್ ‘ಸಲಗ’, ‘ಕೋಟಿಗೊಬ್ಬ 3’ ಚಿತ್ರಗಳನ್ನು ಯಾವಾಗ ತೆರೆಗೆ ತರಬೇಕು ಎನ್ನುವ ಲೆಕ್ಕಾಚಾರಗಳು ಆ ಚಿತ್ರಗಳ ನಿರ್ಮಾಪಕರು ಹಾಕುತ್ತಿದ್ದಾರೆ.
ಈ ಚಿತ್ರಗಳ ಜತೆಗೆ ರಮೇಶ್ ಅರವಿಂದ್ ಅವರ ‘100’, ಗಣೇಶ್ ನಟನೆಯ ‘ಗಾಳಿಪಟ 2’, ಸತೀಶ್ ನೀನಾಸಂ ಅವರ ‘ಪೆಟ್ರೋಮ್ಯಾಕ್ಸ್’ ಚಿತ್ರಗಳೂ ಸಹ ಶೂಟಿಂಗ್ ಮುಗಿಸಿವೆ. ಈ ಚಿತ್ರಗಳ ನಿರ್ಮಾಪಕರು ಕೂಡ ತಮ್ಮ ಚಿತ್ರಮಂದಿರಗಳಿಗೆ ಬರುವ ಮುಹೂರ್ತದ ದಿನಕ್ಕಾಗಿ ಕಾಯುತ್ತಿದ್ದು, ಯಾವ ದಿನ, ಯಾವ ತಿಂಗಳು ತಮ್ಮ ಚಿತ್ರಗಳಿಗೆ ಬುಕ್ ಮಾಡಿಕೊಳ್ಳಬೇಕು ಎನ್ನುವ ಯೋಚನೆಯಲ್ಲಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.