ಕರ್ನಾಟಕದಲ್ಲಿ ಜನರು ಈಗ ಅವ್ರನ್ನು ನೋಡಿ ತುಂಬಾ ಭಯ ಬೀಳ್ತಿದಾರೆ!

ಎರಡೂವರೆ ವರ್ಷಗಳ ನಂತರ ಕಿಚ್ಚ ಸುದೀಪ್ ನಟನೆಯ 'ಮ್ಯಾಕ್ಸ್' ಚಿತ್ರ ಬಿಡುಗಡೆಯಾಗಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಚಿತ್ರಮಂದಿರಗಳಲ್ಲಿ ಹೌಸ್‌ಫುಲ್ ಪ್ರದರ್ಶನ ಕಂಡು 2024ರ ಹಿಟ್ ಚಿತ್ರಗಳ ಸಾಲಿಗೆ ಸೇರ್ಪಡೆಯಾಗಿದೆ. ಅಭಿಮಾನಿಗಳಿಗೆ ಹಬ್ಬದೂಟ ನೀಡಿದ ಈ ಚಿತ್ರ ಯಶಸ್ಸಿನತ್ತ ದಾಪುಗಾಲು ಹಾಕಿದೆ.

ಯಾರನ್ನು ಬೇಕಾದ್ರೂ ಎದುರು ಹಾಕಿಕೊಳ್ಳಬಹುದು. ಆದರೆ ಅವರನ್ನು ಮಾತ್ರ ಬೇಡ.. ಅವರೇನಾದ್ರೂ ಬಂದ್ರೆ ಕಥೆ ಮುಗೀತು ಅಂತಾನೇ ಲೆಕ್ಕ.. ಅವರ ಹೆಸರು ಕೇಳಿದರೆ ಸಾಕು ಎಂತಹ ಖತರ್ನಾಕ್ ಗ್ಯಾಂಗ್ ಕೂಡ ನಡುಗುತ್ತೆ.. ಆ ಮಟ್ಟಿಗೆ ಭಯ ಹುಟ್ಟಿಸಿರುವ ಪೊಲೀಸ್ ಅಧಿಕಾರಿ ಆತ.. ಈಗೊಂದು ವಾರದಿಂದ ಅವರದ್ದೇ ಹವಾ ಕರ್ನಾಟಕದ ತುಂಬೆಲ್ಲಾ ಅದೆಷ್ಟು ಹುಬ್ಬಿದೆ ಎಂದರೆ, ಆ ಹೆಸರು ಹೇಳಿದರೆ ಸಾಕು ಜನರು ಶಾಕ್ ಆಗ್ತಾರೆ. ಆದ್ರೆ, ಅವರನ್ನು ನೋಡಲು ಎಲ್ಲಾ ಕಡೆ ಮುಗಿಬಿದ್ದಿದ್ದಾರೆ. ಅವರು ಬೇರಾರೂ ಅಲ್ಲ, ಮ್ಯಾಕ್ಸ್ ಎಂಬ ದಕ್ಷ ಪೊಲೀಸ್ ಅಧಿಕಾರಿ! ಹೌದು, ಅವರು ಕಿಚ್ಚ ಸುದೀಪ್ ನಟನೆಯ 'ಮ್ಯಾಕ್ಸ್' ಪೊಲೀಸ್!

ಹೌದು, ಮ್ಯಾಕ್ಸ್ (Max) ಚಿತ್ರವು ಕಿಚ್ಚ ಸುದೀಪ್ (Kichcha Sudeep) ಅಭಿಮಾನಿಗಳು ಹಾಗೂ ಚಿತ್ರರಸಿಕರಿಗೆ ಹಬ್ಬದೂಟ ನೀಡುತ್ತಿದೆ. ಅಂದರೆ, ಬರೋಬ್ಬರಿ ಎರಡೂವರೆ ವರ್ಷಗಳಬಳಿಕ ನಟ ಕಿಚ್ಚಸುದೀಪ್ ಅಭಿನಯದ ಸಿನಿಮಾವೊಂದು ತೆರೆಗೆ ಬಂದಿದ್ದು, ಪ್ರೇಕ್ಷಕರಿಗೂ ಅದು ಇಷ್ಟವಾಗಿದೆ. ಸದ್ಯ ಸುದೀಪ್ ನಟನೆಯ ಮ್ಯಾಕ್ಸ್ ಚಿತ್ರವು ಬಿಡುಗಡೆಯಾದ ಎಲ್ಲ ಚಿತ್ರಮಂದರಗಳಲ್ಲಿ ಹೌಸ್‌ಫುಲ್ ದಾಖಲಿಸಿ ಸೂಪರ್ ಹಿಟ್ ಸಿನಿಮಾ ಸಾಲಿಗೆಡ ಸೇರಿಕೊಳ್ಳುವತ್ತ ದಾಪುಗಾಲು ಇಡುತ್ತಿದೆ. ಈ ಮೂಲಕ ಮ್ಯಾಕ್ಸ್ ಚಿತ್ರವು 2024ರ ಹಿಟ್ ಸಿನಿಮಾ ಸಾಲಿಗೆ ಸೇರಿಕೊಂಡಿದೆ. 

ಸ್ಯಾಂಡಲ್‌ವುಡ್ ಸ್ಟಾರ್ ನಟ ಕಿಚ್ಚ ಸುದೀಪ್ ನಟನೆಯ 'ಮ್ಯಾಕ್ಸ್' ಚಿತ್ರವು ಸದ್ಯ ಯಶಸ್ವೀ ಪ್ರದರ್ಶನ ಕಾಣುತ್ತಿದೆ. 25 ಡಿಸೆಂಬರ್ 2024ರಂದು ಕನ್ನಡ ಸೇರಿದಂತೆ ತಮಿಳು ಹಾಗೂ ತೆಲುಗು ಹೀಗೆ ಮೂರು ಬಾಷೆಗಳಲ್ಲಿ ಕಿಚ್ಚ ಸುದೀಪ್ ನಟನೆಯ 'ಮ್ಯಾಕ್ಸ್' ಸಿನಿಮಾ ಬಿಡುಗಡೆಯಾಗಿ ಒಳ್ಳೆಯ ರೆಸ್ಪಾನ್ಸ್ ಪಡೆದಿದೆ. ಈ ಚಿತ್ರವು ಕನ್ನಡ ಸಿನಿಪ್ರೇಕ್ಷಕರ ಪಾಲಿಗಂತೂ ಹಬ್ಬದೂಟವಾಗಿ ಪರಿಣಮಿಸಿದೆ. ವರುಷದ ಕೊನೆಯಲ್ಲಿ ಮ್ಯಾಕ್ಸ್ ಮೂಲಕ ಹರುಷದ ಹೊನಲು ಹರಿದಿದೆ. ಕಿಚ್ಚ ಅಭಿಮಾನಗಳ ಮುಖದಲ್ಲಿ ನಗು ಮೂಡಿದೆ. ಈ ಸಮಯದಲ್ಲಿ ನಟ ಕಿಚ್ಚ ಸುದೀಪ್ ಆಡಿರುವ ಹಲವಾರು ಮಾತುಗಳು ವೈರಲ್ ಆಗುತ್ತಿವೆ. 

ನಟ ಕಿಚ್ಚ ಸುದೀಪ್ ಅಭಿನಯದ ಯಾವುದೇ ಸಿನಿಮಾ ತೆರೆಗೆ ಬಾರದೇ ಬರೋಬ್ಬರಿ ಎರಡೂವರೆ ವರ್ಷಗಳು ಆಗಿಹೋಗಿತ್ತು. ಅವರ ಅಭಿಮಾನಿಗಳು ಈ ಬಗ್ಗೆ ಹುಸಿ ಕೋಪದಿಂದ ಕೇಳುತ್ತಲೇ ಇದ್ದರು. ಆದರೆ ಈ ಬಾರಿ ಅವರ ಬಾಸ್ ಚಿತ್ರವು ನಿರೀಕ್ಷೆ ಮೀರಿ ಚೆನ್ನಾಗಿದೆ ಎಂಬ ಪ್ರತಿಕ್ರಿಯೆ ಪಡೆದಿದೆ. ಸೋ, ಕಿಚ್ಚ ಸುದೀಪ್ ಫ್ಯಾನ್ಸ್ ಖುಷ್ ಹುವಾ..! ಸದ್ಯ ಚಿತ್ರವು ಬಿಡುಗಡೆಯಾದ ಬಹುತೇಕ ಚಿತ್ರಮಂದರಗಳಲ್ಲಿ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದೆ. ಸ್ಯಾಂಡಲ್‌ವುಡ್‌ನಲ್ಲಿ ಈ ವರ್ಷದ ಬ್ಲಾಕ್ ಬಸ್ಟರ್ ಸಿನಿಮಾಗಳ ಲಿಸ್ಟ್‌ನಲ್ಲಿ ಮ್ಯಾಕ್ಸ್ ಕೂಡ ಜಾಗ ಪಡೆಯುವುದು ಪಕ್ಕಾ ಎನ್ನಲಾಗುತ್ತಿದೆ. 

ಲೇಟ್ ಆಗಿ ಬಂದರೂ ಕಿಚ್ಚಸುದೀಪ್ ಅವರು ಲೇಟೆಸ್ಟ್ ಆಗಿ ಬಂದಿದ್ದಾರೆ ಎಂಬ ಮಾತು ಓಡಾಡುತ್ತಿದೆ. ಕಾರಣ, ಈ ಮೊದಲು ಅಂದರೆ ಎರಡೂವರೆ ವರ್ಷಗಳ ಹಿಂದೆ ಬಿಡುಗಡೆ ಆಗಿದ್ದ ಕಿಚ್ಚ ಸುದೀಪ್ ನಟನೆಯ ಸಿನಿಮಾಗಳು ವಿಭಿನ್ನವಾಗಿ ಇದ್ದ ಕಾರಣಕ್ಕೆ ಅವರ ಅಭಿಮಾನಿಗಳಿಗೇ ಇಷ್ಟವಾಗಿರಲಿಲ್ಲ. ಆದರೆ, ಈಗ ಬಂದಿರುವ ಮ್ಯಾಕ್ಸ್ ಸಿನಿಮಾ ಹಾಗಾಗಿಲ್ಲ, ಅಭಿಮಾನಿಗಳು ಸೇರಿದಂತೆ ಆಲ್‌ಮೋಸ್ಟ್ ಕನ್ನಡ ಸಿನಿಮಾ ಪ್ರೇಕ್ಷಕರಿಗೆ ಸಖತ್ ಇಷ್ಟವಾಗಿದೆ. ಕಲೆಕ್ಷನ್ ವಿಷಯದಲ್ಲಿ ಕೂಡ ಮ್ಯಾಕ್ಸ್ ಹಿಂದೆ ಬಿದ್ದಿಲ್ಲ. ಆದರೆ, ಸರಿಯಾದ ಅಂಕಿಅಂಶಗಳು ಇನ್ನಷ್ಟೇ ಬಿಡುಗಡೆ ಆಗಬೇಕಿದೆ.