ಡಾ.ರಾಜ್ ಎಂದರೆ ಮ್ಯಾಜಿಕ್: ಅಮೆರಿಕ ವಿವಿಯ ಪದವಿ ಪ್ರದಾನ ಸಮಾರಂಭದಲ್ಲಿ ಮೇರುನಟನ ಗುಣಗಾನ ಮಾಡಿದ ವಿದ್ಯಾರ್ಥಿನಿ
ಸಾರಾಂಶ
ಕನ್ನಡ ನಾಡು ಕಂಡ ಅಪರೂಪದ ನಟ ಡಾ.ರಾಜ್ಕುಮಾರ್ ಕುರಿತು ಅಮೆರಿಕದ ಪದವಿ ಪ್ರದಾನ ಸಮಾರಂಭದಲ್ಲಿ ವಿದ್ಯಾರ್ಥಿನಿ ಹೇಳಿದ್ದೇನು?
ಕನ್ನಡ ನಾಡು ಕಂಡ ಅಪ್ರತಿಮ ನಟನೆಂದರೆ ಅದು ಡಾ.ರಾಜ್ಕುಮಾರ್. ಸುಮಾರು ಐದು ದಶಕಗಳವರೆಗೆ ಚಿತ್ರರಂಗ ಆಳುತ್ತಾ ಬದುಕಿನುದ್ದಕ್ಕೂ ಒಂದೇ ಒಂದು ಕಪ್ಪುಚುಕ್ಕೆಯನ್ನು ಇಟ್ಟುಕೊಳ್ಳದೇ ಮರೆಯಾದ ನಟ ಇವರು. ಕನ್ನಡಕ್ಕಾಗಿಯೇ ಜೀವನ ಮೀಸಲಿಟ್ಟು, ರಾಜಕೀಯಕ್ಕೆ ಪ್ರವೇಶಿಸಲು ಆಫರ್ ಬಂದರೂ ತಿರಸ್ಕರಿಸುತ್ತಲೇ ಕೋಟ್ಯಂತರ ಕನ್ನಡಿಗರ ಕಣ್ಮಣಿಯಾಗಿದ್ದವರು ಡಾ.ರಾಜ್ಕುಮಾರ್. ಓದಿದ್ದು ನಾಲ್ಕನೇ ತರಗತಿಯಾದರೂ ಅತ್ಯದ್ಭುತ ಭಾಷಾ ಪ್ರೌಢಿಮೆ, ನಿರರ್ಗಳವಾಗಿ ಸಂಸ್ಕೃತ ಉಚ್ಚರಿಸುತ್ತಿದ್ದ ರೀತಿ, ಶಾಸ್ತ್ರೀಯ ಸಂಗೀತ ಕಲಿಯದಿದ್ದರೂ ತಮ್ಮ ಕಂಠಮಾಧುರ್ಯದಿಂದ ಅವರು ಮಾಡಿದ್ದ ಮೋಡಿ... ಬಹುಶಃ ಚಿತ್ರರಂಗದಲ್ಲಿ ಅಂಥ ಕಲಾವಿದ ಮತ್ತೊಬ್ಬ ಇರಲು ಸಾಧ್ಯವೇ ಇಲ್ಲ ಎನ್ನುವಷ್ಟರ ಮಟ್ಟಿಗೆ ಎತ್ತರಕ್ಕೆ ಏರಿದವರು ಅವರು. ಅವರ ಚಿತ್ರದ ಹಾಡುಗಳು ಇಂದಿಗೂ ಎಲ್ಲರ ಬಾಯಿಯಲ್ಲಿಯೂ ನಲಿದಾಡುತ್ತದೆ, ಅವರ ಬಹುತೇಕ ಎಲ್ಲಾ ಸಿನಿಮಾಗಳ ಹಾಡುಗಳು ಎವರ್ಗ್ರೀನ್ ಎಂದರೆ ಅದರ ತಾಕತ್ತು ಎಷ್ಟು ಎಂದು ಊಹಿಸಬಹುದು. ಭಾರತೀಯ ಚಿತ್ರರಂಗ ನೂರು ವರ್ಷ ಪೂರೈಸಿದ ಸಂದರ್ಭದಲ್ಲಿ ಫೋರ್ಬ್ಸ್ ಪತ್ರಿಕೆಯು ಪ್ರಕಟಿಸಿರುವ 25 ಅತ್ಯದ್ಭುತ ನಟನೆಗಳ ಪಟ್ಟಿಯಲ್ಲಿ ಡಾ. ರಾಜ್ ಕುಮಾರ್ ಅವರ ಬಂಗಾರದ ಮನುಷ್ಯ ಚಿತ್ರದ ನಟನೆಯೂ ಒಂದಾಗಿದೆ.
ಮನೆಭಾಷೆ ತೆಲಗು ಆದರೂ ಕನ್ನಡವನ್ನೇ ಉಸಿರಿನಲ್ಲಿ ತುಂಬಿಸಿಕೊಂಡಿದ್ದ ಡಾ.ರಾಜ್ಕುಮಾರ್ ಅವರ ಕೀರ್ತಿ ಸಪ್ತಸಾಗರದ ಆಚೆಯೂ ಇಂದಿಗೆ ಅಚ್ಚಳಿಯದೇ ಉಳಿದಿದೆ ಎನ್ನುವುದಕ್ಕೆ ಸಾಕ್ಷಿಯಾಗಿ ನಿಂತಿದೆ ಅಮೆರಿಕದ ಈ ವಿದ್ಯಾರ್ಥಿನಿಯ ಮಾತು. ಹೌದು. ಅಮೆರಿಕದಲ್ಲಿ ನಡೆದ ಪದವಿ ಪ್ರದಾನ ಸಮಾರಂಭದಲ್ಲಿ ಶ್ರೇಯಾ ಚಂದ್ರಶೇಖರ್ ಎನ್ನುವ ವಿದ್ಯಾರ್ಥಿನಿ ಡಾ.ರಾಜ್ಕುಮಾರ್ ಅವರನ್ನು ಹಾಡಿ ಹೊಗಳಿದ್ದಾರೆ. ಪಾಲ್ ಲಾರೆನ್ಸ್ ದನ್ಬಾರ್ ಹೈಸ್ಕೂಲ್ ಹಿರಿಯ ತರಗತಿ ಅಧ್ಯಕ್ಷೆಯಾಗಿರುವ ಶ್ರೇಯಾ ಚಂದ್ರಶೇಖರ್ ಅವರು ಆಡಿದ ಮಾತುಗಳಿವು. ಇದರ ವಿಡಿಯೋ ಅನ್ನು ಅಮೆರಿಕದಲ್ಲಿನ ಕನ್ನಡತಿ ಯಮುನಾ ನಾಗರಾಜ್ ಎನ್ನುವವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದು, ಅದೀಗ ವೈರಲ್ ಆಗಿದೆ.
ಸೀತಾರಾಮ ಸೀತಾ ವೈಷ್ಣವಿಯ ಅಮ್ಮ ವಕೀಲೆಯಾಗಿ ಒಂದು ವರ್ಷ! ಕುತೂಹಲದ ಮಾಹಿತಿ ಇಲ್ಲಿದೆ...
ನಮ್ಮ ಪ್ರೀತಿಯ ಡಾ. ರಾಜ್ಕುಮಾರ್ ಅವರ ಪರಂಪರೆ ಮತ್ತು ಮೌಲ್ಯಗಳನ್ನು ಸುಂದರವಾಗಿ ಹಿಡಿದಿಟ್ಟುಕೊಂಡ ವಿದ್ಯಾರ್ಥಿಯೊಬ್ಬರು USA ಯಲ್ಲಿ ಪದವಿ ಪ್ರದಾನ ಭಾಷಣದ ಸಂದರ್ಭದಲ್ಲಿ ಅವರಿಗೆ ನಿರರ್ಗಳವಾದ ಶ್ರದ್ಧಾಂಜಲಿ ಸಲ್ಲಿಸಿದರು ಎಂಬ ಶೀರ್ಷಿಕೆಯೊಂದಿಗೆ ಯಮುನಾ ಎನ್ನುವವರು ಈ ಭಾಷಣ ಶೇರ್ ಮಾಡಿದ್ದಾರೆ. ಇದರಲ್ಲಿ ವಿದ್ಯಾರ್ಥಿನಿ ಶ್ರೇಯಾ ಅವರು ಭಾರತದ ಕರ್ನಾಟಕದ ಕಣ್ಮಣಿಯಾಗಿರುವವರು ಡಾ.ರಾಜ್ ಎನ್ನುತ್ತಲೇ ಅವರ ಗುಣಗಾನ ಮಾಡಿದ್ದಾರೆ. ಅಲ್ಲಿನ ವಿದ್ಯಾರ್ಥಿಗಳು ಮತ್ತು ಬೋಧಕ ವೃಂದಕ್ಕೆ ಡಾ.ರಾಜ್ ಅವರ ಪರಿಚಯ ಮಾಡಿಸಿದ್ದಾರೆ. ಭಾರತ ಮೂಲದ ವಿದ್ಯಾರ್ಥಿನಿಯಾಗಿರುವ ಶ್ರೇಯಾ ಅವರು ಡಾ.ರಾಜ್ಕುಮಾರ್ ಅವರು ಜೀವನ ಕ್ರಮದ ಕುರಿತು ಪದವಿ ಪ್ರದಾನ ಸಮಾರಂಭದಲ್ಲಿ ಹೇಳಿದ್ದಾರೆ.
ಡಾ.ರಾಜ್ಕುಮಾರ್ ಅವರು ನನ್ನ ತಂದೆಯ ಫೆವರೆಟ್ ನಟ ಮತ್ತು ಸಿಂಗರ್ ಆಗಿದ್ದವರು. ಡಾ.ರಾಜ್ಕುಮಾರ್ ಎಂದರೆ ಮ್ಯಾಜಿಕ್. ಐದು ದಶಕಗಳಿಗಿಂತಲೂ ಹೆಚ್ಚು ಕಾಲ ಕನ್ನಡ ಚಿತ್ರರಂಗವನ್ನು ಆಳಿದವರು, ಇನ್ನೂರಕ್ಕೂ ಅಧಿಕ ಚಿತ್ರಗಳಲ್ಲಿ ಅವರು ನಟಿಸಿದ್ದಾರೆ ಎಂದು ಶ್ರೇಯಾ ಬಣ್ಣಿಸಿದ್ದಾರೆ. ಇದೇ ವೇಳೆ, ಡಾ.ರಾಜ್ಕುಮಾರ್ ಅವರ ಕರ್ತವ್ಯನಿಷ್ಠೆ, ತಮ್ಮ ಕಾರ್ಯದಲ್ಲಿನ ಶ್ರದ್ಧೆಯ ಬಗ್ಗೆ ತಮ್ಮ ತಂದೆಯವರು ಸದಾ ಹೇಳುತ್ತಿದ್ದರು. ಅವರ ಈ ಶ್ರದ್ಧೆಯನ್ನು ಮೈಗೂಡಿಸಿಕೊಳ್ಳುವ ಬಗ್ಗೆಯೂ ತಂದೆಯವರು ಹೇಳುತ್ತಿದ್ದರು ಎಂದು ಶ್ರೇಯಾ ಹೇಳಿದ್ದಾರೆ.
ಮನೋಕಾಮನೆ ಈಡೇರಬೇಕೆಂದರೆ 3,6,9ರ ಟಿಪ್ಸ್ ಫಾಲೋ ಮಾಡಿ: ಸೀತಾರಾಮ ವೈಷ್ಣವಿ ಗೌಡ ಸಲಹೆ
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.